# مسارات حياتنا تتغير

الحلقه السادسه 💞

# رواية: مسارات حياتنا تتغير
# للكاتبه: وتين
جميع الحقوق محفوظه للكاتبه 🤚🚫.
الحلقه السادسه ،،

ريفال:اني نبي نكلم ايمن نبي رقمه يعني او انتي تكلمي محمد من تليفونك ويعطيني ايمن

مسره:عادي شن تبي انتي مافيش مشكله

ريفال:تمام قبل لا تروحي كلميه ونتفاهمو

مسره :تمام 👍

جت نور لي ريفال

نور :خيرك شن تبي منها ولا انا معاش معبيه العين 😏

ريفال ضحكت:غرتي 😂

نور:لا وعلاش غير مانبيش نقعد زي المتوحده في الساحه بروحي 🙄

ريفال تضحك:لا ياغير قولي ماتقدريش من غيري 😂

نور:جاوبي ماتغيريش الموضوع 😑

ريفال تنهدت :نبي نكلم ايمن

نور شهقت:شنيييييي هبلتيييي انتيي ولاا كيييف 😡😡ايمن هدا يلي تتكلمي اعليه راهو يلي خوفك يلي هددك وبكاك من عقلك انتي تو بتكلمييييي

ريفال سكتت

نور:تكلمي ماتسكتيش

ريفال تنهدت:اني مش مكلماته باش نفتح معاه هدرزه اني بنتشكره بس علي موقفه🤦‍♀️

نور :ربي يهديك

ريفال:اجمعين 😏

،،
،،

تالين مقعمزه تحت الشجره ودرجح في رجليها وتفكر:علاء وتنهدت بقوه اه منك ياعلاء شن جابك ليا بس نعطيه فرصه مش ح نخسر شي والا نفوته مشكله مش ح نعرف ادا كان عجبته جد ويبي يتعرف اعليا اكتر ولا بيفوت وقته معاي بس ياتالين علاء تعرفي انتي كويس ماعنداش علي وجيج البنات وقعدت تفكر لين جي في بالها شي

تماره تشوف لروشن وتتأفأف الدور التاني كانو يركبو الولاد علي اساس يبو معامل ومرات من غير لا حد يعرف باش يكحلو في البنات وكان في ولد مقابلها ساكت من غير لا يتكلم هدا مكانه كل يوم يجي ومقابلها لا يبتسم ولا يلوح دوه ولا شي مجرد يشوفلها ومايحولش اعيونه الا قبل خمس دقايق من رنة الجرس تماره كان مضايقها هالشي وخصوصا ان يسحاوبها حتي هيا تقعمز عشانه بس هيا كانت تقابل في قيس قيس يلي مش مدورها بكل اليوم ماشافاتش زي العاده في الروشن اضايقت وقالت لصحباتها انها بتركب بعد شوي بس ينزلو الاولاد
فاتو تلاته دقايق والجرس بيرن خلاص ركبت تماره الاولي وركبو وراها بمسافه بنات
تماره:كنت راكبه ونفكر في قيس وينه اليوم مابانش علي غير العاده واني راكبت تلاقيت معاه نازل يجري ومشي برا طول والاستاد تلمحه وعصب بس مالحقش اعليه ولا عرف من هو ركبت واني مستغربه خشيت الفصل القيت حنين تتبسم شبحتلها وكملت طريقي للكرسي  خشو صحباتها يضحكو ويوشوشو