🖤كَئِيبَتُه🖤

💫البارت5💫

                     🖤البارت5🖤
فايق مدهشر على صوت التيلي لي فلاطابل دو نوي..بقا تيوطا فيه ويعاود وهو باقي فالفراش وعنيه معسلين بالنعاس..مين مبغاش يطفا ضربو بالجهد حتا طاح فالارض..جاب الله جا على واحد الوسادة مرمية اوما يكون تفرفتت..رجع يكمل نعاسو وهو يعاود التيلي يصوني..بعدما سبو بابشع الكلمات والمصطلحات ناض..هزو لقاها تتصوني عليه ابيل فيديو..تما تما توgض مشا يججري للدوش لي عندو فالبيت..غسل وجهو بالجهالة وصاوب شعرو شوية..هبط تيدردب مع الدروج..خرج للجردة وهو يهز واحد الكاس ديالقهوة كان تما من عصر الجاهلية..ابتاسم باتساع وهو يفتح الفيديو
زاك:حبيييبتي
هي:(مخنزة)يعطيك حبة يا ولد الحرام مخليني جوج سوايع وانا نصوني وتقطع عليا من الفوق يااك!.. اجي ياكما كنت ناعس؟ gول يا ولد الحرام gول الساعة راها عندك الطناش وباقي ناعس لمك ياك
زاك:والا اما لا شوفي راني فقت قبيييلة درت الصبور ودوشت وهاني هابط نفطر فالجردة شوفي هاهي القهوة(وعلا داك الكاس)باقية سخونة(شرب منها جغمة وهو فيه البكية حيت مداقها غريييب وباينة بالو فيها المشوش والكلاب حتا شبعو)بنييييينة صاوبتها كيف كتبغي يالعمر ديالي
ماماه:امم ايوا الله يجعلني نتيق شوف شوف غدا بغيتك تكون عندي مبغيت لا كلمة لا جوج ياتجي يا نسخط عليك دنيا واخرة
زاك:(مصدوم)واما واش تصحابلك راني ساكن غا حداك فالدورة راني دابا فروما كيغندير نوصل عندك غدا
ماماه:(غوتات)اش راك دير فايطاليا يالبرهوش ماشي راك فروسيا! اويلي وحدي اويلي gالك مشا يخدم وهو راه ماشي غي يتسارالي  فبلدان الكفار اويلي وحدي ياربي ياربي راك شاهد عليه كي راه يعدبني ياربي
زاك:(تيهمس)وا حصلة هادي(هدر تيحاول يهدنها)صاف اما صاف صاف غدا نكون عندك صاف صاف يالله تهلاي فراسك بسلامة
ماماه:(ضحكات بانتصار)هه بسلامة احبيبي(وقطعات)
تنهد بحال ايلا هاز هموم الدنيا..شوية وهو يتفكر ديك القهوة..مشا تيجري دخل للكوزينة بقا شلل يا ما شلل فداك الفم ..طلع لبيتو..خدا دوش خفيف ولبس تريكو بالكول فالكحل مع سروال تجين و صباط طالع فالكحل..نشف شعرو وطلعو الفوق..رش من ريحتو وهبط لتحت..دار القهوة فالالة ديالها وبقا يستناها توجد..شافها تعطلت وهو يخرج داير بناقص..ركب فلوطوتو من نوع فيراري حمرة وكسيرا..داز على واحد السناك خدا فطورو وكلا على خاطرو..تفكر وهو يجبد التيلي قطع البيي للمغرب العشية..صدعوه واحد الجوج تيتغاوتو وهو يدور عندهوم ناوي على خزيت..بانتو واحد البنت جامعة شعرها الكحل سفنجة ووتهضر مع واحد الولد..بقا تيشووف فوجهها البريء ولي مفيه حتا نقطة ميكاب.. عويناتها الرماديين وشفايفها المنفوخين..سها فيها لعدة لحضات ..توgض وناض خرج..ركب فلوطوتو وكسيرا لواحد الغابة باش يتسلم شي شحنات ديال الاسلحة وهدا هو السبب باش جا لايطاليا وحيت روميرو متيتيق فحتا حد من غيرو سيفطو هو..كمل الاستلام وخلا لي gارد يتكلفو بالباقي..عاود مشا لدارو..سيفط لروميرو مساج بلي غيمشي للمغرب..وبدا يوجد فحوايجو...