رواية : مسارات حياتنا تتغير
للكاتبه: وتين
جميع الحقوق محفوظه للكاتبه .
الحلقه الثانيه عشر 💞
سمر فقت من شريط ذكرياتي لي عايشه اعليه علي صوت دق الباب مسحت دموعي وقعمزت:خش مني
علاء: اني خيرك 24 ساعه حابسه روحك في هالدار
سمر نزلت راسي : وشن بندير باهي مكسده بروحي
علاء قعمزت جنبها وانشفشفلها في شعرها :واني وين امشيت يامنكديه 😂
سمر نحوله في ايديه :بعد من اعليا شن صغيره تشفشفلي في شعري 🤭
علاء:هههه اي عجوزه عارفك 😂
سمر ضربته بالمخده :عجوزه في عينك ياشيباني ☺
علاء:هههه غير تسمعي تنوضي نطلعك ونغيرلك جوك شن رايك 😊
سمر فتحت فمي ووقفت ورجعت قعمزت : غير استني دقيقه وحطيت يدي ع جبينه لا حرارتك تمام شن جاك وخيي ملا😂
علاء وقف وحدف اعليا المخده :الحق مش فيك الحق اعليا اني الكلب يلي نبي نغيرلك جوك يامنكديه اقعدي فاها هي 😑
سمر جريتله وشديت يده :هههه غير اصبر ياودي انبصرو وانت بكل مش متحمل بصاره من حد 🙄
علاء:حولي باه ماصارليش
سمر :غير هيا وراس وخيي والله جت فاها النيه الطلعه ولنبي والنبي
علاء دفيتها بشويه : وتي روحك عشر دقايق ماتطلعيش تلقي الا غبرتها السياره 😁
سمر نضت نجري ونطلع في حوايجي بسرعه لين نسمع فيه يبيب :ماصح وجهك ياعلاء خزيي والله يبيني نطلع مبهدله تيي اووف مش وقت لبسات بكل لبست عبايه ووشاح وطلعت
علاء:طيب فينا لي جيتي 😑
سمر :ماصح وجهك حتي العشر دقايق مافاتوش
علاء: هي باه وانتي استانستي
سمر شدت ضحكتها 😁
علاء شبحلها :ربي يشفيك وخلاص
سمر: امين واجمعين 😂
علاء: قتلك تراا رني اعلي خالتك ولا وحده من بناتها شوفيهم في حوشهم ولا
سمر شبحتله بصدمه وبعدها اطربقت ضحك : واني انقوول شن هالكرم المفاجيئ يلي انزل اعليك اتاريك عشانها خزيي يامعفن واني نقول واخيرا حد حس بيا😂
علاء تحشم ويوخر في شعره : سكري فمك عن يجيك كف تراه 😂
سمر :ووه اعليا اني المسكينه يلي صدقت 😂
علاء : باهي فهمنا تمسكتي ولا انروح بيك هي
سمر شديت روحي بالسيف واتصلت بتالين :هههه مقفل 😂
علاء رقاله : رني ع خالتك 😑
سمر اهو تماره اكيدا مفتوح ونقصت صوتي شكلهم متعاركين وجايبني واسطه
علاء:سمعتك وكيف بيضربها
سمر : الوو
علاء بعد ويتحلف فيها بعيونه
سمر :😂اا الو تماره شنجوك
تماره : ياهلا عاش من سمع هالصوت
سمر :تماره شنجووك وشن جوو تالين 😁
تماره : تمام التمام وتالين في الحمام
سمر :هههه وتليفونها ليش مسكر
تالين : مطفي مافيشي شحن
سمر : امم تمام ع المهم اني جايتكم في الطريق
تالين :الله حقا والله استاحشناكم
سمر :اي جيت بروحي اني
تالين :وخالتي خيرها ماجتش حتي هيا
سمر :اني طلعت وخليتها راقده علاء اصر اعليا شي الا تمشي 😂
علاء بصوت واطي :اني الي مزال نطلعك باهيي
تماره تضحك : هههه تمام يلا نستنو فيك
سمر :ماشي هيا باي وسكرت
علاء :مش ضروري هو راه كل شي نقوله تعاوديه
سمر :اهئ شن قلت اني سكتت هاه
....
عند ريفال
كنت نكلم في ايمن وكان لينا مده نكلمو في بعض واخدينا ع بعض وبدينا في كل يوم وكل شوي لازم نتكلمو ونهدرزو واني كنت في الدار نتكلم بصوت واطي وبابا ورامي وماما يتغدو في الصاله
ايمن :استاحشتك الهم
ريفال :هههه وحتي اني
ايمن :كيف الراي باه
ريفال:ساهله اصبر لا يوم الاحد
ايمن :تي شن بيصبرني نقولك مستاحشك
ريفال: ههه ياروحي باهي شنو الحل
ايمن :نحبك
ريفال : وحتي اني هههه
ايمن : لا قوليها نبي نسمعها
ريفال: ايمن عاد 😅
ايمن : والله مافايتك لين تقوليها 😏
ريفال : ن ح ب ك
ايمن : وصليهم ياشاطره 😉
ريفال : ااف مبردك
ايمن : وراس ريفال تقوليها
ريفال غمضت عيوني وخديت نفس :انحبك 🙊
وفجاءه ينفتح الباب بالقووه
...............يتبع !
أنت تقرأ
# مسارات حياتنا تتغير
Romanceروايه واقعيه باللهجه الليبيه من كتاباتي 💞 جميع الحقوق محفوظه للكاتبه ✋،
