🖤البارت1🖤
البارت 1💫
🗨️َأَشْتَاقُ لأشْيَاء قَدِيمَة
ضَحْكَة أَشْخَاصٍ أَبْعَدَتْهُم الأقْدارُ عنّي
اَوقَات كُنّا فِيها سُعَدَاء جِدّا
وَأشْيَاء كَثِيرَة لَنْ تَعُودَ أَبَداً🗨️
دمعة نزلات من جفون عنيها..رسمات مساار على وجنتيها وطاحت على مذكرتها اللي كل مكتكب فيها لازم تخلي فيها بصمتها..وقفات حطات يديداتها على الحديدة دالشرفة..غمضات عنيها واستنشقات جرعة كبيييرة من الهواء..حسات بشي حاجة فرجليها..طلات ولقات المشيشة ديالها..تحنات وهزاتها لعندها..حطاتها على مرفقها وضماتها لصدرها تتلمس فراسها بهدوء..مدة وهي واقفة تتأمل السماء..حسات بالبرد تحرك وهي تدخل لبيتها..حطات قطتها ومشات للدريسنغ..لبسات قبية وكولون مع سبادري فالكحل..طلقات شعرها الاسود لي كان مجموع ودارت القب على راسها..هزات سوارتها وخرجات من العمارة لي ساكنة فيها..موجودة فحي راقي..نباتات موزعة بشكل منضم وطرقات جد نضيفة..بحكم انها فروما مدينة سياحية وكتعتبر كدلك العاصمة التاريخية ديال ايطاليا ..ركبات فاودي كحلا وكسيرات..وقفات حدا باب واحد المقبرة كبيييرة..خرجات تتمشى بخطوات ثابتة..رغم انه الليل الا انها مخافتش نهائيا..مولفة..حبسات من المشي عند واحد القبر..gلسات فالحافة لي من زليج وبقات تتدوز يديها على التراب وملامحها جامدين..كل مكتجي لهاد المكان واحد الشعور غريب كينتابها..قلبها تيتقبض عليها..حنين..اشتياق..حزن..احاسيس مختلطة تتحاول تخلص منهم إلا انها ماتتقدرش..كلما ضاقت بيها الدنيا تتجي لهاد البلاصة لي كتزيد على ما بيها..لكن رغم كل شيء هدا هو المكان الوحيد لي كترتاح فيه وكتحس انها فرغات فيه جزء من الطاقة السلبية لي صارت رفيقها سنوات عدة..بقات تتأمل فالاسم المحفور على القبر واللي بالكاد كيبان بضوء القمر
رؤى:(مبتاسمة)ناصر..كيف رها حياتك تحت التراب..عرفتي توحشتك بزاف..توحشت نشوفك..توحشت ضحكتك..توحشت اي حاجة تتعلق بيك..هه ربع سنين فاتو على موتك.. ربع سنين فاش توقفات عندي الحياة ..عرفتي باقا عاقلا بالتفصيل نهار gالولي راك مشيتي عند ربي..لحد الان مزال مستوعبت انك مشيتي وخليتيني..تنمثل عليهم انني بخير..ولكن(تنهدات)تنقسمليك منيش بخير..الاحساس ديالي بالوحدة تيزيد كلا نهار كلا نهار..غتبقا ديما فقلبي وروحي عايش.. ااه حياتي بلا بيك خاوية..خاوية بحال الداخل ديالي ياك واعدتيني.. واعدتيني نكبرو بزوج ونشيبو بزوج ونموتو بجوج..ولكن نتا زربتي..زربتي بززاف..مبقيتش قادرة نتحمل بعدك عليا..كنقسمليك مبقيتش قادرة..كنتمنا غا ياخدني ربي باش نتلاقاك..كنتمنا
جمعات كمشة ديال التراب فيديها.. قرباتها لنيفها واستنشقاتها مزيان.. تتحاول تشم ولو شوية من ريحتو لي كتعشقها..علات عنيها تتحاول تحبس دموعها..نفضات يديها..وقفات وزادت بلا متهز راسها من الارض..ركبات فاللوطو وكسيرات حتى لواحد السوبير مارشي..شرات شي حوايج خصينها ومشات للدار..رماتهم فالكوزينة وطلعات لبيتها..حايدات حوايجها بقات غا بدوبييس وشعلات البيسي مقصرة مع واحد الفيلم وتتحرك فواحد الخاتم رقيق فصبعها..وطبعا مشتها مخشية فصدرها تتمخشش فيها
أنت تقرأ
🖤كَئِيبَتُه🖤
Actionهاااي gيرلز👋 بعد العديد والعديد من المحاولات وكتب هادي ومسح هادي😖 قررت اخيرا انني نكتب هاد القصة لي غتكون اول قصة ليا،كتشمل كل من #الغموض #الإثارة #الهوس والكثيير من #الحب و #الرومانسية لأصحاب الجفاف العاطفي (اوف كورص انا وحدة منهم) المهم تنتمنى...
