🖤البارت4🖤
اصبحنا واصبح الملك لله
فاقت رؤى على السبعة..غسلات سنانها وتوضات..صلات ولبسات حوايجها لي عبارة عن قبية مفضفضة فالكحل مع توني قصير فالgري..تقيشرات صوفر طالعين وصبادري fila بيضة..جمعات شعرها سفنجة مزيرة وهزات كارطابها فضهرها ومشتها حاطاها على كتفها..نزلات للكوزينة..كلات ووكلات مشتها وخرجات..لقات لؤي عاد وصل وخارج من اللوطو رانج روفر فاللبلو ماغين..وصلات عندو..باسها من حنوكها وركبو..وصلو للجامعة وتفارقو..بحكم مديرينش نفس التخصص وكل واحد وقسمو..قراو حصصهم كاملين وخرجو بجوجهم مع الوحدة..مشاو لواحد السناك باش يتغداو حيت يقراو مع العشية..شدو واحد الطبلة فالقنت وgلسو فيها
لؤي:(حاط يدو على كتف رؤى وحاضي التيلي ديالها لي تتبقشش فيه)امم شكون هاد سفيان
رؤى:تيقرا معايا
لؤي:شنو راه يgولك
رؤى:اغا داك النهار فاش مجيتش gلتلو يديرلي فوطو كوبي على المحاضرة دالفيزياء
لؤي:صاف متهدريش معاه انا نعطيك راه عندي
رؤى:(شافت فيه)راه معندناش نفس الدروس واصلا كنقراها انا باللونكلي واش نسيت
لؤي:(معصب ومتيبينش)ايوا معليش كيف الفرنسي كيف لونكلي لمهم متهضريش معاه
رؤى:(غمضات عنيها)يااا ربي السلامة(عنقاتو بالجهد)واش متتعياش من هاد الغيرة(علات عويناتها فيه)راك نت هو الصديق الوحيد ديالي واغلى ما عندي واحلى اخ فالدنيا عمري نبدلك ديرها فبالك
لؤي:(ابتاسم بحرقة)اه عارف واش كل مرة خاصك تفكريني
رؤى:(ضرباتو لصدرو بشوية)ايوا مزيان بعدا ملي عارف(بعدات عليه)ها هي الماكلة جات علف علف راك قاري ربعة السوايع لعشية
لؤي:(تيهز فالفريت)حتا نتي راك قارية ربعة السوايع
رؤى:(ضربات على جبهتها بكف يدها)اااه حقا نسيت نااري ناري مزيا فكرتني كنت غنمشي بلا منgولهالك
لؤي:فين غتمشي
رؤى:احم شوف شوف غي بالشوية عليك تهدن تهدن ومتعصبش خليني غنشرح ليك واخا
لؤى:(زير على يديه حيت بدا يفهم اش غتgولو)اش غتشرحي
رؤى:(دلات قنوفتها) وا تهدن رك تتخلعني فاش تتعصب
لؤي:(غمض عنيه تنفس مزياان وحلهم مبتاسم )يالله gولي
رؤى:اووه دبا مزيان واخا رني عارفاك يالعفيريت معصب من الداخل امم امم ياك ياك
لؤي:(غوت خلعها)رؤؤؤى
رؤى:صاف صاف شوف راه العشية عندي الطيارة للمغرب وغناخد الادن باش نخرج من الجامعة مع الربعة
لؤي:(عنيه حمارو)علاش مكلتيهاليش من قبل
رؤى:واللهيلا جاتني على غفلة راه جدة صونات عليا البارح gالتلي رها مريضة وبغاتني نمشي عندها وانا منقدرش نخليها خصني ضروري نشوفها
لؤي:(جا نايض)واخا بسلامة
رؤى:(تبعاتو تتجري) لؤي..لؤي وقااف(gبداتو من يدو وضوراتو لعندها)دبا علاش راك معصب غا gولي
لؤي:منيش معصب
رؤى:ودوك العنين ولاو كي العافية غا هكاك
لؤي:دبا خليني وسيري رها غتفوت عليك الطيارة
رؤى:متخافش الطيارة عندي حتال الستة.. وا دابا واش غتخليني نمشي ونتا مقلق عليا..ويلا صراتلي شي حاجة لا قدر الله غتكون بسبابك..غتجيني شي سكتة قلبية ولا غنسخف..اييه حقا نقدر gاع ندخل فغيبوبة وهدشي كامل غا بسبابك نتا ومغتسامحش راسك حياتك كاملة حيت ضيعتي بنت بحالي
لؤى:(زير على عنيه)يا ربي السلامة يا ربي(جبدها عندو عنقها وزير عليها حتى كان غيفلعصها)لوكان gلتيهالي من قبل كنت غنعلم الواليدة ..ركي عارفاها متتخليني نفوت حتى حصة من بعد ديك المصيبة.. دبا نتي واش متستاهليش القتيلة نتي
رؤى:(بعداتو عليها بالكشايف)اصاحبي واش راني ماشية للصومال راه ماشية عند جدااتي تشبعني بعدا غا كسكسو وطواجن ونتا مللي تلاقيتك وانا ناكل غالماكلة الصفرة كي وجهك
لؤي:يااك لمك علاه شحال ناوية تgلسي تما
رؤى:غا شي خمس ايام ولا ستة
لؤي:(وسع عنيه) غاا خمسة ياك ياك غا خمسة لمك واgولي سيمانة وهنينا
رؤى:نااري متتقاداش اصاحبي متتقاداش
من بعد العديد من المشادات والمدابزات والمعايرات مشاو يقراو..خرجات هي مع الربعة من بعد ماخدات الادن من عند المدير و مشات لدارها توجد راسها
أنت تقرأ
🖤كَئِيبَتُه🖤
Aksiهاااي gيرلز👋 بعد العديد والعديد من المحاولات وكتب هادي ومسح هادي😖 قررت اخيرا انني نكتب هاد القصة لي غتكون اول قصة ليا،كتشمل كل من #الغموض #الإثارة #الهوس والكثيير من #الحب و #الرومانسية لأصحاب الجفاف العاطفي (اوف كورص انا وحدة منهم) المهم تنتمنى...
