# رواية: مسارات حياتنا تتغير
# للكاتبه :الوتين
حقوق النشر محفوظه للكاتبه✋ ،،
# المقدمه 💞
ريفال بصوت واطي:نوضي ع اساس نبو الحمام قلقت الهم 😪
نور :تي اسكتي اهو بتم خلاص
ريفال متكيه ع الكرسي :وووه ماتم لين يتم صبري هالبارده 🙄
نور حاطه صبع ع جنب راسها :صحصحي وافتحهيولي اهوا كويس نبيك بعتالي
ريفال حطت يد تحت خدها :شنو في
نور تواسي في وشاحها :في الاستراحه مش تو
ريفال رجعت اتكت :ملا لما اتكمل نوضيني
نور هزت راسها بهزوه :باهي باه
،،،،،،،،،،،،،،،،،،،،،،،،،،،،،،،،،،،،،،،،،،،،،،،
تالين قايمه سروالها وتتزحلق وفي يدها المكنسه :هههه تي صقع عليك رشاقه وموهبه مكاني اشهر صالة تزلج اني 😌
تماره تضحك بالصوت وقعمزت :هههه و ط ي سقف احلامك ههه هدا لا يطيح ههه اعليك
تالين قلبت اعيونها وقعمزت جنبها :تعرفي والله انحس ان عندي مواهب حرام تندفن هكي
تماره تعجب فيها ومعوجه فمها :نانانا
تالين تفكر:والله حرام ندفنها تو كان هدا راني مشهوره توا ومش هدا مكاني وتلف بيدها ع الجنان كله لا وزي البنقلا اه يادنيا
تماره تدربك ع السطل :دواره طبعك دوم غداره
تالين تصفر :وشلون شلون دنيتنا هم وقهر خلتنا يادنيا دواره
تماره منسجمه معاها وتلحن :يادنيا دواره
تسنيم قعمزت جنبهم :سن نغني ني معاكم
تماره تعصبت:تي نوضي ياقرده شوفي حوايجك كيف اتبلو !!
تسنيم كشرت:اهو اتي كلك مبتوله
تالين زرتها الضحه:كلها شني
تسنيم :انتي سن دخلك وطلعت لسانها وهربت
تالين تعصبت ولحقتها :تي تو نوريك يانص نصيص طلعلك السان هو انتي وبديتي اتنابشي 😤
تماره تجبد فيها :تي غير هدي ياابو شهاب وتضحك
تالين دفتها :النبي ابعدي وانتي ضحكتك تقول فيفي عبدو
تماره تضحك :ملا انتي زي من
تالين فتحت شعرها :اني طرف واحد مافيش مني تنين
تماره لوحت السطل ومن غير قصد جي ع رجل تالين
تالين حستها عيطت بقوا:احييييييي😭
صوت من خلفهم يتكلم و فاير دمه وعاض ع سنونه:تي سكري فمك لانجي نخربلك وجك وانتي صوتك يجيب من الشارع
تالين بخوف :يما بسم الله هدا من وين طلعلي
تماره ترعش:هاادي مااديرها الا تسنيم الكلبه هييي جاينا يااخسارة جمالك ياتالين يلي بيتشوه
تالين تلفتتلها و تضحك :تي سكري حتي في موقف هدا تتكلمي ع الجمال
تماره تفنص ومستاكه:حي عليا حي
تالين تي خيرك عمك وفجاءه عيطت:اييي تي منو الكلب اهوا حووول
نزار:تي تنوريك كلبه اللانتي ع عياطك يلي معبي الشارع تقول هاربه من مستشفي نفسيه 😡
تالين خافت :تي خيرك شعري الهم 😰
نزار جبد شعرها بالقوه وشدلها ودنها :تتكلمي مز وقاعد ماكملش كلامه حسها رتخت وخلاص بطيح تي خير جدك 😰😨
تماره تعيط :ووه اعليا خيرها خزي تو باهي عندك تي تحرك شدها ومشت تجري قربت طوبو الميه
نزار حط راسها ع رجله ويضرب فيها ع الخفيف :تالين تالين نوضي
تماره قربت وتبخ فيها بميه :ووه اعليا خيرها ماتتحركش
نزار😰😰:جيبي رايحه بسرعه
،،،،،،،،،،،،،،،،،،،،،،،،،،،،،،،،،،
في التانويه 🏬
نور تواسي في روحها ع الروشن :قتلك
بسمه بملل: شنوو
نور :شفتي هداكا الاشقراني يلي بيهبلو اعليه البنات
ريفال قامت عيونها فاها :ماتقوليش حتي انتي عاجبك
نور تلفتت:وخيره ياحنه مايعجبني عيون ملونه وشعر اصفر😍
ريفال تعقدت:واك واك وانتو بتهبلو عليه زي خلق ربي مافيهش حاجه زايده غر انتو بتكلبو وهو يسحاب روحه مهند يمشي ومش شايف حد قدامه مش عارفه ع شنو قيمة الخشم بس
نور استكت وتفنص
ريفال انفصلت :خيرك تفنصي شن مش عاجبك ولا اني نكدب
صوت من خلفها يصفق :برافو برافو وشن تاني
،،،،،،،،،،،،،، ،،،،،،،،،،،، ،،،،،،،،،،،،، يتبع
هادي مقدمه وكبداية للروايه في الحلقه الاولي ح تتعرفو ع الشخصيات واعمارهم ،،
لايكاتكم وتعليقات تشجعني علي المتابعة في الكتابه قراءه ممتعه ،،
أنت تقرأ
# مسارات حياتنا تتغير
Romanceروايه واقعيه باللهجه الليبيه من كتاباتي 💞 جميع الحقوق محفوظه للكاتبه ✋،
