الكاتبة والرائد

البارت الثالث

زيد: انتي اتجاوزتي حدودج راح تشوفين غير تصرف
نور: بعدك مشفت شي اصبر لي اني راح اشوفك الأمهات شجابت
ها وقبل كلشي هذني الحثالات الي دتشمل كل النسوان وياهن احب اكلك هيج اشكول بس انت تعرفهم تدري ليش لأن الطيور على أشكالها تقع
وعفتة وطلعت عيونة بكصتة
رحت للمدير
من كلي حسن اجتي كلت هاي هي خلي افضهه وياهه وبدت تتجاوز علية هي متعرف دتلعب بعداد عمرهه جان لبسهه مستور ومحجبة اني متعود عل محاميات كلهن الشعر والكصير
انوب اتكلي الطيور على أشكالها تقع خرب يومهه شلون كوية طبعا اني ردت انفجر من العصبية
من طلعت كسرت المكتب كلة
نور: رحت للمدير السلام عليكم
وعليكم السلام
سيدي محتاجة مقابلة ضرورية وية السجين
ليش ممريتي على الرائد زيد
هذا مستحيل بعد اتعامل ويا وياريت اتكلة اني راح اشتكي علي وأريد اشوف منو راح ينقذة
ليش شكو شصاير
كول شنو مصاير
حضرتة اعترف بلسانة هو الي عذب السجين محمد
ويرجع يريد...
شبي وياج
هيج ماكو شي
نادة الجندي ونزلني للسجن
هلو محمد شلونك
هلو ست نور الحمد الله احسن
شوف عندي الك اخبار زينة
صدك والله
اي اسمع اول شي كملت تقرير الدكتور الي يدل على انك تعذبت داخل السجن ورحت المكان الحادث ولكيت رجال وكال انه هو شاف من طبك السيارة همة رجال اثنين ويعرف شكلهم يعني بحالة متعرف عليك راح هذا الشي يساعدنة بس ميزيل التهمة
الله يبرد كلبج مثل مابردتي كلبي
يلة اني اروح لازم اشتغل اكثر حتة متطول علة مرتك وبنتك
الله وياج
زيد : حسسسسسسسسن
احترامي سيدي
روح جيبلي السجين محمد
تاامر سيدي
ياهلا بلباشة الي منورنة مناوي تحجي الي تعرفة وتفضني
سيدي اني شحجي بس كلي شحجي يعني الي اعرفة كلتة
شوف خاف عبالك هاي المحامية وانت كاعد تهوبز بيهه ترة هاي متخوف جلبي
احجي احسن الك
سيدي والله اني مااعرف اشغل مولد مو اربط عبوة
لااااا انت الضاهر اشتياقيت الضيافتي
حسسسسسن نزلة علتعذيب
المدير: حسن ودي للسجن معليك
انت مخبل قبل شوية اجتي وتتحلف وتكول اشتكي عليه طلع هو الي معذبة
سيدي هاي متحرك مني شعرة خليهه شتريد خلي تسوي
ممنووووع بعد تمد ايدك على هذا السجين وخلي راسنة فايخ انت تدري لو هاي سوتهه قضية مراح نخلص من منظمات حقوق الإنسان وومراح نحصل غير دوخت الراس
وهسة شتريد مني اتفرج علة طولة
زيييييد سويي شغلك اخذ اقوالة روح دور علة شهود هذا السجين متكدر تتلاعب ويا بالقانون لان احتمال هو بريئ عوف تعامل الناس القتلة الي يجون علينة
شنووووو سيدي رحمة الاهلك تريدني اروح اجمع ادلة من جنت ضابط مجنت اسويهه
زيد انت شاطر ومثل ماهي شاطرة وتريد تاخذ القضية انت صير اشطر منهه
ماشي يا نور اذا ماادفعج الثمن
نور: طلعت من السجن وتوجهت المكان الحادث احاول الكي شي وشفت نفس الرجال
السلام عليكم شلونك عمو
وعليكم السلام ياهلا
عمو بشرني ملكيت احد عندة كامرت اهنا

والله يا بنيتي اني حسب الي اعرفة ماكو
ماشي تسلم عمو
تدللين بنيتي
اني خلال كلقضية افوتهه المسجل ميوكع من ايدي اسجل كلشي حتة ماانسة ومن التسجيلات تسجيلي وية الرائد
لامار: داامشي بالشارع اليوم ماكو خط وجان اكو ولد يمشي وراي ويذب حجي اتوقعت نفسة الي يراقبني
محسيت آلة سيارة جارجر سودة طبكت ونزل الولد جان لابس زي عسكري وكمز علولد وكسرة تكسير واني بس مصدومة انتبهت هذا هو نفسة الي بس يلاحكني
اوس:انتي ليش رايحة اليوم مشي (يحجي بنترة )
اني الخط ماجاني وبعدين انت شعليك والله خوش
ومن الخط مااجاج شكو هلبس هذا ومتغطين شعرج هو استعراض لو مشي
شو انت متستحي شلون تدخل بية واني الي اسوي استعراض علمود احد يباوع علية
يلة اصعدي
شنووووو
شنو شنو اصعدي اتاخرت علمدرسة
وخر من طريقي احسن الك ترة تجاوزت هواي وانت منو حتى اركب وياك
تركبين باحترامج لو اركبج بطريقتي
انت شبيك وياية وليش حتى أوثق بيك
باعي اتاخرت علدوام فضيهه وامشي
ياربي صبرك شو دوخر عفتة ورحت اركض لللمدرسة
وهو جان وراية يمشي علكيف إلى أن وصلت يالله تركني راح يخبلني هذا شيريد مني
اوس:مثل كل يوم رحت يم بيت لامار شفتهه طلعت تمشي واكو ولد يمشي وراهه اتخبلت مااعرف شسوي عاد نزلت كضيت بي التوبة
كلتلهه اصعدي انوب ترادد وتحجي كوة لازم اعصابي راحت تمشي واني امشي وراهه علكيف بالسيارة
بعد قررت لازم احل هاي السالفة
رحت للمركز وبديت اشتغل
وباوعت اجة موعد طلعت لامار رحت انتضرتهه تطلع طلعت عاد وكفت يم الباب كلتلهه اسمعي يابنت الناس عندي احجاية وياج
خيير اتفضل
اني اسمي اوس خريج كلية عسكرية وموضف ومن يوم شفتج عجبتني وأريد اخطبج
شنووو انت شبيك بابة مختل عقليا انت من يمك تنعجب وتخطب وصارلك مدري شكد تراقب بية من رخصتك ماعندي وقت يضيع وية حضرتك
حسين كل كلمة منهه خنجر بكلبي ومشيت وعفت حبي الهه اباب مدرسته
رحت للبيت احس روحي مخنوك وروحي راح تطلع
ام اوس:يمة وليدي شبيك شو حالك ماعاجبني
يمة مخنوك
يمة اسم الله وايدي تعال اكعد علتخم ومدد علة رجلية
احجيلي يبن بطني شسوتلك
شمدريج يمة
يمة كلب الام يعلم لو مو تكون بعيد عني بس انت بكلبي
يمة جرحتني
ماتستاهل لو تستاهل متسوي هيج لو تعرف كلب اوس متجرحة
اوووووف يمة
يمة سلامتك من الاوف.
يمة اي بنية عينج تجي عليهه اني موافق عليهه
تدلل يمة اجيبلك ست ستهه
قررت بعد انسة كلشي
ابو اوس:السلام عليكم
وعليكم السلام
شلونج حجية شمسوية غدة
مسوية دولمة
اويلي دصبي حجية
اوس ابني جايك بشغلة
كول يابة
اريد اخطبلك
هههههه شبسرعة يابة اليوم كلت الأمي اريد اتزوج بهل سرعة لكيتلي عروسة
ها يعني تريد تزوج لعد هايهي جت عدلة
بس يابة منو هذه
هذا مشروع جديد فتت بي والرجال مثل حالتنة ميسور وابن اوادم فقررت تتزوج بنتة حتة نقوي علاقتنة بيهم
بس يابة يعني هذا مو زواج هذا مشروع وية ميخلص المشروع يخلص
شوف اوس اني كلت احجاية وماريد تصير اثنين
عيني ابو اوس بس علة كيفك يعني الولد لاشايف البنية ولا نعرفهم
المهم اني اعرفهم
لينا:الله بابة يعني راح اوس يعرس يصير عدنة عرس
اي بابا
لينا سدي حلكج
كافي اسكتو ابوكم تعبان بعدين الحجي