نور: احس روحي كلش فرحانة ومفتخرة بنفسي بس اني ابد ماتكبر
صبيت غدة للجدي وبيبي
يلة بنيتي تعالي اكليلج لكمة
جدو والله مدااشتهي من الفرحة 😂😂😂
والله زين هاي قرارات الحمام هيج تسوي 😂😂😂
جدو اني رايحة للمكتب
الله وياج حبيبتي
هلووووووووووو
ولج صرع شبيج جفلتينة. شبيج نور انتي صاير وياج شي
اشياااااء بس اكول للأستاذ واجي اجيلكم
السلام عليكم
وعليكم السلام اهلا بنتي يلة بشريني
استاذ باجر محكمة محمد
شنووو شلون صار هيج
مو بس هيج وراح اطلع بلبراءة
شلون ولج احجي نشف ريكي
وحجيتلة الصار....
والله سبعة بنت سباع ولج صدك من كال الخلف مامات
تسلم استاذ تربيتك وكل هذا من فضلك
لا لتكولين هيج هذا تعبج انتي
يلة استاذ لازم اروح احضر المرافعة مال باجر مراح الحك على هل حجي
روحي بنتي الله يوفقج
وتسلمين مافشلتيني وية صديقي
استاذ لتكللهم وتااملهم كلشي يصير احتمال القاضي ميقتنع ويبرئة
هايهي انشاء الله خير
طلعت من الاستاذ ورحت علة زينة واحمد
ياهلا وينكم عيني مشتاقتلكم
والله احنة اكثر ترة المكتب منور ويجنن اقصد أظلم ومكدر بدونج
ولك حمييييد
هههههههههههه
احجيلي نور شسويتي بقضيتج
والله يا زينة اول مالزمت القضية جنت حايرة وادور دليل حتى اكدر اكشف براءة المتهم بس طلعت غبية
شلون
لان اصلا ماكو شي يدني وضدة
لعد شلون متهمي
حبيبتي هذه عصابات باسم القانون وهاي اكبر مني ومنج يعني يصير انفجار وهم الهم ايد بي يروحون ويذبوهه علة مواطن بسيط وهذا المواطن بل تعذيب راح يحجي اليردو
عزززة معقولة اكو هيج ناس
استاذ يوسف: اكو زينة اكو اكو ناس اكبر من هذولة الضباط همة الي دياامروهم والاوامر كلهه تجي من فوك من أسماء جبيرة بالدولة واذا اذكرهه مراح تصدكين والي بدولتنة محكومين من غير دول
نور: وطبعا كلما وانتمائة
بالضبط الي متغطي بالاسلام والدين والي حط ايدة وية الكفار والي فوت ناس علة بلدة واحتلو باسم الدين ونشرة احنة بلد قادتنة الدول وليست اي دول فهي الأجنبية
استاذ شنو مصيرنة
مصير العراق بيدي وبيدج انتو بلاخص النساء
من صار الانقلاب بتركيا منو وكف أمام الدبابة امراءة عجوز هي تكدر تكول شعلية بس طلعت وواجهت ولازم احنة الي نغير مصيرنة احنة صحيح منقذنة العراق من نقذنة هذا السجين قبل ميكون ضحية لكن احنة نقذنة عائلة من التفكك الأسري واحتمال يطلع احد من عائلتة يفيد العراق
استاذ كل ماافقد الأمل تنطيني جرعة من الأمل
زينة: استاذ هسة احنة شسوينة قابل بانقاذة اذا العراق مليان من هل الشكل وبليوم الف مظلوم ديروح
انت شايف المستشفيات هسة تجي متلكة سرير للمريض ومن تجي تباوع تلكة اكو أسرة فارغة ولكن بلاستعلامات تكول المستشفى مقبطة والسبب شنو الأسرة دتنباع للجماعة الاجايز المرضية ودخول مستشفى مزيف وتحصل اجازة ونفسهم منتسبين الصحة ديسووهه يعني يجي مريض حالتة خطرة ميحصل دخول ويموت هذا بركبت منو منو الي جان السبب السبب احنة احنة وبس احنة الي ندفع علة كل معاملة وإجازة حتة تصير لان من غير فلوس متمشي
لتكلي احنة راح نغير العراق استاذ
شوفي زينة كلام الاستاذ صحيح اني بعد مافقدت الأمل بأن اكو احد صادق بل وزارة الدفاع من ضباط او اي شي ضهر الي هذا الرجال الي وكف وياي وذكرني اذا خليت قلبت وهو الي حل القضية بكلمة منة بفطنتة وذكاءة
يعني انحلت قضيتج
اي تحمد حليتهه وبدون مااتعب
الحمد الله الف مبرووووك
يلله اعزمينة
هههههههههههه بدة القط
يلله بنتي روحي للبيت حضري مرافعتج يادوب تلحكين
يلله طالعة استاذ ادعولي حبابين
الله وياج
اوس:السلام عليكم جدي
يا هلا بحفيدي الناسيني ولك لا تسأل علة جدك لا تكول مات عدل
والله يا جدي حقك بس والله الشغل ماخذ وكتي
الله يعينك
شلونج بيبي
روح عني انة ماحاجيك
اوف يجدة لعد لوتشوفين شجبتلج وياي
ماريد منك شي
يا وانة جبتلج الصايا الي ردتيهه هذاك اليوم
ها إذا جبتهه حرامات تنذب
هههههه هاج هاج يلحبيبة
نور: هاي منو هنا دقيقة دقيقة احترامي سيدي 😂😂😂😂😂
اوس:اروح فدوه للمحامية الصاكة تعالي ولج مشتاقتلج
نور:دولي والله جذاب لو صدك مشتاقلي متعوفني ومتسئل
خرررررب هاي انت شوكت اجيت واني عندي مرافعة باجر ولازم احضرهه
ولج يعني ترديني اروح
لاااااا وين تروح امشي نروح نجيب عشة وشغلات للسهرة لان اريد الضابط العندي استغلة بلمرافعة مالتي
هههههه ايا استغلالية يلة تدللين
رحنة جبنة لفات وبيتزا وعصاير وكرزات وموطات
يلة اوس خلي نحضر الكعدة بلحديقة
يلة عيني تامرين
اكلكم امي راح اخذ مرتي واروح انام وانتو ضلو تملعبو هنا
يلة ماشي تصبحون علة خير
اوس تتذكر من جنة اني وياك نلعب سوة واني محامية وانت ضابط شرطة دتشوف شلون صارت صدك
اي كبرنة وياريت ماكبرنة
دقيقة شو داشوفك متغير
شنو متغير شبية كلشي مبية
من ونت صوتك عرفت بيك شي احجي اوس تضم علة نورايتك
نور كلبي
سلامة كلبك حبيبي هاي شبيك
حبيت
ياااااااااا صددددددك ولك كبرت وصرت تحب
يمعودة فضحتينة
احجي احجي
لتفرحين رفضتني وطلعت تكرهني وكسرت كرامتي
خلي تولي هي الخسرانة انت وين اكو منك يعيون اختك
اوف هاي هي الحمدالله وابوية طالعلي بسالفة جديدة تعال اخطبلك بنت صديقتي
وانت شراح تسوي
وافقت
شنووووو
اريد انساهه نور
بس هذا موحل راح تظلم بنت الناس
يلة انتي كومي جيبي القضية خلي نحضر مرافعتج
يلة كايمة
ضلينة نتعلل ونشتغل وطبعا اوس تخبل من سمع ببلي سواه الرائد
زيد:حسسسسسسن
نعم سيدي
روح جيبلي السجين محمد
ها مناوي تحجي
سيدي شنو احجي والله ممسوي شي
تمشيه عليمن هذا الحجي
والله سيدي اني لو اشتغل هيج شغلة جان شفتني متمرمط بالخطوط حتة اروح للدوام وحتة سيارة ماعندي
خوش دنشوف يلة حسن تعال اخذة
ياربي شسوي هسة راسي راح ينفجر بديت اباكيت الجكاير إلى أن خلصتة وطلعت للبيت
لامار: كعدت بغرفتي منتضرة تعرف مصيري شنو واني اشوف ابوية ديبيعني حتة شغلة يمشي كرهت كل حياتي معقولة راح اعيش حياة القصص الي اقراهه اني اقرة قصص وأكثر كاتبة تحبهه هي الكاتبة نور قصصهه وطريقة عرض القصة كلش حلو
ويمكن راح يجي يوم وانطيهه قصتي حتة تكتبهه
لان القصص متنكتب آلة اذا بيهه ألم واحداث
ويمكن راح اكون بطلة قصة بسبب ابوية وبيعة الي بهذه الطريقة
زيد:وصلت للبيت وسمعت لامار تبجي بغرفته اوف شبيدي عليج يخيتي
السلام عليكم شبيهه اختي الحلوة تبجي
مداابجي
حبيبتي لامار اني سئلت على هذا الولد كلش سمعتة زينة وخوش ولد
زيد والله ماريد اتزوج ماريد😭😭😭😭😭
حبيبتي الله يفرجهه واذا هذا الولد قسمتج راح يكون الج ومنكدر نسوي شي
اوف ربي ساعدني
سلامتج من الاوف بعد اخوج
يلة راح اروح انام
تريد تتعشة
لا ماريد انتي تعشيتي
ماريد
اذا تتعشين وياي اتعشة
ماشي لعد نازلة احضر اكل يلة اني ابدل وانزل
رحت فتت سبحت وحاير باجر شراح اسوي معقولة راح اخسر القضية اني ولا قضية خسران من يوم تعييني لليوم هسة راح اخسر اووووف من هل محامية الي مااعرف منين طلعتلي
بدلت ونزلت
ها شسوت اختي الحلوة
هههههه سويت الي اكدر علي
شسويتي
هههههههههههه سلكتي بيض
هههههه دروح هذا الي اكدرلة
شلون راح يزوجوج مااعرف راح يرجعج علينة ثاني يوم
بعد احسن
يلة تعالي خلي ناكل
يمممم والله طيب
هههههههههههه لا بربك
يلة لازم انام
يلة تصبح علة خير
الكاتبة بنين الجبوري
#Baneen
أنت تقرأ
الكاتبة والرائد
Mystery / Thrillerقصتي تتكلم عن الحب والكره كيف من الممكن أن تحب شخص وانت تكرهه سوف نرى في قصتي هذه
