الكاتبة والرائد

البارت ٣٠

عبد الله : حضرو نفسكم بعد ميرجعون ابوية وامي راح يجي حمزة يخطب
زمردة:شنووووو انت شدتحجي عبدالله ومنو كلك اني اقبل
اصلا انتي لا تقبلين ولا متقبلين اني نطيتج الة
شنووووو عبدالله لا لا مستحيل تسويهه وتبيني صدك سويتهه عبدالله
اي لان هذا الشي المصلحتج
شنو يا مصلحتي مصلحتي تنطيني الهيج واحد متخلف
هذا المتخلف راح يصونج مو مثل المهتلف الي جبتي
بعد ماريد لا مهتلف ولا الزين كرهتكم كرهتكم ماريد عوفوني بحالي ماريد لا ازوج ولا شي 😢😢😢😢😢
عبدالله حبيبي دعوفهه هسة وانتي انتضري خلي نفتهم ونشوف شكو شصاير
عبدالله انت صدك ناطيهه الاختك آلة
اي هديتهه
شنووو عبدالله نطيت اختك انت اكيد مو صاحي ليش هيج عبدالله شلون تنقص من قيمت اختك
اني اشتريتلهه رجال اني اعرف حمزة راح يسعدهه
انت ميخصك بسعادتي مو انت الي تقرر وين سعادتي
خوش ضلي بهل السان هو انطيتج للي راح يكص السانج
مااتزوجة لوتموتون انتو متخافون الله اتركوني بحالي كافي ادمرت ادمرت
اسمعي زمردة هذا الزواج يتم وغصبا علكل
عبدالله كافي اتركهه
الحكيني غزل للغرفة
ها يكلبي
حضري جنطتي باجر عندي روحة الاربيل
ووو يعني حتروح وحتى عمو مموجود نبقى حدنة
راح اخلي حمزة يجيب أمة يمكم وهو يجيبلك احتياجاتكم وتكولين الهاي وتفهميهه تتحترم نفسهه
والله عبدالله خطا هذا الشي شلون تقلل من قيمت اختك هيج
شوفي اني هاي مو اول مرة أعرض اختي الحمزة هاي ثاني مره لعد بس افهمي شنو حمزة
بس هو مبين علي عصبي
غزل اني مو عصبي مو انتي عرفتي شلون تتعاملين وياي وكدرنة نكمل سوة ونعيش احسن عيشة
مااعرف بس زمردة مراح تفهم هل كلام
😂😂😂حمزة راح يفهمهه بطريقتة

نور:كعدت الصبح ريكت فهودي ووديته للروضة وطلعت للمحكمة
خلصت القضية ومثل العادة بنجاحهه وبراءة المتهم
صرت كل ماانجح بقضية احس ابني ديكبر وياي عمري ماحسيت نفسي ارملة دائما احس روح فهد وياي من اباوع علة فهد احس داشوف حبيبي فهد يشبهه ابوه من اشوفة اشوف عيون فهد من استشهد فهد بلحضتهه اتاكدت اني فكر وحضي محلو واي شخص يحبني ويتقرب مني يتااذة
حبيت فهد وخليتة صديقي قبل ابني
خايفة علي من حضي النحس كرست حياتي آلة وبس هواي ناس أتقدم لي بس اني ماكو بكلبي غير فهد وابني وبس
فهد داوالي جرح زيد واني داويتله جرح موت مرتة. وحبنة كبر وبعد شهر زواج يجيني خبر موتة وهو ديجيبلي هدية من مجمع ويحترك المجمع ويروح حبيبي مني حسيت فقدت أملي بلحياة لكن بعد شهر اكتشفت اني حامل شهرين حسيت حملي هو أملي واشارة من رب العالمين حتى اقوة واكمل مسيرتي رجعت للقضاية وشديت نفسي وجبت فهد بقيت أبيتنة اني و فهد ماقبلت اترك بيتي وارجع يم أجدادي وصرت احط فهد ابحظانة وخلال الاربع سنوات اني مكرسة نفسي بس شغل وكدرت اجمع من فلوسي واشتري قطعة أرض وصرت ابنيهه وقررت اسويهه بيت أحلامي الي والابني وبس
طلع تعييني قبل سنة وهذا الشي خلة همتي للشغل تزيد وصرت اشوف شلون ابني كل مايكبر تزيد احتياجاتة التعيين والراتب نقذني حتة يكون مصرف النة
وابني البيت من فلوس القضاية
اسمي ديكبر بالمجتمع وابني ديكبر صار عمرة ٤ سنوات صرت اشوف رجولتة مثل رجولت ابو مثل لمعة العيون علاقتي اب اوس رجعت طبيعية واني وعبدالله كدرنة نكون اصدقاء غزل وزمزم صارولي اول صديقات الي اني ابد مصادقت بنات بس همة صرنة ناس تزور ناس غزولة لحد الان مديصير عدهه أطفال وهي كلش مقهورة ومرات تكول العبدالله اتزوج حتى يجيك طفل بس هو كلش يحبهه واني متأكدة عمره ميسويهه احتمال بسبب الإسقاط الي صار مايصير عندهم طفل
الكاتبة بنين الجبوري
هاي تصبيرة الكم هسة راح اكمل كتابة وانزللكم بارت أطول