*الناس كلها بقت متحيرة مؤمن مالو والحاصل عليو؟ ومالو إتغير مع الناس؟ وليه منع نور إنها تتكلم..
مؤمن وهو قاعد في الأرض ويدو في راسو ،ملاذ جنبو ويدها في كتفو وبتقول بصوت مبحوح ومنتهي من البكا:مؤمن ماف شي بستاهل كلو بتصلح انا معاك وانا جنبك😞
نبيل:مؤمن ي صحبي م عرفتك كده انا في شنو ياخ
نور:يخوانا ممكن نطلع من الجامعه
نبيل :انتي اسكتي حلفتي م تتكلمي دي شنو الحركات دي
نور:بس ي نبيل...
نبيل:لا بس لا زفت، يعني إحنا م هامينا الحاصل ولا عشان ساكتين فترة الإمتحانات دي كلها وم سألناهو
ملاذ(وهي بتتكلم مع مؤمن) :مؤمن حبيبي الله يرضى عليك مالك؟ فهمني
*في تصرف غير متوقع مؤمن قام من الأرض وبقى يصرخ:
مؤمن(ب صراخ) :ح نفترق ي ملاذ ح نفترق تاني، الحظ م وقف معانا القسمة فرقتنا ، ح أكسرك تاني ي ملاذ ، قصة حبنا ح تنتهي ،😩😫😩
*كلهم بقو مصدومين من كلام مؤمن والإنفعال الحصل منو وشنو الخلاهو يقول كده؟ وقصدو شنو ب إنو القسمة م معاهم؟
نبيل طوالي جرا مؤمن وركبو العربية كلهم وماف زول فتح خشمو معاو ، وملاذ من صدمة الكلام السمعتو م قدرت تسألو أو تتصرف بأي تصرف لكن دموعها الما وقفو وعيونها الإتورمت بالبكا كانت بتحكي إنها قدر شنو متوجعة من الحاصل رغم إنها م عارفة الحصل بالظبط شنو؟🙂💔
ماف زول كان فاهم شي ،بس نبيل طوالي مشو وقعدو ف البحر المكان البجوهو هو ومؤمن عشان يفضفضو والمكان البرتاح فيهو..
نبيل :كدا ياداب أقدر أفهم الحاصل شنو، في شنو ي مؤمن ؟
مؤمن رفع راسو وبقى يعاين ل ملاذ ويحكي:
مؤمن :لما رجعت منكم أخر يوم لقيت ناس بيتنا جو من كندا، وعاملنها لي مفاجأة كنت مبسوط جداً ب جيتهم ، طولتا من شوفتهم ، لي زمن من ميار أختي ومن حضن أمي وضجة أبوي في البيت، لمتهم معاي بعد السنين الطويلة دي كنت مبسوط بها جداً ل درجة م بتتوصف، جا الليل وشلت تلفوني قلت أتصل ل ملاذ أكلمها بالمفاجأة دي وأوريها إنو ناس أمي جو وكده.. أول م شلت تلفوني عشان أتصل جات أمي داخلة علي طوالي من غير ما أشعر قفلت التلفون وختيتو.. بدت تسأل فيني بتحب ولا شنو؟ أنا ضحكت وم رديت عليها ،بس تاني قلت دي فرصة ي مؤمن ولازم أصارحها في النهاية الموضوع ح يصلها، بس قبل م أفتح خشمي ب كلمة صدمتني ب جملة"ي ولدي ولا تفكر تحب ، عروسك جاهزة إحنا جينا مخصوص عشان الموضوع ده..
*في اللحظة دي ملاذ كانت واقفة أول م سمعت الجملة قعدت جنب هند ومسكتها من يدها ،
مؤمن كمل كلامو وهو مكسور وحاسي ب وجع م بيتوصف" قلت لأمي انا عندي عروس معينة في رأسي إنسانة بتحبني وبحبها والح أقدر أكمل معاها مشوار حياتي ، الإنسانة الح تسعدني وتخليني مبسوط ، بس إتفاجأت من ردة فعلها إنها بدت تكورك وقالت:"أنا أديت كلمة وخلاص وبعدين هي م غريبة ، خطبنا ليك بت خالك أيات ، بت جميلة ومهذبة ومافيها اايي كلام وبتقدر تعيش معانا وتفهمنا ، صراحة ي نبيل م قدرت استحمل الكلام وأنا زول أحمق قفلت الباب من غير م أشعر وطلعت غرفتي وم إتكلمت مع زول كنت بجي ل نور ، لأني لو حكيت ليك هند ح تعرف وح تحكي ل ملاذ وم كنت عاوز الموضوع ده يصل ل ملاذ من زول غيري، أخر كلام أمي إنو ي هي ي ملاذ ، ختتني في أصعب خيار في حياتي بين أمي الجابتني ورغم إني إتحرمت منها سنين، وبين ملاذ حبي الأول المعاها عرفتا يعني شنو حب؟ الموضوع كان مؤثر معاي جداً لي أيام بنوم بالمسكنات ، لي أيام م شفت لي أكل ، الإمتحانات البجيها دي م كاتب غير إسمي، بقيت عايش زي الميت ، تعبان من جوة ، حياتي بقت م بيدي ، أمي عاوزة تنهي حياتي ب طريقة بشعة ، إني أتحرم من حبي وأعيش باقي عمري مع إنسانة م بعرف غير إسمها وم بجمعني بيها غير صلة رحم ،قولو لي أحكي كيف؟ أتكلم كيف؟ ولا الجواي أوصلو كيف😩💔
*بعد مؤمن حكى قصتو وسكت مساافة كلهم بدو يعاينو ليهو بس ونبيل م رد ب شئ، ملاذ كأي وحدة في محلها كانت ساكتة بس وبتعاين ل مؤمن ، م عرفت تقول شنو أو أصلا ترد ليهو ب حاجة، إحساس إنها ح تتكسر تاني وكل أحلامها العاشتها معاو بقت أوهام ، وكل الكلام والقصص الخططو ليها راحت على الفاضي، إحساس إنو العشم الجواك يموت ب كلمة بس أو قرار صعب وغصباً عنك..
*الأصعب من إنو تنكسر من زول بتحبو ، إنك ممكن تنسى الكسر مع مرور الزمن بس كيف تنسى حبو ليك ؟🙂
نبيل جا على جهة ومؤمن وقال ليهو
نبيل:شوف ي مؤمن ، لو جيت تحكي لينا وبتاع وتنتظر مننا نأخد موقف م ح يحصل شي، مش إنت بتحب ملاذ؟
مؤمن:ملاذ حياتي ي نبيل💔
نبيل:البحب م بسكت ي مؤمن، البحب بضحي، بستحمل، يجازف عشان يبقى مع البحبو، حاول أضغط على امك إنك تبعد منها ووريها إنو سعادتك مربوطة ب وجود ملاذ معاك وإنو ي ملاذ يا ما حتعرس غيرهاط الزواج م لعب وم عشانك وعشان ملاذ ، عشان البت الح تضيع عمرها معاك وإنت م عندك ليها حاجة
هند:بدون مقاطعة ل كلامك ي نبيل، بس ي مؤمن كلام نبيل صح، إنت لما تستسلم كده أمك م ح تحاول ترجع عن قراراها لأنها م شايفة ايي رد فعل منك، وكونك إنك تطلع تخلي البيت صدقني م ح يحنن قلبها، وأنا م بقول ليك إنو تضغط عليها ب حاجات صعبة في النهاية هي أمك بس كمان حاول عشان خاطر قلب الإنسانة العلقتها بيك وحبتك من أول وجديد تاني..
*بعدها هند ونبيل راحو وخلو مؤمن وملاذ مع بعض..
مؤمن:ملاذ😞
ملاذ:عارف ي مؤمن؟ أنا مما قمت في الدنيا دي حظي كعب، وعمري م إتوفقتا فب حاجة عاوزاها، تصدق لما نجحت تامنة كان نفسي أخش مدرسة ثانوية جنبنا أول م إمتحنت المدرسة قفلوها وزعلتا شديد، لما امتحنت شهادة برضو كنت عاوزة أقرا مع ناس أمي وأصلا قلت م ح أبعد عنهم بس شاءت الظروف إني أجي أقرا هنا، ويمكن عشان ألاقيك ، وأحبك وفعلاً حبيتك أكتر من ايي شي حبيتك كأنو ماف غيرك في حياتي وإنو إنت الروح الح أتكل عليها، بس نسيت ي مؤمن إنو م عندي حظ ، م عندي حظ في ايي شي حتى في الحب💔صدقني الحصل ده كلو م سببو إنت ولا خالتو وم تخت اللوم في أمك السبب كلو مني وإنو ربنا م كاتب لي حظ حلو في ايي شي وبعدين يمكن ربنا ح يعوضك ب حاجة أحسن مني وتطلع تحبك أكتر مني🙂
مؤمن:م عاوز ي ملاذ م عاوز أحسن منك م عاوز ايي زفت، أنا خلاص ح احددها مع أمي لأني م شافع صغير عشان أمي تحدد حياتي
ملاذ:مؤمن خلي بالك من نفسك وصحتك انا م زعلانة ع الحصل ،
*في الاثناء دي نبيل وهند كانو في العربية وساكتين ..
نبيل:مالك ساكتة ؟
هند:الحصل ي نبيل م خلا لي حاجة أقولا💔 خايفة الزمن يدور بي أتختا في موقف ملاذ ده
*فجأة نبيل وقف العربية وضرب يدو بالديريكسون وعاين ل هند:
نبيل:هند اسمعيني انا حياتي دي ماف زول بتدخل فيها ولا في زول بتحكم بيها وانا مستحيل أفرط فيك وعشانهند(قاطعت نبيل) :مرات الظروف والقسمة بتكون أكبر مننا ي نبيل ما ايي حاجة عاوزنها بنلقاها وم ايي شي بنحلم بيهو بيتحقق، وعلى فكرة علاقتنا أشبه ب علاقة مؤمن وملاذ لسه محكوم عليها بالفراق نهايتنا م معروف تكون شنو😞💔
نبيل:هند م تقولي كده انا والله بحبك وعاوزك بس أخلص سنتي الأخيرة دي وح أجي أطلبك من أهلك ما ح أخلي حاجة تقيف بينا والله
هند :ان شاء الله ي نبيل ، النية هي أساس ايي حاجة والدعوات البندسها في نص صلواتنا ، بس هسي مؤمن ح يحصل ليهو شنو ؟ وقصتكم ح تنتهي كيف؟💔
نبيل:والله م عارف ي هند، قصتهم أصبحت شبه منتهية
*بعدها وهم بتكلمو نبيل سمع صوت العربات ورا بتضرب البوري لأنو نبيل بقى واقف في نص الشارع وبتكلم من غير م يحس🤦🏻♀، نبيل حرّك عربيتو ونزّل هند بيتهم وطوالي رجع ل مؤمن.
*مهما كان علاقتك مع زول معين حسيت بيها بالبرود والجفا وإنها بدت تنتهي م تخليها، جازف ، ضحي، إتنازل، حاول تفتش عن أسباب ترجعها من أول، بس أوعك تسيب زول في نص الطريق ،إياك تموٌت مشاعر طلعت ليك بكل حب ، إياك تتخلى عن علاقة أزهرت في قلبك أيام من فرح، حتى لو الطرف التاني قدم ليك ألف سبب للفراق فتش إنت عن سبب واحد يخليها تستمر عشان حرام والله كمية الحب والمشاعر دي تضيع هوا🙂💕
*هند رجعت البيت وهي تعبانة جداً من الحصل ومتضايقة، كأنو الموضوع حاصل ليها هي شخصياً بس عشان ملاذ صحبتها ورفيقة عمرها ، فكرٌت إنها تتصل ليها بس تاني غيرت رأيها رغم إنها كانت قلقانة عليها وخايفة، بعد شوية رقية أم هند جات داخلة
رقية:مالك ي بت عاملة كده؟وم دخلتي سلمتي علينا؟ ووينا ملاذ؟
هند:بس مصدعة شوية ، ملاذ عاوزة تجيب حاجات من المكتبة وتجي
رقية:ايواا، خلاص خشي إستحمي بردي شوية
هند:طيب
*بعدها ب نص ساعة ملاذ جات داخلة الأوضة، هند كانت بتغير اول م جات ولقت ملاذ، ملاذ م قدرت تكتم أكتر حضنت هند وإتفجرت بكا💔 بكت كأنها فقدت روحها، بكت بكا سنين محبوس، إحساس عاوزة تطلع كل الجواها في اللحظة دي ،
هند(وهي حاضنة ملاذ وبتبكي) :ملاذ م تبكي ياخ م تبكي
ملاذ:منهارة أنا ي هند ، أول مرة أحس بإني عاجزة بإني خسرت أيي حاجة عندي..
هند:ملاذ م تقولي كده أول مرة أشوفك ضعيفة ومنكسرة كده😪
ملاذ :الموضوع قتلني ي هند ،قتلني من جوة، بالعافية مسكت نفسي جنب مؤمن، ليه يحصل معاي كده😞 ليه أنا؟ والله بحبو والله عاوزاو😭
هند:م معروف اليحصل شنو لسه ي ملاذ م تحكمي
ملاذ :يحصل شنو تاني ؟ خلاص كل شي إنتهى
*أثناء م بتكلمو جات رقية أم هند..
رقية:يلا ي بنات الغدا
هند:م عاوزين ي أمي
رقية:كيف يعني؟ومالكم سجمي كنتو بتبكو ولا شنو😳
هند:لالا بس ملاذ عندها وجع بطن
رقية :خليني أغلي ليك حرجل ي بتي لكن كان تأكلي
ملاذ:لا ي خالتو كويسة هسي بنوم وبتروح
رقية:خلاص أغلي ليك الحرجل ونومي ،، بعدها طلعت وخلتهم..
*الحب البوجعنا وبيخلينا ننكسر عمرنا م بننساهو، ببقى علامة جوانا والأصعب من كده م بنقدر نخوض تجربة بعدو أو نقدر نستهلك مشاعرنا بنفس الصدق والإيمان الكنا فيهو😪💕*نبيل مشى ل مؤمن على أساس هو في البحر بس لقاهو مافي إتصل في تلفونو ما برفع😪💔
قال أحسن يرجع البيت ويمشي ليو بعدين أول م نبيل وصل البيت علامات الضيق كانت باينة في وشو الزعل ظاهر فيو حتى صرة وشو وحواجبينو بتقول إنو متضايق جداً
جات أمو عليو وقلب الأم عمرو م بخيب
فاطمة:ي ود مالك!
نبيل:أمي عاوز أسألك
فاطمة :قول ي ولدي
نبيل:عاوزة حاجة غير سعادتي انتي؟.
فاطمة:وأنا كان شفتك مبسوط ي ولدي تاني بكون عاوزة حاجة
نبيل:أمي أنا بحب وحدة إسمها هند وعاوزها لقدام عاوز أبني معاها حياتي، عاوزها للنهاية، أمي هند دي كل شئ بالنسبة لي هند دنيتي ، فرحتي، نصي التاني، وكل الحاجات الحلوة بتشبها
فاطمة:نبيل ولدي اول مرة أشوفك بتحكي عن زول بالطريقة دي، وأنا أوعدك وعد إنو ماف غير هند ح تخش البيت ده، هسي بالمناسبة ناس العريس جايين بكرة عشان يعملو الخطوبة ومنها كلم هند دي تجي عشان نشوفا
نبيل:جد ي أمي؟♥
فاطمة:أيوة جد ي نبيل خليني أشوف الخلتك تتغير كده منو
*في اللحظة دي نبيل إتزكر مؤمن وملاذ، وكيف ح يقدر يوريهم ب خطوبة أختو وهم موجوعين بالحال ده؟ كيف ح يقنع هند تجي وهي متضايقة من قصة ملاذ؟ كيف المواضيع ح ترجع تاني😪💔
👇🏻
الحب البكون قسمتو زول تاني،النهاايات العكس رغبتنا تماماً، المواقف البتحصل ضدنا، ردود الفعل الغير متوقعة،الوجع الما بزح مننا، كمية الضغوطات البتجي ورا بعض، الزول البخذلك غصباً عنو، الظروف البتعاكسك، حاجات ممكن تخليك متضايق ل درجة تنعزل من كل الناس والمشكلة الأكبر ضيقك م بتقدر تحكيو ولا بتقدر تكتمو😪💔
يتبع......
#طلب خاص ل متابعيني عندي قريبي إتوفى ومكانتو م أفضلها عليكم بس دسوهو في دعواتكم😞💔 قولو"ربنا يرحمك ي قتيبة أحمد " ويجعلك في فسيح جناته ويغفر ليك ويتولاك برحمتو
