# مسارات حياتنا تتغير

الحلقه الاخيره 💞

رواية مسارات حياتنا تتغير
للكاتبه : وتين
جميع الحقوق محفوظه للكاتبه 🤚
الحلقه الخامسه والعشرون والاخيره 💞

ام ايمن : بنت شن يحليلي وبتضيع منك كيف

ايمن متوتر : امي ارجوك ارجوك تسمعيني اني البنت نبيها ونحبها ومش ح نسمح لي حد يوقف في وجهي وكان علي موتي

ام ايمن : بلاش كلام زايد واحكيلي شن فيه ووين القيتها هادي

ايمن بدي يحكي لي امه يلي صار
.
.

تالين : تماره بنسألك

تماره عيونها في تليفون : شنو

تالين : هكي هو يلي يبدا يبيك ويحبك ح يقعد ديما هكي امعاك ولا بالبدايه بس 😕

تماره ضحكت : هما هكي في البدايه يهتمو ويسالو وغير شن تبي يلحسولك عقلك وبعدها يبدا الفيلم المعتاد متعهم 😂

تالين : وحتي علاء هكي 😢

تماره : ياحبيبتي هكي هما الشباب بصفه عامه مانميزوش حد بس علاء الله يعلم انتي غير سمي بسم الله وشوفي خيره من شره الولد 😂

تالين : قالي انحبك ☺

تماره : اي هادي قديمه 😂

تالين : مابردك 😒

تماره :قصدي احني نعرفو ان يحبك كان هدا ليش بيخطبك 😉

تالين :🙊اي صح

تماره : قوليلي شنو رديت اعليه 😁

تالين :قلتله تسلم 😊

تماره : عطك دا ماتلقيله دواء ياتالين 😂

تالين : سكري ريته فيك 😒

تماره : يناري اعليك ياعلاء كمية جفاف مش طبيعيه 😂

تالين : باه شن تبيني نقول 😒نكدب يعني

تماره : ليش تكدبي مش انتي تحبي 🤔

تالين : طبعا لا مش لدرجه هادي

تماره : واعلاش موافقه اعليه 😶

تالين : لانه هو يبيني ☺

تماره : محقرك عنجد هدا كلام باه سايريه ع الاقل 😒

تالين : عادي اهو قتله تسلم 😊

تماره هزيت راسي ورجعت اتكيت :دبري راسك 😑

تالين : تي مش ح نقولها هكي بالساهل خلي يتعب اعلاها ☺

تماره :🤦‍♀️🤦‍♀️🤦‍♀️

تالين : هههه عادي عادي

.
.

عند سمر

كنت متكيه ومركبه السماعات ونعاود في محادثات مصعب رن تليفوني اكتر من مره برقم مش مسجل عندي حطيته في الحظر وكملت