البارت الأخير من الجزء الأول
الكاتبة والرائد
الكاتبة بنين الجبوري
لامار:حسيت باب الغرفة انفتح انداريت
انتي شحاسبة نفسج
شكو
خاف عبالج مستحي منج وعايفج
وهسة شتريد
احجي عدل لا اشوفج غير وجهه
اكلك انت متعرف غير الصياح الغرفة وعفتهه الك بعد شتريد
شكو يمة شبيك صوتك طالع
اسمعي يمة هذه تنزل وياج تشتغل حالهه حال لينا لا والله اني اعلمهه الشغل شلون يصير
يمة لاتخاف انة اعلمهه بس علكيفك وياهه بنت دلال وماتعرف شي بعدهه
يمة تعرف متعرف هاي مو شغلتي تنزل وتشتغل وغصبا ماعليهه
اني مو خدامة يمك فهمت
تعالي هسة اني افهمج😡😡😡😡
يمة دخيلك لتمد ايدك عليهه بعدهه عروس
يمة اتفهميهه شلون تحترم لااطرهه اثنين
يمة هسة افهمهه بس استهدة برحمانك
خالة شفتي شسوة هو ليش هيج حظي 😭😭😭😭😭
حبيبتي لتخافين اني يمج واوس ترة حنين وطيب بس هو لان عليه ضغوط انتي معرفتي اخوج شسوة بنور
شسوة
مسوي وياهه علاقة حب وهسة عليهه ورة مادرو اهلهه وهي ضاربتة طلقة
عززززة اخوية
لتخافين مصايرلة شي
عزة خالة كل هذا صاير واني مااعرف
اي هذا الي صار
خلي اخابر على زيد
الو لك زيد كل هذا يصير واني مااعرف
كلشي مصاير
شلون تنضرب طلقة. ومحد يكلي
حتى امي وابوية ميدرون
زيد شلون هيج تسوي ابنت العالم
لامار لتفتحين هذا الموضوع وياي
يعني انت متخاف علية ليطلع حوبت هذني البنات اباختك
لاامار احجي اوس سوالج شي اني امامن منة لان اعرف شنو اخلاقة
تدري شنو هو طلع ارحم منك علية انت خليتني امشي ومنصية راسي بينهم انت مخليتلي حق احجي بشي روح روح ياخوية
غزل :كعدت من الصبح سبحت وبدلت ونزلت بديت بالريوك نور ورة شوية نزلت امبدلة
اساعدج
حضري الميز لان راح ينزلون
لعد زمردة مكعدت
هههههه هاي تنبل مال نوم مستحيل تكعد من غير ماادبج ابطنهه
هههههههههههه لعد خلي الدبجة هل مرة علية
😂😂😂😂😂😂اخذي راحتج عيني
صعدت نور تكعد زمردة واني جنت واكفة علسنك حسيت اديين حاوطت خصري
عبدالله
كلب عبدالله
ليجي احد
مرتي وبكيفي وشحدة اليحجي.
احبك
احبج يكلبي
يلة تعال اتريك
عاشت ايد اميرتي
بالعافية
ورة شوي نزلت زمردة وتدردم ونور تضحك
شعندج انتي امبدلة
اروح الشغلي
ماكو شغل
شنو هو الماكو شغل
اني كلت وهذا العندي طلعة من البيت ماكو
عبدالله اني مو بسجن حتى مااطلع
لا بسجن وبدال مسجنونج الشرطة راح اسجنج اني
انت اكيد مو صاحي
احترمي نفسج لا اكلبلج وجهج
اني محترمة غصبا عليك
نور تعالي وياي اجفينة الشر دخيلج
ففف يعني هسة اني كفرت
اي كفرتي كفرتي تعرفين شنو معنى احد يصورج وية صاحبج واحنة منعرف منو هذا الشخص يعني احتمال يفضحج
لا ميفضحني لان هو الي اخذ الصور ودزهن الك 😢😢اي اي اني غبية ونضحك علية اني ضيعت نفسي 😭
كافي يعيوني خلي نصعد انتو هسة متوترين
اخذت نور فوك ها ناوية تحجيلي الي صاير وياج لو بعد مااجة الوقت
زمردة:لج نور هاي شنو الحجي الي حجيتي شو مكلتيلنة
شحجي شحجي اكلكم الكاتبة و المحامية الشاطرة انضحك عليهه 😭😭😭😭😭😭 اي اي وهمني بالحب وحبيتة وغدر بية وعافني وفضحني كدام اهلي وصرت بعين اهلي حالي حال اي مراهقة
حبيبتي كل هذا بكلبج ومتحجين تعالي يكلبي
غزل شفتي مو بس انتي عشتي للجحيم حتى اني امبين كل يتيم مكتوب عليه القهر
حبيبتي كافي ياعمري
فففف ضلو بهمومكم اني رايحة
هههههه
حمزة : بدت زينب بالعلاج ولحد الان مبلغتهه ابمرضهه انطوهه علاج كيمياوي وهي تاخذة تشوط ابنار الدكتور كال الحالة زينة دتتحسن
زينب : حمزة اني بعد ماأخذ اي علاج
شنو ماخذين بعدج مصرتي زينة
طبني مرض ماريد تعبت من هاي العلاجات احسهه تيزاب بجسمي
ميخالف حبيبتي شوية شوية نخلص من هلمرض ومن الأدوية
شنو هلمرض
شبيج هي ذات الرئة
واذا اكلك انت دتنطيني كيمياوي
يا كيماوي هاي شبيج
شبية داكلك كيمياوي اني دكيتة علنت وطلعتلي المعلومات عنة وعرفتة كيمياوي
زينب حبيبتي انتي مريضة وراح تطيبين
بية سرطان
والله راح تطيبين
احجيلي
سرطان رئة
راح اموت
لا والله عندج تحسن
😢😢😢😭😭لو ادري الهل سبب خليتني انزل الطفل جان منزلته
حبيبتي راح تصيرين زينة
ومرت الايام وزينب تذبل كدامي إلى أن اخذت جرعة كيمياوي بلمستشفى
الدكتورة: اخ حمزة انت رجل مؤمن وتقبل بلي الله كاتبة الله اخذ امانتهه البقاء لله
شنو يعني بس هي زينة مابيهه شي اجتي
جسمهه ضعيف ومتحمل الجرعة
اخذتهه ودفنتهه دفنت هديتي الي مداريتهه ومرضتهه
بجيت عليهه اي الشيخ حمزة بجة بجة علة هديتة الي مداريتة جانت ومداراهه ذبلت مثل الوردة وماتت خجلت من اهلهه
اوس: رحت علة فاتحت مرت حمزة ولكيتة منهار ومكسور شفت دمعته نزلت من نزلهه بلكبر
حمزة اخوي تبجي
اوس مداريتهه جنت اناني وياهه حتى من ابني مات ما علت علي اني واحد اناني وفكرت بس بنفسي
لتحجي هيج حمزة والراح راح بعد
لا لا اوس اوس ديربالك تظلم مرتك حبهه وحترمهه وانطيهه حقوقهه انطيهه الحب والحنان ديربالك تظلم
اوفف دك موبايلي
يمة اوس وينك
بالفاتحة
لامار وكعت من طولهه
هسة جاي
ابوك اجة روح هو راح ياخذنة للمستشفى
يلة جاي هسة
رجعت للبيت امي تلكتني
يمة مبروووك كللووووووش
شكو يمة
مريتك حامل
حامل معقولة من مرة وحدة اي ليش لا يامة صارت رحت فتحت باب الغرفة
اوس ابتسم الامار وهي ابتسمت
زيد: موعد طيارتي بعد ساعة لذلك ودعت بغداد وطلعت منهه بجنطت هدوم خالية من الذكريات رميت كلشي وراية
نور:هلو رجعت وياكم الكاتبة نور الكاتبة الي كدر يضحك عليهه زيد بكل سهولة وبدون تعب لحد الان مسجونة اي مسجونة بسجن عبدالله والذنب انه حبيت والحبيته خاين
لذلك استنجدت بلكارت الجان بجنطتي
الو
الو
عرفتني
لا منو
اني نور الي ضربتهه بسيارتك
اها عرفت اهلا وسهلا
اني محتاجة مساعدتك
اتفضلي
حجيتلة كلشي
وهسة المطلوب مني شنو
اريد اطلع من هذا السجن مجرد مااوصل أجدادي مراح يخلوني ارجع لهنا
هممم
انت خايف
جان استحيتي انة ماخاف بس من الخلقني هاي هي حددي وراح تلكيني موجود
اليوم العصر عرس ابن عمي وراح تصير خبصة لذلك انتضرني بلخمسة
تمام
شكرا
العفو
غزل:اليوم عرسي ورحت للصالون وطلعت اشبهه الاميرات بالبدلة النفش والطرحة بالحجاب والمسكة بأيدي
عبدالله :فتت للصالون وجان اصفن علة اميرتي اتوقعتهه حلوة بس مو هيج
من شفت عبدالله حيل اتاثرت معقولة اجة اليوم الي لبست بي الأبيض الحبيبي دمعت عيوني
حبيبتي لتبجين مصدوم بجمالج طالعة حورية
عبدالله ممصدكة صارلي مثل البنات عر س ولبست الأبيض
صدكي يعمر عبدالله
رحنة طكينة صور وعبدالله ماشالله الصور يمكن مراح اشوفهن الأحد من الخزي الي سواا
رحنة للقاعة واخوتة ذبو لحم يجننون وشالو ويركصون بي اتمنى امي يمي بس خالتي ممقصرة وياي لو امي متسوي مثل الي سوتة
جنت كاعدة بلكوشة ولازمة قرآن صغير فتحتة وطلعتلي اية عن الصبر فرحت وحسيت ربي ديكلي شفتي عوضي الج
طبعا جناينهم كلهن خشم يابس ورافعات خشومهن ومعاجبهن شي
خلصت الحفلة وودونة للفندق
حسيت بخوفة عبالك عبدالله ممتقربلي قبل
حبيبتي لتخافين تعالي خلي نصلي ركعتين
ماشي
صلينة
وكام عبدالله ينزعني البركه والحجاب
انتي وين اضمج
☺️☺️☺️☺️☺️
بالحجاب حلوة وبدونة حلوة شلون بيج تعالي اكلج
عبدالله دقيقة خلي افتح التسريحة
عوفيهه متهم
زين دخلي ابدل واسبح
هسة ابدلج بس انطيني مجال وووووو........
بعد اربع سنوات
نور : فهد ماما تعال اهنا مو شلعت كلبي
فهد: ماما ولله العب وية نونة
اوووف منك ديلله جيبهه وتعالو العبو جوة
اوكي ماما
والى إلقاء مع الجزء الثاني من الكاتبة والرائد
الكاتبة بنين الجبوري
#Baneen
أنت تقرأ
الكاتبة والرائد
Misterio / Suspensoقصتي تتكلم عن الحب والكره كيف من الممكن أن تحب شخص وانت تكرهه سوف نرى في قصتي هذه
