🖤كَئِيبَتُه🖤

💫البارت3💫

                   🖤البارت3🖤
صونا المنبه..فاقت تم تم..بقات تتحك فعويناتها وتتفوه..لقات نيرو فايقة وتتشوف فيها..جبداتها عندها وبقات تعبز فيها وتعنكشها ولخرى عاجبها الحال..مور خمسة الدقايق ديال اللعب ناضت..لبسات بانطوفتها ودخلات للحمام لي عندها فالبيت..غسلات سنانها ودوشات..خرجات بالفوطة ..جبدات السيشوار ونشفات شعرها خلاتو مموج gاع مدخلاتش فيه المشطة..لبسات عبايتها وفولارها..صلات صلاتها ومشات للدريسنغ..جبدات دو بييس..قبية قهوية وتوني فالموطارد مع كونفيرسة..لبساتهم ورشات ريحتها المفضلة..هزات كارطابها و مشتها وهبطات للكوزينة ..وجدات فطور خفيف وحطات لنيرو ماكلتها..فطرات على خاطرها وخرجات..تمشات على رجليها..اليوم الجو زوين وما فيها متصوg..دارت الكيتمان وطلقات موسيقى هادئة..دارت القب وحدرات راسها للأرض..قطرات ديال الشتا تايهبطو عليها وهي مستحلياهم..منساجمة مع الأغنية ومرة مرة تدندن معاها..وقفات قبالة ممر الراجلين..دورات وجهها يمين و شمال..مبانتلها حتا لوطو وهي تقطع..وصلات لنص الطريق وهي تلمح واحد الشاحنة جاية تتجري..بقوة الصدمة مقدرت لا تزيد خطوة لقدام ولا لور..صافي هادي هي نهايتها..رجليها فشلو عليها وهي تتشوفها تتقرب كتر وكتر وصوت تزمارها زايد ويجهاد..وسعات عنيها تتشهد فخاطرها وهي تحس بشي واحد جبدها حتا طاحو بجوج فحافة الطريق..بقات متبعة عنيها للشاحنة مصدومة وعقلها حابس عن التفكير..علات وجهها شافت فالشخص لي نقدها..لقاتو تيشوف فيها مصدوم وموسع عنيه الكريستاليين..جات تنطق وهو يطير من حداها كي البرق..بقا فمها مفتوح وهي تتشوف فيه كيزرب فالمشية حتى اختفى وسط الدروب..غمضات عنيها..استنشقات هواء عمييق..استجمعات قواها وناضت..لقات شي ناس ديرين بيها..شي هاز الما شي تيسول..طمناتهم عليها نفضات حوايجها وزادت..وصلات للبلاكة ديال البuس حيت الشتا جهادت ومتقدرش تزيد على رجليها بلا مضلة..بقات واقفة متكية على واحد البوطو..ساهية وتتفكر فالغريب اللي عتقها فآخر لحظة..عويناتو الزجاجيين عمرو شافت بحالهم..غريبين وفيهم واحد اللمعة خاصة..شوفاتو مبغاوش يتمحاولها من البال..خصوصا ان ملامحو ماغرابش عليها وبحالا فايتة شيفاهم من قبل..كن ماهو كن رها دبا فعداد الموتى.. حسات بالتيلي تيفيبري وهي تجبدو...
لؤي:(بصوت غاضب)ماشي gلتلك تسنايني نفوت عليك عاد نمشيو
رؤى:(بهدوء)وا راه نتا لي تعطلتي
لؤي:لممك راها عاد السبعة ونص وحنا داخلين حتال التمنية..شوفي  شوفي من التالي فين راكي دبا
رؤى:راني فلاغي..ها هو الطوبيس جا غانقطع
لؤي:والله و..
قطعات عليه وهي تركب..gلسات اللور حدا السرجم..حطات راسها على الزاجة وطلقات العنان لتفكيرها...دقائق معدودة وهي توصل  للجامعة..جامعة روما سابينز..تيلتحقو بيها غا المتفوقين من جميع انحاء العالم..قرات حصصها الصباحية كاملين..خرجات مع الوحدة وهي تلاقا لؤي..الصديق الوحيد ديالها من ام ايطالية واب مغربي..تيعزها وتعزو بززاف..كان ليه دور كبير باش يخرجها من العزلة والاكتئاب لي كانت تتعاني منو.. طوييل ومفورمي بالجههد..عويناتو زورق وشعرو رطب كحل وداير لحية خفيفة..هو الشاب الاكتر وسامة وشعبية فالجامعة..لكن رغم دلك متيعبر حتا وحدة..ديما مخنزر  وغي تيقمع..الا رؤى..صديقتو وختو وحبيبتو..تقيسلو فعينيه وهي لا..ممكن يقتل على قبلها..
ماشي عندها مخنزر ومعصب
لؤي:(شدها من مرفقها)فين كنتي
رؤى:(شافت فيه)كنت تنقرى
لؤي:قلبت عليك فلي كلاس gاع ملقيتكش
رؤى:وا راه غمشفتنيش
لؤي:مرة خرى غتسنايني حتا نمشيو بجوج(زير عليها)واخاا؟
رؤى:(تتجبد يديها)صافي واخا وا غا طلقني ازمر
لؤي:(طلق منها وتمعن فوجهها مزياان.. جبدها عندو عنقها خاشيها فصدرو مزير عليها)متبقايش تلفي عليا..بقاي تستنايني
رؤى:(ابتاسمات وبادلاتو العناق)واخا واخا 
ابتاسم وgبدها من يديها تيتمشاو..كلشي حاسدهم دراري وبنات..جايين كوبل زويين وكيوت خصوصا انهم بجوج عاطيين للعين بززاف..خرجو من الجامعة حيت بجوجهم مقاريينش العشية ..مشاو لواحد الريسطو تغداو..تمشاو على الرملة شوية حتا ضلام الحال ودازو لواحد الكافي..طلبو اش بغاو كلاو وخرجو..وصلها لدارها عنقها وباسها من راسها وزاد..هي دخلات بدلات حوايجها..جبدات البيسي خدمات شوية حيت خاصها تنجح هاد العام باش تقيد فكلية الطب..حلم لازمها تحققو..ماشي على قبلها انما على قبل شخص كان تيتمنا هدشي..حلمو بزوج لكن بوحدها غتحقق وغتنجح..افكار تداولاتها فعقلها قبل ميديها النعاس وتخشى ففراشها معنقة مشيشتها...