وقفنا في الجزء الفات إنو مؤمن خلاص خدر ملاذ بس خدرها كيف؟ وهند كانت وين؟ يلا التفاصيل..
*هند كانت مركبة السماعات ومع تلفونها يعني نظام م شغالة ب مؤمن وملاذ واول م قربو خلاص ومؤمن اتصل ع نبيل فتح ليهم الباب وجا ورا ملاذ خدرها برااحة وملاذ م قادرة تتكلم لانو كان كااتم على خشمها بس دموعها قدرت تنزل وعيونها قدرت توعى وتشوف خساسة مؤمن والغدر الحصل منو💔
اول م هند شافت مؤمن وهو بخدر في ملاذ جات عليهو بس مؤمن لزاها بعيد ورمى ملاذ في العربية في الساعه ديك نبيل جا..
نبيل:اخييرا اخييرا شرفتي يخ احنا منتظرنك لينا اسابيع
هند:(والدموع في عيونها وصوتها مليان خوف) :انت منو م شايفه حاجة انا ووين انا ودايرين مني شنو😰
نبيل:بالله م عرفتيني؟ههههه انا ي ستي(وجا قريب منها) انا اليدك السمحة دي جات في وشي
هند:ن..نبيل(ب صوت متقطع)
نبيل:اي يااهو نبيل القدرتي وبكل وقاحة تضربيني كف ،انا؟ انا اخد كف من وحدة زيك
لكن تعرفي ي هند انا ح ابقى احسن منك انتي اديتيني كف ومشيتي يعني ضررتي جزء بسيط فيني يلا انا ح ابقى اكرم منك واضرر ليك جسمك كلو
هند:عليك الله لا ياخ حرام عليك خاف الله فيني😭😭
*'هند حاولت تهرب واول م بدت تجري مؤمن وقف ليها يعني كل الطرق مقفلة💔
نبيل(بإستهزاء):هههه تجري وين الليلة ي جميله
مؤمن:يااا ابوالنبل خلينا ننجز ياخ
نبيل:يلا ارفعها فوق قداامي
*نبيل طلع الشقة فوق ومؤمن بقى يجر في هند وهي تقاوم بس مؤمن كان اقوى منها وكل م تطلع درجة في السلم تسترحم في مؤمن
هند:عليك الله خاف الله فيني انا.. اهلي.. انا.. 😭😭
مؤمن:قفلي خشمك ده عشان تاني م تلعبي مع ناس اكبر منك
*هند عرفت انو ماف مفر خلاص كل الطرق اتقفلت وم عرفت تعمل شنو وم قدرت تستلم
في اللحظة ديك مؤمن شالها ورماها في السرير🤦🏻♀💔 ونبيل واقف بفك في زراير قميصو
هند نزلت من السرير وبقت قاعدة في ركن ااخر الغرفة وبتستغفر وبتقول"انا لله وانا اليه راجعون) 💔
نبيل:عايني الكلام ده بعدين (وهو لسه بقلع في هدومو💔
اول م قررب منها هند كان بتمسك نفسها بيدها من النص وتستغفر
نبيل بقى يجر فيها وهي بتبكي ومرة تعضو في يدو ومرة تضربو بس نبيل ولا حسا ولا عبرها
مسك عبابتها وفكاها ليها وهند تكورك بأعلى صوت ليها
نبيل:كوركي ل بكرة زول بسمعك ماف
هند لما عرفت انو خلاص القوة م جابت معاهو نتيجة قررت تتعظو..
هند عاينت ليهو ب عيون مورمة من البكا وصوت منتهي وحيل ميت وقالت ليهو:يمكن م اقدر اقاوم لكن لو مت انت الح تتحاسب ع جريمة ربنا حرمها"ولا تقربو الزنا انه كان فاحشة وساء سبيلا" عشان ربنا خليني
*في اللحظة دي نبيل جسمو برد عيونو بقو كبار عاين ل حالة هند وهي انسانة مكسورة مرمية اخر الغرفة وهو زي الوحش حاول يهجم عليها
بس م اشتغل بالموضوع كتير وقدر يرميها في السرير💔 اول م خلاص عاوز يقرب هند ضربتو ب كراعها وبقت تقول :ياارب انت أقوى منو ومني
في اللحظة دي نبيل رجع ووقف م قدر يكمل زي حسا ب خوف ورجفة وطوالي طلع من الغرفة لاقاهو مؤمن برة..
مؤمن:شنوو ي فردة متيين بالسرعة دي ولا لسه؟
نبيل:م.مؤمن رجع البت دي بيتهم😣
مؤمن:ارجع منو؟؟؟ نبيل انت جنيت حصل شنو ي ود
نبيل(وهو بكورك وبضرب في نفسو) :قلت ليك رجعها.. رجعها
مؤمن:يااااربي..انا ماشي والله اتصرف معاها انت
*وفعلا مؤمن نزل وخلا نبيل وهند براهم
نبيل بقي بفكر ف كلام هند والخلاهو يرجع شنو؟كيف قدر يضعف ويرجع عن قرارو؟كيف الفرصة الكان منتظرها اسابيع تضيع منو كده؟وبسبب شنو
وقف برة الباب وبقى يعاين ل هند الكانت لسه بتستغفر 💔
نبيل دخل وقررب عليها وختا يدو في كتفها نظام يلفتها بس اول م قرب يدو منها هند رجعت ل ورا وهي بترجف
نبيل:والله م عاوز أذيك افهميني.
هند:امي..ا.. امي بس ودوني البيت
نبيل:عايني انا اول مرة في حياتي بت تمنعني انا البنات بحنسوني عشان اجيهم بس اول مرة احس بإني م راجل إنو في بت قدرت تقيف لي حاجز خوفك وقلقك ده م عارف حسسني ب نقص ب ضعف وإني انسان جبان جددا بس عاوز اقول ليك..
هند(قاطعتو وهي بتبكي):رجعني البيت ولا كلمة م عاوزة 😭
نبيل:والله العربية م معاي للصباح برجعك
هند:صباح؟؟؟انت مجنون انا م عاوزة اشوف خلقتك دي تفتكر اني ح اقعد للصباح مع واحد عاوز ينتهك شرفي😭😭 زح مني زح مني بعييد
*نبيل قام من جنبها وهو ضميرو بين مؤنبو وبين متردد💔
هند فجأة أغمى عليها وهي في نفس الركن القاعدة فيهو، نبيل م لاحظ ليها بعد شويه عاين ليها لقاها راقدة افتكرها نايمة شالها من ع الارض ورقدها في السرير وغطاها ب غطا وفضل يعاين ليها وهو منكسر وحزين💔
وبقول في نفسو:ي ربي مالي انا؟الخلاني اقيف شنو؟ي ربي مالي😐💔
جا الصباح وهند نامت في الشقة اول م صحت لقت نبيل مجدوع ف كنبة في نفس الغرفة وجزء منو في الارض وهي متغطية في السرير قالت في نفسها:الجابني هنا شنو😐 لكن احسن اطلع قبال م يصحى
*وفعلا هند نزلت من الشقة وفكرت في البيت بس فجأة اتزكرت ملاذ؟ والحصل ليها ووين هي هسي؟؟ولو مشيت البيت وقالو لي كنتي بايتة وين اقول شنو؟؟
*مليون سؤال بقى في راس هند وم عرفت تعمل شنو رجعت وقفت محلها وبدت تبكي وتبكي💔
في الاثناء دي نبيل صحى مخلوع وبقى يعاين ل السرير م شاف هند قال في نفسو:دي مشت وين😐
وبقى يفتش في الشقة كلها بعدها دخل الحمام وبقى يقول:هند؟
بس ماف رد طوالي نزل تحت ويفتش ويفتش بس م شاف ليها آثر اول م عاوز يرجع الشقة سمع صوتها بتبكي💔
عاين ليها بإستغراب:هند؟
هند:انت تااني؟ عليك الله خليني في حالي خليني..الفيهو ده كلو بسببك انت😭 انا اتدمرتا خلاص
نبيل:والله م لمستك ي هند💔 كنتي نايمة جمبي الليل كلو بس والله م فكرتا فيك والله ي هند ولا عاينتا ليك انا خجلان من نفسي💔
هند:خجلان؟؟؟ انت الزيك بخجلو. اقول ل اهلي شنو كنت بايتة وين😭 وملاذ؟؟ملاذ وين وريني
نبيل:انتي بس اهدي وانا والله اعمل ليك العاوزو
هند:م تتكلم معاي ولا كلمة بس جيب لي ملاذ😭
*نبيل طلع تلفونو واتصل ل مؤمن بس م برد وفضل يتصل ويتصل لحدي م مؤمن رد
نبيل:مؤمن ملاذ وين؟
مؤمن:ف بيتها...وين انت؟لسه ف الشقه؟.
نبيل:لالا خلاص
*بعدها نبيل قبل عاين ل هند وقال ليها :صحبتك في بيتها
هند:اليضمني شنو
نبيل:هاك تلفوني اتصلي ليها.*هند شالت التلفون واتصلت ل ملاذ ردت عليها ب صوت شبه مافي
ملاذ:هند🙂💔
هند(ب صوت متقطع ومليان خوف) : م.. ملاذ؟ كويسة انتي؟؟وين انتي؟ حصل ليك شنو😭💔
ملاذ:تعالي لي البيت ي هند🙂
هند:جاياك جاياك والله😭
نبيل:هند
هند:م تحاول تنطق اسمي في خشمك م عندك اخوات في البيت انت؟؟ م عارف يعني شنو شرف بالنسبة ل بت؟ عارف يعني شنو بت تبيت برة البيت ؟؟؟ م توقعتك بالوساخة دي ي نبيل نهاائي م اتوقعتك
نبيل:هند افهميني انا والله💔
هند:ولا كلمة ماشة ل ملاذ انا لما اشوف صحبك عمل فيها شنو
نبيل:🙂(وم قال اي حاجة اتصل ل الشوفير جاب العربية وقال ليهو وصل هند
هند:انا اركب في عربية تخصك؟؟ لا معليش لو أمشي ب كرعيني م بركب عربيتك الما معروف ركبت فيها كم بت من اشباهك ديل🙂💔
*وفعلا هند مشت ب كرعينها ل ملاذ لما وصلت حيلها كان منهد ع الاخر اول م شافت ملاذ حضنتها وبقت تبكي تبكي ب حرقة وحسرة
ملاذ اول م لاقت هند طلعت كل الجواها في هند وبقت خاتة راسها في كتف هند وتقول :غاشاني ي هند غاشاني م كان بحبني ي هند م حباني😭😭😭💔 غدر بي ي هند رماني ي هند انا انتهيت انا بكرهو بكرهو😭
هند:كل الحصل بسببي هو كان عاوزني انا وعارف ماف طريقه الا انتي انا السبب ي ملاذ انا السبب💔💔💔
ملاذ:ليه بحصل لي كده انا كنت مبسوطة باللحظات العشتها معاهو شديد😭😭
هند:الحمدلله انو كل شي بان وظهر🙂💔
ملاذ :و.. و.. وانتي الحصل ليك وعمل ليك شنو وكنتي بايتة وين و..
هند:م عارفة ي ملاذ اقول ليك شنو بس اول م بدا يقرب مني قعدت استغفر وقريت ليهو اية الزنا طوالي رجع وم قرب مني حتى اسلوبو اتغير وتعاملو بقى هادي جدا
ملاذ :😭😭 ي وجعة قلبي عليك ي هند بسببي حصل ليك ده كلو
هند:مؤمن عمل ليك شنو ي ملاذ ؟
ملاذ:والله ي هند م بقيت واعية الا انا ف البيت بس جيت متين وكيف والله م عارفة💔
هند:امي ي ملاذ امي🤦🏻♀💔
ملاذ:امك ح تفتكرك بايتة معاي
*هند وملاذ فضلو يبكو ويتحسرو ع الحصل وايي وحدة حالتها اكعب من التانية..
بهناك نبيل ساق العربية ورجع البيت وهو طول الطريق بفكر في الحصل وعن رجوعو لما شاف حالة هند وبدا يقول :انا لازم اصلح الحصل لازم💔
اول م قرب من البيت لقى امو برة بتبكي ولميس اختو ماسكاها وبتبكي برضو والجيران كللهم واقفين وعربات الشرطة💔 نبيل اتخلع ومشى في إتجاه الشرطي وسألو
نبيل:في شنو ي سعادتك😳
الشرطي:انت نبيل التجاني؟
نبيل:ايوة
*في اللحظة دي ام نبيل جات ومسكتو وقعدت تبكي وتقول:لنا ي نبيل لنا😭😭
نبيل:لنا مالا ي امي في شنو😳
ي بت لميس اتكلمي
الشرطي:للاسف اختك لنا لقوها منتحرة في غرفتها الليلة الصباح💔
👇🏻
إحساس الغدر البجيك من زول كنت خاتي فيهو كل الامان والثقة بوجعك اكتر من الزول زاتو.. زي تبعد منو قزازة عشان م تجرحو وهو يشيلها يطعنك بيها💔
نتااااابع🚶🏻♀💕
