*وبدا مؤمن في خطتو الوسخة انو يتقرب من ملاذ عشان يقرب من هند وينتقمو💔
في يوم ع غير العادة "جماعه النون" قاعدين وااااخر ونسة وإنبساطة
مؤمن:عاوز اقول ليك ي نور(وبقى يعاين ليها ب إبتسامة خفيفة كده)
نور:ايووون احككي
مؤمن:عاوزين نعمل حفلة ظابطة كده نهجج فيهاا وبتااع نصلح النفسيات شوية
نور:ده وضع ل حفلة هسي؟😒
مؤمن:عايني انا م قعد اطلب رايك انا قعد اوريك بس🙂كلمي صحباتك القراب ناس ملاذ وكده
(طوالي نبيل رفع عينو عاين ل مؤمن نظام فهمتك😉)
*نور ع طيبة قلبها م ختت فيها حاجة وقالت يهو كويس،وم كانت عارفة إنو الحفلة دي هي المنطلق لاكبر خساسة وخطة وسخة من اصحابا💔
مؤمن ونبيل ظبطو للحفلة ونبيل كان واضح في وشو إنو متحمس شديد لانو الموضوع واجعو وماكل معاهو جنبة..
نبيل:انا م قادر ي صحبي
مؤمن:ي ابوو النبل كلهاا كم يوم بس والفريسة تقع ف الصيدة.. زي ملاذ دي انا ف اقل من يوم بحنكهاا ي مان
نبيل:المهم تنجز ي فردة انت عارف م همي ملاذ ،انا همي صحبتها
مؤمن:خت ع قلبك بطيخة ي صحبي وإعتبر الموضوع منتهي🔕..
*نور كلمت صحباتها وطبعا وافقو لانهم كلهم مكسرات ف مؤمن ونبيل ولما عرفو انو هم المخططين للحفلة ماف وحدة قدرت ترفض..
نور:لووزة اوع تتاخري انتي الاهم ي بيبي😉
ملاذ:هههه ودي حاجة يتاخرو فيهاا
نور:بس ظاابط🤤
جات الحفلة💃🏻
واعمامنا نبيل ومؤمن اااخر قشرة وشياكة.. نبيل كان لابس قميص كبدي منقط ب البيجي وبنطلون بيجي وطبعا الريحة من خشم الباب تشميها، والنضارة ف الجيب واللحية مرتبة والابتسامة البتحير خلق الله يعني كان حاجة نضيفة🤤🤟🏻
ومؤمن بدلة سودااء وقميص ابيض وكالعادة يضحك ويتونس..يعني كانو مظبطين ع الاخر
وملاذ صحبتنا الضحية المسكينة 💔 سرحانة مع مؤمن وم عارفة البلوة الجاياها
#كسرة: صراحة انا من وصفي ل مؤمن زاتي اتكسرت😂😂♥..
نبيل:مؤمن ركز ع الشغل شوف زولتك..
مؤمن:ااي اصبر م كده
مؤمن مشى بإتجاه نور وسلم عليهاا وبدا يتظارف..
نور:طبعا دي لوزة صحبتي
مؤمن:(بإبتسامة ساحرة وصوت حنيين) هلا ب لووزة منورانا والله
*ملاذ قعدت تتكبكب وتضحك م عرفت ترد زاتو😹💃🏻الله قدّرها قالت ليهو:منور انت♥💕
بدو يتونسو ع جنب وهاك ي الضحك وهااك ي الظرافة واخر ونسة... ونبيل من بعيد يعاين
الحفلة شغالة والناس ترقص وتهجج واخر هجييج ونبيل بالو كلو ف الموضوع..
ف نص الحفلة والناس بترقص جا ولد وبدا يلمس ف ملاذ ويتحسس فيهاا وملاذ تحاول تبعد منو بس كان مصر ف النهاية لزتو ب يدها.. مؤمن شاف المنظر عمل فيها جنتل مان ودق الولد وخبطو خبط الجن وقال ليهو:انت م عندك اخوات ف البيت اووع تقرب منها تاني لو هبشتا شعرة منها ح اقتلك سامع؟ ح اقتلك(بكل غضب وعصبية)
الود اعتذر وقام مؤمن طردو وبدا يتأسف ل ملاذ.
مؤمن:امسحيها لي ف وشي والله م عارفو جا من وين
ملاذ:لالا ولا يهمك شكرا ليك كتير🙂♥
مؤمن:م عملتا الا الواجب.. خليني اوصلك بيتكم الوقت اتاخر
ملاذ ف الاول ترددت لكن تاني وافقت خصوصا انو الوقت بليل
وكل الطريق مؤمن بحاول يتظارف ويخفف ف دمو ولما قربت من البيت وقفها بعيد وقال ليها:عشان ماف زول يقول بت عمر جابها واحد ب عربية انا بخاف عليك سمعتك بتهمني♥
ووقف عاين ليها لما دخلت البيت
*ملاذ كانت مبسوطة شديد من مواقف مؤمن العملهاا وهي م جايبة خبر🤦🏻♀💔
نرجع للحفلة💃🏻
مؤمن رجع مكان الحفلة لقى الناس خلاص فرتكت ونبيل قاااعد ويشرب ف سيجارتو
مؤمن:وين نور؟
نبيل:وصلتهاا البيت.. خليك من نور دي شنو الامور دي وده منو الولد ده الدقيتو
مؤمن:اااااخ منك ي ابو النبل ده كلوو جزء من الخطة والولد ده واحد فردتي كده اديتو قروش عشان الحنك يظبط ي مان انا عاارف البناات ديل..
نبيل:ههههه والله انت شيطاان لكن
مؤمن:لسه شوف الح يحصل انت يومين بس 'البت دي ح تسلمني نفسهاا😌🤟🏻..
نبيل:م بتتوصى انت المهم انا راااجع ع البيت ل بكررةةوفعلاا نبيل رجع البيت كالعادة كلهم نايمين لا بسال منهم لا بجيبو خبرو. جا ب غرفة اختو لنا سمع زي صوتها بتبكي بقى واقف مسافة تاني الصوت راح.. م ركز شديد لانو كان منتهي ع الاخر ودخل غرفتوو..
*الصباح جا مؤمن قام خش الواتس ورسل ل ملاذ رسالة:
_معليش ي ملاذ اخدتا رقمك من نور من غير م تعرف. . بس كنت عاوز اتطمن وصلتي كيف؟ واهلك م يكون شاكلوك.. وقفل الشبكة وطلع..
زولتنا بهناك اول م فتحت الواتس وشافت الرسالة عيونا بقو كباااار😳 واتربعت ف نص السرير وتعاين ف الرسالة وف الرقم وبدت تقول"ي ربي ده مؤمن؟ اجي ي خايف علي ووب علي🙆🏻..وطوالي مشت ل هند
ملاذ :هنننند ياااا هننندد(وتخبط ف الباب)
هند:(ب عيون نعسانة وصوت ميت) اصبحناا واصبح الملك لله مالك ي بت
ملاذ :اصببري ده داير ليهو قعدة
هند:اها خير🙄
وبدت ملاذ تحكي ل هند وشهامة مؤمن وكلامو واسلوبو ورسالتو الصباح
هند:اااخ ي لوزة النوع ده م بنضمن م تركزي معاهو شديد
ملاذ:لكن ي هند اشمعنى انا؟ يعني بالزات انا ليه ☹
هند:انتي م تختي في راسك ايي وهم هسي اعتبري زول سأل منك بس
ملاذ:ي ريييت لو الفي بالي يتحقق😭💕
هند:ملاذ ي صحبتي الناس ديل احنا م قدرهم ولا مستواهم وصدقيني لو دخل معاك ف علاقة ح يكون ل هدف ولا ل غرض معين والكلام ده مني ليك نصيحة.
ملاذ سكتت وم قالت حاجة لانو كلام هند كان شبه مقنع وقفلو الموضوع ع كده.ملاذ:معليش ي مؤمن انت امشي
مؤمن:قلتي كده؟ م مشكلة ي ستي بس اول م تصلي طمنيني
ملاذ(ومعاها إبتسامة خفيفه) :حااضرر
*هند عاينت ل ملاذ إحساس ده شنو الوهم ده😒
هند:ملاذ خلينا نصل الجامعه عشان اصحيك من الانتي فيهو ده
*فعلا اول م وصلوو ملاذ م قدرت تنتظر واتصلت ل مؤمن وكلمتو انها جات
هند:ي بت ده شنو البتعملي فيهو ده ومتين الود ده بقى محور حياتك كده؟ ياها الكم ساعة القعدتو فيها مع بعض ف الجامعه
ملاذ:هند الحصل ده كلو م بيدي والله
هند:ابعدي من الود ده انا كلمتك
ملاذ :قلبي م بسمح لي ياخ بلقى نفسي غصبا عني بتكلم معاهو😭
هند:استغفرك ربي🤦🏻♀ احظريهو ي ملاذ بطلي ونسة معاهو
ملاذ:انتي بتضغطي علي كده
*أثناء م بتناقشو مؤمن جا وقف قدامهم عاين ل ملاذ وعمل فيها م ملاحظ ل هند
مؤمن: ال لووز♥ كيفك
ملاذ:مؤمن اتفضل يخ
هند:م يتفضل يمشي محل م جا
ملاذ:براحة ي هند م كده(وهي بتقرص فيها ب تحت)
مؤمن:شكلو م مرحب بي هنا؟.
هند:بالله انت لسه واقف لو محلك كان زمان مشيت😒
مؤمن(ب قلبو) :انتي م عارفة الراجيك ساي..
ملاذ:هند بالجد خلاص كفاية انتي بتحرجيني معاهو
مؤمن:ع العموم ملاذ انا عاوزك في موضوع ياخ ضروري
ملاذ:جدا ي مؤمن بعد اطلع من المحاضرة بتصل عليك محاضرتي قرربت
*بعدها مؤمن فات...
هند:جابت ليها مواضيع كمان😒 اووع تمشي ليهو
ملاذ :م ح أتناقش معاك انتي
*في الأثناء ديك لنا اخت نبيل كان منفسنة شديد ووضعهاا جايط وشها موورم جات نازلة من غرفتهاا لقت ماف زول غير امها..
فاطمة:ي بت مالك عاملة كده😳 في شنو ي بت
لنا:لالا ي امي بس تعب الخطوبة وكده
فاطمة:ي بت عايني شكلك ده عامل كيف زي الداقنك..وعيونك دي مورمة
لنا(وهي بتكورك) يااخ ماف شي ماف شي براي خلووني ماف زول يسألني
فاطمة :بتكوركي كمان والله ياهو الفضل عنك زاتو
*نرجع ل ملاذ ومؤمن🚶🏻♀
ملاذ اول م طلعت من المحاضرة عملت م شايفة هند واتصلت ل مؤمن واتفقو يتلاقو ف مكان جنب الجامعه
مؤمن بدا يتكلم:.عايني ي ملاذ اكون صريح معاك وواضح انا م عارف لي يومين متلخبط مالي ومما شفتك م على بعضي حاسي ب احساس غريب م قادر اوصفو وفي نفس الوقت هو احساس حلو وم بشعر بيهو الا لما اشوفك او اتكلم معاك. برتاح نفسيا وقبل م نخش في متاهة ولا قصة م عارفين اخرها عاوزك تكوني معاي بس انا م عاوز اقول ليك اني بحبك بس انا محتاج ل وجودك في حياتي تكمليني وترشديني وتكوني النص الح يشاركني باقي عمرري💕
*ملاذ بالنسبة ليها الموضوع كان صادم بس لانها بتحبو وداسة الحاجة دي جواها م اترددت وفي نفس اللحظة م اعترفت يعني اكتفت تسمعو بس م ردت عليهو، وإستمرو يتكلمو لحدي م جات هند 🤦🏻♀ وشافتهم وهم كان ليهم قريب الساعة او اكترر
هند:ملاذ قداامي سريع
مؤمن:انا كنت بسكت ليك لكن تاني لا البت دي م شافعه عشان تهرشيها كده
هند:سالتك انا؟ ولا وجهتا ليك كلام؟
ملاذ :كلامو صح ي هند🙂
*هند اتصدمت من ردة فعل ملاذ بس م قالت شي وبدت تكورك
هند:انتي عارفاهو ده شنو؟ ولا منو؟ ده اوسخ انسان لاقاني ده بجيب بنات في شقق ي ملاذ وهو عاوزك للغرض ده افهميني والله
ملاذ: عارفة وكلمني وأيي زول من حقو يتغير ويتوب🙂
هند:عارفة ده كلو ومعاهو برضو😳
مؤمن:ملاذ م تزعلي صحبتك
ملاذ:شفتي ي هند حتى وانتي بتغلطي عليهو م عاوزني اخسرك
بعدها هند جرت ملاذ وطلعو من الجامعه وخلو مؤمن
*الحاجة الإتاكدت منها هند انو ملاذ خلاص وقعت في الشرك ومؤمن إتملكها ب كلوو وبقى ماف نفاذ من الموضوع ملاذ مؤمن سيطر عليها ب كل حواسو وعشان هند م تستخدم اي حاجة ضدو حكى ل ملاذ ايي شي وخلاها امام الامر الواقع 💔 ولسه الحكاية ماشة لأوسخ من كده
👇🏻
نرجع نقول انو لو م قادر تصون زول وتحافظ ع قلبو من الاول م تدخلو متاهة حب او تعشمو وتخليهو يحلم.. والله العشم حار وواقع الخداع والغش اصعب منو🚶🏻♀💔
نتاااابع🚶🏻♀💕
