🖤كَئِيبَتُه🖤

💫البارت6💫

🖤البارت6🖤
مشات للدار..جبدات فاليزتها ووجدات فيها حوايجها..لبسات قبية بيضة عريضة حد الفخاد مع شورط قصير متيبانش..تقيشرات طالعين فالبيض وفانس كحلة..طلقات شعرها ودارت ساكادو فضهرها..دخلات نيرو فالقفص ديالها وجرات فاليزتها..خرجات من الدار سورتاتها مزيان وخدات طاكسي حيت اللوطو مكاين لي يردهالها للدار..وصلات للمطار دارت الاجراءات كاملين ودخلات للطيارة..دارت لي كيت وردات القب على راسها..جات بلاصتها حدا السرجم..تكات عليه وغمضات عنيها تتسنا الطيارة تقلع..حسات بشي واحد gلس حداها ريحتو عطات فالمكان كامل..معارتوش اهتمام وgاع مشافتش فيه..بدا التيلي يفيبري وهي تجبدو لقات لؤي مصوني عليها ابيل فيديو
لؤي:(ملامحو حزنانين)توحشتك من دابا
رؤى:(ابتاسمات)هه توحشتك كتر..ماشي راك قاري دبا؟
لؤي:gلت للمدير راه واجعني راسي وخلاني نخرج
رؤى:يالعفيريت الكدوب دياولك مكيتسالاوش
لؤي:شكون gالك راني نكدب راه نيشان راسي يوجعني
رؤى:ايوا شرب شي كنينة ورتاح مع راساتك
وهو يطيحلها التيلي تحت الكرسي..تحنات جبداتو ومسحاتو
لؤي:(خنزر فيها)اش دكشي لابسة
رؤى:(حمرات فيه)مال مك
لؤي:(جمع قبضة فيدو)دوك الركابي كنgول لمك متبقايش تعريهم واش بغيتي نجي عندك لتما نديرلك شي فضيحة يا ربها غدي تهبلني هادي
رؤى:(ابتاسماتلو باستفزاز وهدرات بالالبانية باش هداك لي حداها ميفهمش)qij ju bushtër☺️(سير ت*ود العتروس)
لؤي:(شاف فيها بصدمة)راك تعايريني يالكلبة !مبقيتيش كتحشمي ياك لمك ياك ايوا حتى نتلاقاو ونتفاهمو
رؤى: ايوا لي حشمو ماتو اولدي شوف شوف سلملي على ماماك وتهلا فراسك خاصني نقطع راها الطيارة قلعات غير نوصل نصونيلك (دارتلو بوسة فالهوا)بسلامة
لؤي:بسلامة المجنونة
ردات الكرسي لي gالسة عليه اللور باش تكا حيت المكان واسع بحكم انهم فدرجة رجال الاعمال ولمحات هداك حداها كيحاول يخبي الضحكة ديالو..مداتهاش فيه ..دارت اللعبة ديال البيانو وبقات تتلعب فيها باش دوز الوقت..حسات بيه تيهدر وهي تنقص الموسيقى
رؤى:(بلا متشوف فيه هدرات بالايطالية)gلتي شي حاجة
هو:خصك طفي التيليفون متلعبيش بيه فالطيارة
رؤى:(معجباتهاش النبرة دصوتو)امم ومديهاش فراسك
هو:(تبسم)غا نصحتك حيت باينة اول مرة تركبي فالطيارة ومزال معرفتي القواعد والقوانين ديالها
رؤى:(هنا عصبها صاوبات gلستها حايدات القب وخنزرات فيه)نتا لي معارفش القوانين ديالها حيت اولا وقبل كل شيء خاصك تحتارم الشخص لي gالس حداك ومتصدعوش وتسببلو الازعاج وتانيا انا راه دايرا للتيليفون المودافيون منحتاجكش تgولهالي وتالتا غتبلع فمك وتهنيني ولا نعيط للموضيفة تبدلك البلاصة من هنا(بالداريجة)تفو على بنادم
زاك شاف وجهها تصدم حيت شافها gبيلة فالسناك ملامحها مبغاوش يتمحاولو من البال وعاد من الفوق هي مغربية
زاك:تفو عليك نتي
رؤى:هه الاخ مغربي والصراحة مبيناش عليك
زاك:(دافع كبير)عارف بلي انا زوين بزاف
رؤى:راه حيت ممربيش متتبانش عليك ولد البلاد
زاك:(خنزر فيها)كون شفتي راسك
رؤى:(ردات الكيت لودنيها وتكات)صافي سكتنا خليني ننعس متهدرنيش
وفعلا غمضات عنيها تواني وغفات..زاك بقا حاضيها وتيتامل فيها لي شافها دبا ميgولش هي لي عاد كانت شاعلة وتتغوت..مد يدو لشعرها وبقا متردد يحطها ولا لا..تشجع وبقا تيتلمس فشعرها المموج..حايد شي خصلات من على وجهها وبقا تيفوت ابهامو على عويناتها..حنوكها.. نيفها وشفايفها الورديين..نعل الشيطان وهو يجمع يديه عندو..حيت ايلا فاقت ولقاتو حاطهوم عليها غديرلو شي فضيحة..غمض عنيه وحاول ينعس لكن مجاهش النعاس حيت عاد فاق مع الطناش..جبد التيلي ديالو تيلعب فيه..سوايع فاتو وهي تعلن الطيارة على هبوطها على الاراضي المغربية..بقا تيهزهز فيها باش تنوض وهي ولا من مجيب تgول ميتة..gبدها من كتافها ووقفها عاد توgضات وفاقت..سgدات شعرها وهزات ساكها وفاليزتها..كانت الساعة الطناش دالليل..دازت على البلاصة دالحيوانات وهزات نيرو..دخلات للمطار ولقات واحد الراجل هاز سميتها فواحد اللافتة..مشات عندو عطاتو الحوايج يجرهوم وبقات تابعاه..وصلو لواحد الداسيا لوgان وهو يفتحلها الباب باش تدخل..يالله حطات رجليها وهي تحس بشي واحد جبدها..دارت لقاتو زاك تينهج
زاك:هناري هناري شحال تتزربي غي غمضت عيني لقيتك طرتي
رؤى:(تتضحك على منضرو)هه ولاش جاي عندي اخويا
زاك:(خنزر فيها)ماشي خوك انا وعلاش جيت عندك بغيتك تعطيني نمرتك
رؤى:هه وعلاش غنعطيهالك (زيرات عليها)اخويا
زاك:وشحال عنيدة يالمك(خطفلها التيلي من اليد صونا على راسو وباسها من حنكها)هه بسلامة
ابتسمات وهي تتشوف فيه تيبعد ومرة مرة يدور يلوحلها بيدو..بقات تتشوف فيه بجمود وملامحها متغيروش..دكريات رجعولها مع هاد الموقف لي صرا دبا..يالله جاو يتغرغرو عنيها وهي تبلعهوم بالجهد وعلات وجهها الفوق..نشات على عنيها بيديها وركبات فاللوطو..صونات على لؤي هدرو شوية وهما يوصلو للفيلا..نزلات ومشات تتجري..دفعات الباب وهي تدخل..لقات جداتها واقفة صحة سلام لابسة عباية فالزرق بارد بحال عويناتها وتتهضر مع الخدامة..مشات رؤى على صباع رجليها..دارت للخدامة اشارة بعنيها باش تسكت..وصلات مور جداتها وهي تحط يديها على عنيها وبقات ساكتة
الجدة:(ابتسامة رقيقة)الحاج يديك بحال ايلا رطابو
رؤى طلقات منها وهي ترجع اللور خارية بالضحك وتتشهق وتفركل وتضرب ففخادها..الجدة دارت شافتها وهي تطلق حلوقها بواحد الغوتة عالمية..مشات تلاحت عليها وبقات تعنق وتبوس وتقرص فيها حتى طيباتها بالمزيان ولات طالبة غا الشرع..من بعد ما فلتاتلها من يديها عنقاتها مزيرة عليها وتتبوس فراسها لي معطر بالمسك..والجدة بدات تتبكي وبدورها مزيرة على حفيدتها لي توحشاتها بززاف..رغم انها غبرات عليها غا ربع شهور الا انها حسات بيها ربع سنين..القلب مايشاور..من بعد ماسلاو من التعناق وحايدو الوحش من بعضياتهم مشاو gلسو فواحد الصالة تقليدية..والجدة عاد انتابهت للكسوة ديال لالاهوم رؤى لي gالسة على السداري مشرعة رجليها ويديها ومغمضة عنيها حيت فيها الموت دالنعاس..جبداتها معاها بقرصة للفخد حتى كانت غطيرلها الجلدة..طلقاتها رؤى بواحد الغوتة تسمعات حتى لعند لؤي..بقات تتحك وتسوط على فخدها وجامعة شنيفاتها معبسة
رؤى:(تتغبن)اشنو درتلك اااجدة حرام عليك اوو مزال حتى ماسخنت بلاصتي
الجدة:(مخنزرة)وباقيا زايداها بالهضرة يا السلكوطة؟اشهادشي لابسة لمك..(زادتها قرصة للفخد لاخر)مبغيتي لا تحشمي لا تستحياي..ياك شحال من مرة كلتلك ستري فقارشك ونتي ولا بغيتي تسمعي..(شافت فالسما)يا ربي راك شاهد عليها كي راها تفقسني ومغادي تتهنا حتى تخرجلي المرارة من بلاصتها
رؤى:(طارت عليها gلسات على فخادها وعنقاتها تتسكت فيها)وا صافي صافي اجدة سمحيلي صافي راه غانسيت مغنبقاش نعاودش نلبس هاكة
الجدة:(بقات تدفع فيها)وا نوضي بعدي مني نوضي(شوية جاها الضحك مين شافت لخرى لاسقة فيها كي العلقة مبغاتش تزحزح)ههه الله يعطيك متاكلي يا بنت الحرام غي حصلي ورواحي تخشاي فيا(تنهدات ورفعات يدها بقات تتمسحلها على راسها)