# مسارات حياتنا تتغير

الحلقه السادسه عشر 💞

رواية :مسارات حياتنا تتغير
للكاتبه:وتين
جميع الحقوق محفوظه ✋🚫.
الحلقه السادسه عشر

يوم جديد وشمس جديده علي ابطال روايتي ،،

ريفال : طول اليل وهيا تبني وتهدم في الافكار وتفكر لو ان وافقت تكلمه شن بيصر ولو فاتته شن بيصير ،،

نور: تحاول تقنعها باي طريقه تببها تعرف مغزي ايمن من الموضوع،،

تالين طول الليل وهيا مضايقه ومارقدتش ناضت توتي قي روحها وتليفونها مسكر ماتبيش تضعف وتتصل بعلاء لانه اهتمامه الزايد بيها خلاها تتعود اعليه وعلي ازعاجه ويلي هو اهتمام من نوع تاني وحست بي فقدانه و مرات تقول ان مجرد هدرزه وتفويت وقت وبس ،،

علاء: هدرزت مع تماره وقتلي شن صار واني بدوري قتلها تو نتصرف اني بس الكلام بينا مافي ولا بني ادم يعرف بيه،،

تماره:بعد حكيت مع علاء حسيت انه جدي ومهتم بالموضوع بس كلامه كله كان مبهم و غامض ماوضحش تصرفاته ليش ولا قال شنو يبي يدير ،،

سمر ك كل لليله دموعها ماتفارقهاش 6 اشهر مرت اعليها كانها6سنين طويله وبائسه بكل ماتعنيه الكلمه اليوم هو دكري تاريخ الموعد المحدد يلي بيجي في مصعب يخطب سمر بعد ردوه المره الاولي جي مع بوه وعمامه وجابلهم رجاله معروفين بكلمتهم رجعت بداكرتها لي هاليوم

قبل 6اشهر ،،

مصعب :امتي بتروحي

سمر:شن قلقت مني 😅

مصعب:عينك ياهبله انتي اليوم بالدات مش ح تروحي الا موخر لين نملي عيوني منك

سمر تضحك:تو مش جاينا العشيه شن تبي فيا توا

مصعب:عادي كان نلقاك ديما مقابالتني وقدام اعيوني

سمر:معاش تشبحلها يلي خطمت جنبك ☹

مصعب:اما وحده هادي متع الاحمر

سمر:ركزت حتي ع اللبسه ☹

مصعب:تي هادي تدحنس فوتي موضوعها نشوفش في غيرك انا

سمر:اي رقع توا😒

مصعب:بعدين لما تخف الزحمه نبي نشوفك

سمر:لا لا فكني يبدو يتكلمو اعليا

مصعب:نقصله السانه يلي بيتكلم اغليك

سمر:الناس ماترحمش

مصعب:وهدا علاش بنخطبك وكان نلقي نقرا فاتحه بيش تبدي حلالي وماحد يفتح فمه

سمر:حيي لا لا

مصعب:ونلبسك خيمار وتبدي ماتطلعيش من غير ادني 😍

سمر:خيمار عينك مش لابساته

مصعب:تبيهم يكحلو فيك

سمر:واهو تو يشوفو فيا شن تفرق

مصعب:تو مانقدرش نربطك بخيمار وانتي بنت وحتي اماليك احق مني انهم يقلولك اني لو اعليا من غدوه تلبسي لاكن نبي بقناعتك ان جمالك ماحد يستحق يشوفه غير الشخص يلي يستاهله

سمر:هههه اسمع تو منمشي للدكتوره بنكلمها قبل لا تروح

مصعب:باه قبل لا تطلعي ابعتيلي رساله منركبلك 😍

سمر:حاضر 😂
.
.

تنهدت بقوه ومسحت دمعتها بكف يدها وقامت عيونها فوق وتتنفس بقوه

مصعب :كنت نشوفلها وقلبي نار اعليها مش قادر نديرلها شي مش عارف كيف نتقرب منها ايديا مربوطات وكاسرتني حبيتها من اول ماشفتها كنت نضحك علي يلي يقولو حب من اول نظره لين لقيت روحي حبيتها من اول ماشفتها مميزه بكل شي فيها

،،
،،

في المدرسه ..

ريفال:وواك هيا امتي الاستراحه

نور:انتي امتي متسأليش اعليها افهمي تلاته حصص وبعدهم استراحه عارفه ولاه

ربفال:ملا شن تسحابي معلومه جديده😑

نور:ملا ليش منشفتلي ريقي خلاص

ريفال:باه 😑

شوي وطلعو استراحه

موده جت لي ريفال :ريفال ريفال استني

ريفال:اهلين موده شنجو

موده:بيك احلو نبيك خلينا نوقفو ع جنب

ريفال:ان شاء الله خير 😂

موده:ليش ماتبيش تكلمي ايمن 🤔

ريفال:ليش انتي من قالك

موده:محمد كلمه ايمن يبي يعرف ليش ماكلمتيشي هو ملخبط وحاس بشعور تجاهك اعلاش ماتعطيهش فرصه
ولو انتي في حياتك حد تاني قوليله.

ريفال تنهدت:هو مش قصة في حياتي حد اني مانكدبش اعليك انت تو زي نور اني بروحي حاسه بشي تجاهه ولما طلب يكلمني نكدبش اعليك فرحت وحسيته يبادلني مشاعري بس خايفه مانقدرش نكلمه لي هلبا اسباب ومشاكل ومزال مافيش ثقه ف صعبه شوي

موده بعتت رساله لي محمد انهم يركبو مافي حد :باهي لاكن والله ايمن راهو جدي وماعنداش في جو اللعب وتفويت الوقت وتلمحتهم ركبو وسامحيني راني والله مجبوره

ريفال :علي شنو 😁

موده اني واقفه اهني ايمن يبي يحكي امعاك دقيقه احني موجودين وفي ممر يعني مش بروحكم وهو والله بس يبي يفهم منك اعطي فرصه واني مقابلاتك بنبعد شوي بس

ايمن قرب وعيونه في الارض :السلام عليكم

ريفال حست الدنيا تلف بيها ووجها الوان ومعصبه من الموقف يلي انحطت فيه :انت شن تبي مني 😡

ايمن قام عيونه فاها ومش قادر يوقف كويس :انا من قبل حاس بشي تجاهك خلي نقولو اعجاب نتبع فيك ونشوف فيك وعاجبتيني ماكلمتكش لاني مانبيش نتسرع في اليوم يلي خلاص قررت بنقولك فيه القيتك تتكلمي اعليا
وهدا يلي عصبني واني نبي نعرف مشاعرك تجاهي شنو لانك يابنت الناس خشيتي خاطري ولو في حد في حياتك اعتبريني ماتكلمتش ولا جيت شورك ابدا

ريفال،،،،،،،،،،يتبع