الكاتبة والرائد

البارت ٢٩

نور:ماما جيب نونة وتعالو العبو جوة
ماما نونة تكول العب برة
لا حبيبي مايصير برة تلعبون انت مو رجال يلة كلبي جيبهه وتعال
اوكي ماما
ماما اني كلت النونة تفوت حتى انتي تحجيلنة كصة بابا البطل
تعالو اكعدو حتى احجيلكم
شوفو كان ياماكان كانت بنية زعلانة من اهلهه وهمة زعلانين منهه
ليش خالة همة زعلانين
نونة لان ماما مزعلتهم ومسامعة تلامهم (كلامهم) فهمة زعلو منهه
اي ماسمعت كلام اهلي وغلطت ومن غلطت اهلي زاعلوني
وجنت امشي بالشارع وابجي وضربني ابوك بالسيارة ووداني للمستشفى وداواني واخذوني اهلي بيبي وجدو زاعلوني وعافني أبيت عمو بس اجة ابوك واخذني ووداني يم جدو وبيبي وراضوني وقبلو ابقى يمهم وبعد كم شهر دكلي ابوك وكالي اني حبيتج بس اريد حبي الج ميكون غلط لذلك اني رحت خطبتج من ابن عمج
انت شدتحجي ومنو كلك اني قابلة
وليش ترفضيني
لان اني رافضة الزواج
بس راح اخلي فترة خطبة واذا مقتنعتي انهي كلشي
وليش كل هذا
لا احبج
ماما يعني بابا كلج احبج مثل ماني احب نونة
هههههههههههه اي مثلك
تملي خالة
وانخطبت اله وحبيت تصرفاتك وحنيتك واهتمامك وحبة الي
جنت متوقعة انه اني حبيت قبل بس وية ابوك اختلف كلشي
وتزوجنة واني حامل بيك اجاني خبر كالولي فهد صار ملاك بلسما حتى يشوف ابنة
ماما ليش صار ملاك ليش مضل مثل عمو اوس
لان رب العالمين راد انه تعيش بدون اب تدري ليش
ليش
لان يعرف انت رجال وقوي مثل ابوك لذلك تكدر تعيش بدونة واكيد راح تكدر تحافظ على ماميتك
ماما ليش سميتني مثل اسم بابا
لان من عمو اوس سمة نونة نور وابوك مات قررت اسمي فهد حتى نور تحب فهد وهذا الحب ميموت
ماما والله اني تلش احب نونة
أريدك تحميهه من كلشي ومتااذيهه بيوم
اوكي ماما
خالة تلش حلوة الكصة مالتج
نونة امي اسلا كاتبة قصص
صدك خالة
اي جنت اكتب كومة
هممم
اوس:لامار اني حجيت وكلت للكلية ممنوع تخلطين ابولد
اني وين مختلطة
وهذا شنو معناه افوت الكة يمكم شاب كاعد
يعني هو اجة كعد ويانة ومجنت وحدي جنت وية البنات
معلية اني محذرج
انت شنو معنى كلامك تشك بية اسوي شي من وراك ترة اكدر اسوي أشكال وانت ماتدري
احترمي نفسج وتخليني اسوي غير شي
شتريد تسوي تضرب مثل العادة اضرب يلة اني ماكو شي مخليني متحملتك غير بنتي جان مستحيل ابقى ثانية وياك
اي عود مسويتلي روحج خايفة على نور شو انتي تشمريهه وكل يومية رايحة للكلية وجاية من الكلية
مااسمحلك تتهمني بالتقصير بأمور بتيي
هسة اني مقصرة بحقهه هو اني متحملة كلشي الخاطرهه
الخاطره لو الخاطر المشاريع التجارية البين ابوج وابوي وانتي تعرفين من الاول هذا زواج مصلحة
مراح اجاوبك لان جواب الجاهل التجاهل
احترمي نفسج لامار
خلي اروح قبل مااتخبل
غزل : زمردة وينج يمعودة راح يجي عبدالله خلي انصب
اي اي اجيت
وينج يمعودة
جنت دااصبغ
ضلي ضلي صبغي مثل الخبلة
خوما مثلج ملتهية بس بالطبخ والنفخ
ولجججج
انشالله يجي واحد ميرضة غير بلباكلة والجري عل ريوك
ايعععععع غير اخنكة
هو وينة غير يفضهه ويجي
ولج نايمة على كلبج
لج لاجة انشالله
السلام عليكم
وعليكم السلام هلة كلبي نور البيت
بعد بعد بوسي مو كدامج اني
اي اي تعودي مو مخطوبة مبقالج شي وتتزوجين
مممممم اي اي دلعي الحمودي
دروحو متستحون
مرحبا اني زمردة قبل سنة خطبت لمحمد وياي بلكلية هو كام يحبني وخطبني واني اتعلقت بي مبقى غير كم شهر ونتزوج
الو
هلة بعمري
هلو حبيبي شلونك
اذا حبيبتي زينة اني زين
ممم اكلك كلبي شصار على اثاث البيت وصل لو بعد
اليوم يوصل
متحمسة اشوف البيت وهو مفروش
تشوفي كلبي بس انطيني مجال ارتبة واشوفج ايا
لا مو اني اريد ارتبة علة ذوقي
لا حبيبتي ماريد اتعبج بعدين تجين تتغيرين التردي
ماشي كلبي
يلله عمري رايح لان اريد اشوف وصلت الأغراض بعد
اوكي كلبي
احبج
احبك
غزولة يلة اني ميتة جوع
سم انشالله تضلين هيج مفجوعة شلون راح تتزوجين مااعرف انياللك محمد
لتذكريني خطية وحدة راح يرتب البيت مقبل اجي اساعدة
لااا والله ويحتاج تسألين لج هذا بيتج ترحين وتنضفين وبدون متساهلين انتي مخبلة
هيج تكولين هسة نخلص غدة ونروح اني وياج نسويلة مفاجئة ونروح نساعدة وتفرشين بيتج علة ذوقج
هيج تكولين
اي طبعا
ماشي لعد ورة الغدة نطلع
يلة عبودي انزل عيوني صبيت الاكل راح يبرد
اي حبيبتي اجيتج
اويلي باع البامية هاي النسوان المعدلة
تعال عبود شلون بصل يفوتك
هاي عود العروس المفروض تكون مستحية وهي تاكل بصل
😂😂😂😂
فديت الضحك والله
اسم الله عليك عيوني
بعد بعد اتغزلو واني مسوين ميز
😂😂😂😂😂😂
خلصنة ولميت السفرة وغسلت المواعين
وديت الجاي العبود
حبيبي
ها
تاخذنة البيت زمردة
ليش هلقزمة صارلهه بيت
😂😂😂😂😂والله حتة اني ممقتنعة تتصور رجلهه كالولهه اليوم راح توصل الأثاث وهي تكلة يحتاج اجي اساعدك
😂😂😂😳😳😳اكلج هاي خبلة ومتفتهم بالاصول انوب امي وابوية بالعمرة وماكو احد يفهمهه روحي البسي وخلي تلبس ونروح للبيت نعين الولد هو وحدة وماعندة اي احد اهنا يلة كومي البسي
يلة حبيبي كمت
يلة زمردة خلي نطلع راح يوصلنة عبدالله
يوووو بعدني ممبدلة
حبيبتي ترة احنة رايحين انضف مو نطلع البسي تراك وفوكا عباية
لا عيني اني رايحة على خطيبي ماروح بهل شكل خوما اني غزل
وشبيهه غزل تخبل من غير شي خوما انتي جكمة شمة تلبسين جكمة
عبدددددالله
😂😂😂😂😂
يلة امشو
يلة كلبي اني مكملة
يلة
طلعنة للبيت وصلنة ونزلت للبيت وشفت ماكو اي غراض اوهوسة معقولة لحد الان مجاية الأغراض
دكيت الباب محد طلع
عبدالله معقولة محمد بعدة مجاي
لا اني شفت سيارتة برة
لعد خلي ندك الباب
انفتح الباب وياريت منفتح
حبيبيتي يمكن وصل الدلفري
فتح الباب وهو بلبنطرون وبدون قميص ووشعرة مخربط والبيت معدل ومبين من زمان البيت كامل
انصدمت والزاد صدمتي صوت بنية جوة
محمد :زمردة
عبدالله :اي زمردة تعال يانكس ياحيوان👊👊👊👊
حسيت رجلية رخت وممصدكة الي صار يعني شنو بعدلي كم شهر واتزوج وختاريت كلشي ابيتي وانخان بي
يلة زمردة امشي وجيبي هاي الحلقة
عبدالله اخذ الحلقة وشمرهه على وكالة ماريد اشوف وجهك
رجعت للبيت واني لا دمعتي نزلت ولا حجيت شي حسيت نفسي ميتة بس بية نفس أصعب شي من تكون انت حاط مقام الشخص كلش عالي بحياتك وهو يطلع ميستاهل اي وجود بحياتك من حقارتة حسيت خسرت سنة من حياتي بكذبة صدكت بكلام الحب والغرام وهو طلع مايعرف شنو كلمة احبك تذكرت قصة نور وية هذا الرائد وشلون من هم صدكت بكلام الحب والغرام وبعدين عاشت اتعس ايام بسببة
حبيبتي زمزم ياعمري والله ميستاهلج لتزعلين
باعي طلعيلي البكلبج لتضلين ساكتة ياعمري لتخوفيني عليج
حياتي احمدي الله كشفتي على حقيقتة قبل الزواج
زمزومة شبيج ساكتة بس حاجيني
غزل كلبي يوجعني
يمة سودة علية سلامت كلبج ياعمري 😢😢😢😢
غزل هسة يعني بعد ماكو محمد
احمدي الله انكشف قبل ميوكع الفأس بالرأس
شبيج زمزم بس كليلي
مخنوكة احس الغرفة خانكتني والدنيا والنفس ضيق
راح اكول ال عبدالله يطلعنة
وين اطلع غزل اكلج احس الدنيا ضيقة علية لو ميتة ولا...
لتكملين فال الله ولا فالج انجبي انتي بعدج شابة ومعرضة الكل هاي الأمور ومخلصة الدنيا وية هذا
غزل اريد انام
ماشي يكلبي طالعة
عدة اسبوع واني احس روحي ميتة بالدنيا اتهربت من وجعي بل نوم صرت انام ومن احس نفسي مخنوكة كبل اروح اتمدد حتى انام عفت الدوام اسبوع اخذلي اجازة عبدالله
حبيبتي زمزومة يلة حضري روحج اليوم عبود راح يطلعنة
ماريد اطلع مالي نفس
ماكو هيج حجي يلة بسرعة كدامي بدلي
ماريد غزل رحمة الاهلج عوفيني
ماكو مااعوفج يلة كدامي
فففففف يعني شلون
يلة بسرعة
لبست بنطرون جنز وقميص وردي وشال مشجر بس مو مثل ماجنت اعتني بنفسي من جنت اطلع ويا اذا مو الأظافر مصبغة والمكياج
هسة كلشي ماكو احس نفسي انكسرت من الدنيا كلهه
طلعت عبدالله شافني
ليش وردة البيت ذبلانة احنة ماعدنة ورد ذبلان
شايفة واحد يجي يشتري ورد ذبلان
اني ماريد احد يشتريني اريد ابقى الحالي
بس هذا كلامج مايصير
لا يصير وهسة لو تطلعون لو ارجع
لا لا وين يلة طالعين راح نتأخر علولد
اي ولد
صاحب عبدالله عازمنة لان عبدالله اخذ رئاسة الحزب
واني شكو جاية
وياية شبيج زمردة تعوفيني وحدي كاعدة بينهم
يلة فضنهه كدامي
يلة اجينة حبيبي
وصلنة للمطعم نزلت اني وعبدالله وزمردة ورانة
فتنة للمطعم كلش راقي
ياهلا وينكم اتاخرتو
اهلا بيك
بابة اعرفكم هذا صديق العمر وايدي الثانية بالشغل حمزة
وهذولة غزل مرتي وزمردة اختي
أتصور اعرفهه الاختك
اني من شفتة اتذكرتة واني شلون حابة الولد هل فترة انوب هذا طلعلي
بدو يتناقشون اني كعدت مقابيلة
وغزل مقابيل عبدالله
وبدو يتناقشون عن الدولة والأمور رجع حمزة كلة شوف هو البرلمان يصير براسة خير من يطلعون النسوان منة ادري حاطات نفسهن بكلشي حتى بلبرلمان ترة هو مو عدس وفا صوليا وبامية ترة هاي قوانين انت منتبه اغلب عركات البرلمانين سببهه نسوان وهن كم وحدة ويوكفن ويلقلقن
انت ليش محترم نفسك أتصور نسوان كاعدين كدامك ليش تصورون المرأة ضعيفة لدرجة ينحجي عليهه كدامهه وتسكت انت ترضة اجيب طاري رجولتك واسمهه بكلام وتسكت
اني ممسيت انوثتج اني داكول مكان المرية بيتهه مو كاعدة بنص البرلمان وتقص
شوف انت من حجيت عممت بكلامك
يعني قصدت اختك وامك و..
تسدين حلكج لا افركة الج اسمع عبدالله اسكت اختك لااطلع من طوري
زمردة سدى حلكج
ممنوع تجيبين طاري امي امي تسوة راسج فهمتي امي مدورت شغل وهل مكسرات امس حفظت بيتهه
اسمع بلة لتخوفيني بخزرتك وصوتك انتو علساس ملائكة انتو كلكم نفس الشي وحتى أخوية مااطلعة منكم انتو كلكم خاينين وبلا مشاعر ومااصدك رجال عندة كلب اذا احنة النسوان كلنة لسنة وبلة فائدة
فانتو مجرد حاطيكم تبصبصون علنسوان وتخونون
زمردة سدي حلكج لحد الان محترم كدام الولد
فدوة عبدالله عوفهه هسة احنة رايحين للحمامات وانتو شوية اه و وانت تعرف حالهه
لتشرحين غزل اني مخايفة من احد وبعدين شبيهه حالتي مخبلة كدامكم
والله تحشة منج المخبلة
ليش ماتحشة منك
عبدالله اختككككك
يلة كلبي كومي وياي خلي نشم هوة
كمت وية غزل رحنة للحمام
هاي شبيج زمردة شلون هيج تحجين وية الولد هسة يكول هاي بلية تربية
الخاطر الله غزل عوفيني هو العرفي بلتربية والأخلاق شسوة وياي وشلون قدر خليني اصير بدون اخلاق اجوز يكعد الحظ

اسف عبود بس نرفزني بنت ال.. لااله الا الله
شوف حمزة هي مثل حالتك
ليش هيج تحجي شبيهه حالتي شو رجال وكدامك دادك علة راسي والطم
اقصد انت مثل ماتكره النسوان هي كرهت الزلم
ليش مو محمد الي سالنة على خطبهه
اي خطبهه وشفنة خيانتة هو وحدة بلبيت الي جانت راح تسكن بي
يعني شنو
يعني لكينة وحدة ويا بلشقة
وهي من وكتهه حابسة روحهه وهسة يالله طلعت ووكعت بيك
احب اكلكم اثنينكم لا كل الزلم زلم ولا كل مرة مرة
رجائا عبدالله لتوجهلي الكلام اني محتاج نصيحة
لا محتاج مو رجال عمرك ٣٣ سنة واحد الان ملازم مرة كلي شلون عايش شو امك تعبت وكبرت وكوة تروح للحمام شلون مدبر وضعك
رجائا عبدالله اسكت مو ضروري المرة الي ترتب حياتي اني اكدر ارتبهه ومرتبه وماعندي مشكلة
اذا اكلك اني هاديلك اختي تقبل هديتي
عبدالله عيب عليك هل الحجاية انت دتقلل من قيمت اختك
حمزة انت أخوية اعرفك شنو بعد ماجربت وورحت علغريب الي مااعرفة شنو وعفت صديق عمري الي عاجنة وخابزة علة ايدي شفت شصار بية داشوف اختي شلون وردتهه ذبلت حمزة دخيلك لتردني
اني اعتبرك أخوية مثل ما زمردة اختي وانة بضهرك بس وافقني وشوف شلون راح تدعيلي
شدعيلك يمصخم راح ادعي عليك دشوف السانهه تكول رشاشة
😂😂😂😂😂وداعتك بس حجي واعرفك نجر وتكدرلهه
اكلك يعني اني دوم حظي مصخم وية النسوان
😂😂😂😂😂وللللك هاي اختي ترة وماتلكة مثل تربيتي
هي المشكلة تربيتك اعرفك يلخايس
ولك انة خايس
انتضرك تجيب الوالدة وتجي تكطع مهر
اكلك انت دتلبسني قبوط كاعد دعوفني
عبدالله اني دااحجي وياك هيج لان من شفت اختي انكسرت متت مااعرف شسوي الهه واني اعرف اختي وفية مومثل بعض النسوان وتداري امك مو مثل بعض الناس
وانت راح تكدر تداوي جرحهه وهي تداوي جرحك وراح ناس تسند ناس ومتاكد مراح تكسرهه
والله مااعرف شكلك
كول انشالله وخليهه علية
تتذكر من كلتلك قبل أربع سنوات اخذهه من الك وماقبلت والله هي مردوده الك
اكول للوالدة وانشالله خير
لتفشلني أخوية اخوي
ماعاش اليفشلك
اكلك هذني وين راحن
أجوز طلعن علمرسى
دمشي خلي نشوفهن
دااحس عكلتني يعبيد
😂😂😂😂😂😂😂😂😂😂😂😂😂ولك ترة هاي اختي لو تدور الدنيا ماتلكة مثلهه
صحيح بالنسبة للسان مانلكة منه راح تاخذ نوبل بااطول لسان في العالم
😂😂😂😂😂😂😂لالا هاي مرتك المستقبلية
اريد اشوف وجههج من تعرفين اجيتي هدية ياام السان
ولك تحجي علة اختي والله لو اعرفك راح تعيرهه وتكللهه هدية انتي فلا اسويهه بس اعرفك ابن شيوخ وماتطلع منك العيبة والنعم منك
والنعم من اصلك وهاي اذا صارت قسمة مو هدية هاي راح تصير اميرة بيتهه

تركيا؛ اسطنبول؛ اورتوكي
الو
ها اهلا سيدي مدبرتلياهه
اني بعدلي بس المناقشة اي واخلص
يعني فد اسبوع
اي رحمة الاهلك تمام انتضر منك اتصال
انشالله تدلل

الكاتبة بنين الجبوري
#Baneen