الكاتبة والرائد

البارت الثامن

زيد: خير شكو سيدي
انت بكيفك تطلق سراح نور
سيدي أطلقت سراحهه وفقا عن الدلائل العندي
انعل ابو الدلائل انت صاير متعجبني ثاني قضية دتضيعهه
سيدي كلامك مايعجبني هذا اني هنا ضابط شرطة أحقق بالقضية اذا ثبتت الدلائل برائتة اني اطلق سراحة اني مو رائد مشرحة اني رائد شرطة

زييييييييد احجي عدل وياي لا اذبك ورة الشمس
دتهددني انت
شتريد تفهمهه افهمهه
ها أنت ليش تريد اسجن نور
افهم زيد احنة لازم انادبهه المفروض اتبات بالسجن لان هي متجوزة علة واحد جبير والأمر اجة من فوك

اي اي كلي هيج يعني انت تنفذ أوامر الفوك شوف اني مااخاف غير من الخلقني واني انثبتت براءة هاي البنية اذن تطلع
استغفرالله روح من وجهي زيد
طلعت رحت السيارتي كلت خلي امر علة اوس
السلام عليكم
ياهلا بالنسيب نورت المكتب تفضل سيد
يزيد فضلك كلي شلونك شلون مكانك مرتاح اهنا
والله يازيود مرتاح كلش لان المدير مالتي يخاف الله وميدور رشاوي والقضية من تجي نتعامل وياهه احنة نحاول نحلهه مكدرنة نحولهه للمحكمة
صحيح اهم شي المدير اذا القائد يمشي الجيش للطريق العدل مراح يتخربط الجيش وراح تكون مشيتة منتضمة
زيود احجيلي انت مرتاح بمكانك
والله اجذب اذا اكول مرتاح
شوف زيود اني سائل علة مديركم واعرف عنة كلشي مايحتاج تكلي
شتعرف
شبيك شعرف
اوس حجيلي كلشي تعرفة واوعدك وكأنك ماحجيت
والله الي اعرفة عنة هذا واحد مرتشي وهو ضمن عصابات من يصير انفجار او انتحاري تنحط السالفة برأس اي شخص لذلك هو يستخدم التعذيب وسيلة حتة تنجح قضاياه
اوس انت تعرف شدتحجي يعني كلام نور صحيح من كالت انت المتهم وتذب التهمة علي
اي صحيح واني جنت وياهه ومايدهه انه انت مثلهم لكن من عرفت انت اخ لامار لا اتاكدت انت متدخل نفسك بهيج شي
وشمعنة
لان اعرف شنو لامار وتربيتك واخلاقكم شنو
ممممم لامار
مع العلم اني اعرف بكل مكسراتك بنات اليل والملاهي والشرب احيانا
حلوة هاي احيانا
اي غير هذا الصدك من سئلت كالولي بس بلمشتهه يشرب
انت ضابط شرطة لو مخابرات
بكيفك
بس اني اتاكدت انت شنو من اجيت علمود نور وتعاون ويانا
وهسة بسبب نور حصلت خوش رزالة
ليش
يابة ترة هاي بنت خالتي جايبة مصيبة علة نفسهه
شسويلهه زيد هاي راس يابس كلتلهه عوفي هلسالفة الكشرة وهي ولا يمهه مستمرة ويومية سالفة عبالك هاي اول مرة يصير هيج شي
لعد شنو
حبيبي يمكن خمس مرات تتجرجر علمراكز بسبب قصصهه الجريئة
بس هسة السالفة خطرة هذا سياسي وجبير بالدولة ومبين يريد يسويلهه فركت اذن بااي طريقة كانت
بحيث المدير يكلي لو مبيتهه بلسجن حتة تتعلم
شكلك زيد بنت خالتي هاي هي الوحيدة الي وتكول تسوالهه عشرة بيباس الراس والعناد الشايلتة مشيبتني تشيب والله
علاقتكم مبينة حلوة
كلش. اني ونور كلش قراب من بعض اكثر من الأخ واختة مستحيل تضم علية شي وحتة اني الحايط الي اكون كدام كل الناس بس كدامهه غير شي تربينة سوة وكبرنة سوة ودرسنة سوة وهسة دننجح سوة
واني كضيت عمري كلة احميهه واخاف عليهه وهي ترفض حمايتي وتحاول تتصنع وتصير مثل تصرفات الولد بس دنيتنا مترحم ومااكدر اخليهه وحدهه اتيه
انت تدري من حصلت قضيت الولد محمد وانت شلون محاجيهه اجتي تحجيلي وكانما الدنيا انتهت وانتشلون واحد موزين وتظلم الناس وهي متعرف اكو الأسوء
صحيح اوس اني بعد ماشفت كلام المدير اليوم عرفت بلدنة ليوين واصل
تدري طلعت ملف القضايا مالتي نصهم بدون دلائل فقط اعترافات وطبعا بعد التعذيب
الفات مات
لا لا اوس اني شكم انسان ضلمت واحتمال اكو ناس جاعت وتشردت وتيتمت بسببي اني بشر ظالم وبدل منكون ضد الحكومة الفاسدة صرت ضد الشعب المظلوم
اوس: باوعت تليفوني وصل مسج
نور: اووسي شوف نزلت البارت مال القصة وانطيت سبب اختفائي والمتابعين كلهم وياي
ياخبلة يانور تريد تخبلني
شكو اوس احجي
الو لج انتي مخبلة صدك تحجين البارحة طلعتي من السجن وداكلج سياسي ويسحلج انتي ليش متسمعين حجاية
استغفرالله روحي نور روحي
شكوو
ناشر تكملت القصة وكاتبة سبب انقطاعي هو إلقاء القبض علية بسبب قصة الفقيرة والسياسي ومكيفتلي بتعليقات المتابعين
بلة هاي صدك تحجي
كلي زيد شسويلهه احبسهه
اوس انت تحبهه
شبيك زيد اكلك اكثر من اختي حالهه حال مينا وأكثر زين لامار شنو
زيد نور خيتي ومستحيل انضرلهه بغير نضرة
ولامار
لامار راح تصير مرتي
تحبهه
مااعرف
ترة هاي روحي التصعيد وتنزل
انشالله مااقصر وياهه
ماعرف اليشوف عائلتكم وعائلتنة يكول هذولة ميتراهمون بس مااعرف احس راح تحتضنهه وتسعدهه
انشالله
نور:بعد ما نزلت ورحت للبيت نزلت بارت للقصة سبب اختفائي المتابعين تخبلو وتحمدولي بلسلامة
مينا:بعد ما ابوية كلي علة خطوبت ابن خالي واني ماوافقت ابوية خابر علة حمزة وكلة قراري ثاني يوم
مينا تحضري بيت خالج عازميناراح ابوج يمر بل٢ ياخذنة تحضري
ماما عزيمتيش شكو ليش
خالج مسويه مال سلامة نور
هههههه ماما نور هاي فلم يومية توكع بمشكلة
ديلة كومي بدلي دانروح
يلة كمت طبعا خفت لان راح اشوف حمزة وحمزة كل ميشوفني يخزرني
مرحبا اني مينا عمري ١٨ ممكملة دراسة وطولي ١٦٥ وزني٦٠ شعري جوة فخذي اسود سواد اليل واني بيضة وعيون وساع وحلك صغير
لبست فستان جويتي علجسم شوية مخصر وشال مشجر وكحلة وحمرة خفيفة وعبايتي
يلة يمة خلصت
يلة اجة ابوج كوي دنروح
وصلنة بيت خالو جننهم لحت علية اصعد اذب عبايتي حتة اشتغل براحة
صعدت ذبيت العباية بغرفة خالي دااعلك بيهه واحد فات وضل واكف يباوعلي من فوك ليجوة كصني كص
اسمعي لج نزلة هيج ماكو البسي شي استري روحج ولا هل ثوب الركض الابستة
عيوني دمعت بس هذا ثوب عادي وأهلي قابلين علي
والله اذا مذبيتي اشكة من عليج وخلي الناس تتفرج
داريد اطلع حط ايدة علباب
اكو احد ابالج تحبين واحد معجبة بااحد
لا ليش
لعد ليش رفضتيني
هذا الشي يخصني وميخصك
اللهم طولج ياروح تحجين لو شلون
لان انت تخوف وعيونك دائما تخزر
وليش اخزر غير اكو شي يستاهل
لا والله ماكو شي يستاهل بس انت هيج وعافية وخر اريد اروح
همست باذنهه انزعي هلثوب ترة اني انزعجايا
راحت تركض
اوف منج
مرحبا اني حمزة ابن خال مينا اني عمري ٣٠ احب شغلي لذلك متزوجة بس اكو وحدة مربيهه علة ايدي وهي مينا حلوة وصغيرة بس بعد ماكدرت متقربتلهه

ضليت انطيهه فلوس وعيادي بلعيد وبس
بس بعد ماشفته اخر مرة شلون تستحي وكبرانة
قررت اتزوجه وتقدمتلهه وابوهه كبل إخابر وكال رفضت
حسيت روحي تحطمت رفضتني زين ليش وشمعنة مو اني تحبهه ليش دتعذبني ماشي مينا ماشي كمت و عزمت نور ومينا واهلهه
بعد ما وصل الكل صبينة الاكل وضليت اتناوش المواعين من البنات
ََ
عجبني بيهه شي راحت بدلت ولبست كلابية من البنات
نور: هلووو هههههه حمزاوي يومية من وراية مسوي عزيمة
هههههه ولج انتي شوكت تجوزين من هلسوالف
ماجوز عيني ماجوز
لج نور ليش هيج مختفية ومتبينين حضرتج متجين آلة بعزيمة
لا والله ملتهية بين الشغل والمحكمة والبيت
ها جدي خوب انت حاليتلك الكعدة يم نويرة ولاتبين ولاتكول ذول احفادي
يول مو هاي البنت وحدهه شلون اعوفهه واكوم اتسير تريد تعال انت
خوش حمزاوي تعزم بجدك وماتكول حبوبتي كاعدة
يمةةة اروح فدوة الجمالهه ليش اكو مثلهه
مينا : فتت شفت حمزة شلون يتشاقة ويضحك وية بيبيتي وجدي لعد شبي وياية ينكلب شيخ والله يالله
ياهلا بمينا تعالي يبعد جدج خل ابوسج
شلونك جدو شلونج بيبي
هلة يكلبي انتي شلونج اشو ضعفانة يلحلوة شبيج.
والله بيبي مضعفانة
رضا ابن عم حمزة: تلكيهه هم تسوي مثل البنات دايت
اني لا والله ماسوي
اي عفية خليج مربربة
وية هذا الكلام جان اكو واحد مدخن من العصبية
حمزة: مينااا فوتي ساعدي البنات
بس داشوف جدي حجيت هيج واشوف وجهه احمر من العصبية
جدو اني راح اروح اساعد البنات وارجع اشوفك
واخيرا طلعت و رضا انكشر لهلة
اوس :السلام عليكم
وعليكم السلام
شلونك ابو أسد شخبارك
والله اني زين بشوفتكم تفضلو كالو خطبت يوب ولا تكول لا تحجي
والله بعدهه بس حجي مصاير شي رسمي الجمعة نعقد سيد
اي بالمبارك عليك وانشالله الخلفة الزينة
الله يسلمك ويوما الك ابو أسد
والله ممبين
ليش الخلقهه مخلق غيرهه
ها لا موهيج ترة اني خطبت مينا هيج لاعبالك فدشي
لا لا معبالي بس اريد اكلك شغلة تريد تعتبره نصيحة او اي شي بكيفك الي تريدهه كلبهه مويمك تخاف منك بكد كمية الحب الي تكتمة الهه
اوف اوف
سلامتك من الاوف يبن خالي
ابو اوس :يابة مادام ملتمين عقد اوس الجمعة وياريت تحضرون
الجد:بالمبارك يول راح تعرس
شفت جدي راح اعرس هههههه
كللللللووووش والله لجيب كونية جكليت واترس المنطقة
هههههههههههه بيبي علة كيفج يمعودة
ولك هذا جان علية نذر بس كون واحد بيكم يعرس

هههههه بيبي شوفي عرس اوس لتضلين كلساع تكليلي شوكت ازوجج
اوف منكم ولكم نريد البيت ينملي أحفاد
اي والله يعمي شوكت الله يهديهم ماادري
والله ياابو اوس زين ماسويت وانت ختاريتلة لو يبقة عليهم ميتزوجون
اي والله يعمي
نور: اوس خابر علة مرتك خلي نروح للزوراء العصر

لا يمعودة شعدنة
اني قررت وحمزة انت هم تجي وميوش هم يعني طلعلة شبابية
هايهي منردج نويرة
لامار:جنت كاعدة وسمعت صوت تليفوني هذا اوس شيريد
الو
الو اتحضري جايج حتة نطلع
وين
نور لحت آلة نطلع للزوراء
مم يلله ماشي
وشكو يحجي وهو محموس كبر
زيود حبيبي اوس خابر وكال طالعين طلعة للزوراء هو ونور عادي اروح
اي عادي واني اوصلج واجي وياج
اي خوش لعد
رحت لبست بنطرون جينز وقميص سمائي ورفعت شعري ذيل حصان وهو طويل وحطيت ايلاينر وحمرة خفيفة ولبست بوتين رياضي ابيض
طلعت يلله زيود يااا نسيت اخابر علة اوس اكلة ليجي
الو
الو
اوس لتجي لان زيد راح يجيبني ويجي
اوكي هايهي
........
الكاتبة بنين الجبوري
#Baneen