#رواية مسارات حياتنا تتغير
للكاتبه : وتين
جميع الحقوق محفوظه للكاتبه
الحلقه «التاسعه عشر»
مر اسبوعين علي ابطال روايتي كل بطل تغير شئ في حياته في الاسبوعين هادو
تالين وعلاء ''
علاء ماشي جاي ومش عارف كيف يقولها ولا قادر يعرف ردت فعلها اخر شئ قرر يتصل بيها واتصل ع ع الماسنجر مسكر تفكر تماره بعتلها: بست
تماره اون لاين :بسات 😁
علاء:تالين وينها?
تماره:راقده وتليفونها مسكراته واهو جنبي في الدرج
علاء:وليش
تماره:فوتها هكي لما تتكنطي ادير
علاء: من رايك شن يكون ردها ?
تماره:علي شن
علاء:خالتي ماحكتلكمش ?
تماره:تي اختصر شن بتحكيلنا ماقالت شي طيحتلي قلبي
علاء:هو ديما طايح ههه هدا موضوع ومافيه ان اني كلمت امي ونبي نخطب تالين
تماره قرتها واستكت«
علاء:الو
تماره: تبصر
علاء:والله جد خيرك
تماره: اكيد مش مقلب؟ !
علاء:ههههه هو كان انتي هكي صارلك معناتها هيا شن ح تكون ردت فعلها 😂😂
تماره :تي وربي مامصدقه حيي انت وتالين صدمتني السراحه ههه
علاء:اسمعي نوضيها بااي طريقه الخميره هادي
تماره:ايح تبيها تلزني وتسكر الدار
علاء:باهي كيف ندير اني
تماره:اصبر لين تفيق بروحها خيرلك بيش تكون رايقه
علاء:تمام لي ريحكم مهم اي شي كلميني
تماره:تم ياقلم
علاء:هههه سلام
بعد تلاته ساعاات الاب ابراهيم ونزار ع السفره يتغدو، ،
الام زينب "بخصوص وسيم يلي متقدم لي تالين بنقولهم مافيش نصيب
نزار حط الكاشيك:واعلاش؟!
الام:خلي نكمل اكلامي
نزار:كملي يام
الام:في موضوع تاني بناخد رايكم فيه ويلي هو ان اختي تبي تالين لي علاء كلمتني وقالتلي خودي رايهم وردي اعليا وقبل لا نفتح الموضوع مع البنت اعطوني رايكم
الاب: ادا كان انتم عارفينه وكويس ماعنديش مانع والاهم رايها
نزار: هو مافيه شي والقريب خير من يلي متعرفاشي وان شاء الله خير
أنت تقرأ
# مسارات حياتنا تتغير
Lãng mạnروايه واقعيه باللهجه الليبيه من كتاباتي 💞 جميع الحقوق محفوظه للكاتبه ✋،
