Berita Islami Masa Kini

AMALAN AGAR BERTEMU RASULULLAH SAW DI DALAM MIMPI ,,

_____________________________
Abah Guru Sekumpul Memberikan Tatacara Adab Sebelum Tidur

Kata abah Zaini,lamun nyawa nang'ae handak ditamui Rasulullah SAW sakalipun cuma dalam mimpi,ini amalannya nang'ae.Malihat muha Rasulullah saw ni'mat nang paling ganal didunia ne jar sidin.
Ini amalannya:

1.Satiap hari baca istighfar dan shalawat sebanyak-banyaknya sehari minimal 70x sehari. kita manusia ni satiap hari pasti badosa lawan tuhan,dosa yang kada disengaja ataupun sengaja.Jadi minta ampun dulu lawan tuhan lawan baca shalawat.

2.Sabalum guring,handaknya kita musyahadahkan Rasulullah saw hadir dihadapan kita,handak nyaman dirumah harus baisi foto atau gambar maqomnya Rasulullah saw kita lihati gambar maqom Rasulullah saw seakan-akan kita berada dimadinah dimuka maqom Rasulullah saw dengan mata tertutup.

3.Bacalah surah al-fatihah,hadiahkan lawan Rasulullah SAW.

4.Sabalum guring,batawasshul dulu lawan wali-wali,misalnya lawan Syaikh Semman atau datu Arsyad kalampayan,dengan berkat Syaikh Semman atau datu Arsyad kalampayan,Rasulullah saw hadir.

5.Qiyamul layl(shalat malam)sekalipun cuma 2 roka'at sudah cukup,do'anya shalawat kamilah 33x.

6.Jangan dibuka aib orang,simpan baik-baik aib orang sebagaimana kita menyimpan aib diri kita sendiri.

7.Berwudhu sebelum tidur.

Nang 7 nginih harus kita gawi satiap hari atau istiqomah manggawinya Insya Allah kada dimatiakan kita didunia ini sebelum ditamui Rasulullah saw dalam jaga atau dalam mimpi.Kadada ni'mat nang paling bagus kacuali malihat muha Rasulullah saw.
Ujar sidin,ilmu jangan disimpan sorangan.jangan engken lawan ilmu,ilmu bila dibariakan pasti bertambah.Siapa nang manyambunyiakan ilmu maka kaina diakhirat parutnya ganal atau bangkak maka itu ilmu harus dibagi-bsgi bukan untuk disimpan.
Ujar sidin,siapa nang parnah tamimpi lawan Rasulullah saw atau batamuan langsung,maka hidupnya kada pernah sedih.Pasti gembira terus,kadada masalah dalam hidupnya sekalipun bala dan musibah menimpa dirinya.
Subhanallah..

Mudahan kita barataan jangan dimatiakan sabalum malihat Rasulullah saw dalam keadaan jaga atau dalam mimpi karena kita ummat sidin,sidin mangganang lawan kita,kita jua harus mangganang lawan sidin.
Mudahan berkat abah Zaini kita bisa bamimpi atau batamu lawan Rasulullah saw.
آمين يا رب العالمين..
K.H.Muhammad Zaini bin Abdul Ghani.
✂️🔐🗡️✂️🔐🗡️✂️🔐😙