حكايتنا

البارت السادس

روايه حكايتنا..
فرح كانت نايمه في السرير لحد ما سمعت تيلفونها بيرن
فرح :الو
المتصل:ازيك يا فرح
فرح:مين
المتصل:مش مهم انا مين المهم عايزك تعرفي حاجه.. انتي ليا وملكي انا وبس وإلي هيفكر ياخدك مني هقتلو
فرح بخوف:انت مين بقولك
وهنا اتقفلت السكه فرح حاولت تشوف النمره بس لقتها private number
فرح:ياربي مين دا
.......
عند فريد
قفل السكه مع فرح وهو مستمتع بخوفها دلوقتي رمي الموبيل من ايدو ووقف قدام صوره ليها محطوطه في الفيلا بتاعتو
فريد:قريب اوي هتبقي معايا.. قريب اوي
......
جده فرح صحيت من النوم وراحت المطبخ تشرب الدوا و فرح ساعتها كانت صاحيه..ماجده خدت الدوا بعد كده خدت نفسها وفرح راحت وراها بعد ما شفتها بتاخد دوا
فرح:تيتا انتي كنتي بتاخدي دوا اي
ماجده  بتوتر:لا يا حبيبتي دا مسكن اصل انا عندي صداع جامد اوي
فرح مكنتش مصدقه:متأكده يا تيتا
ماجده:اه يا حبيبه تيتا
فرح:طب ممكن انام جمبك النهارده
ماجده ابتسمت بتعب:تعالي يا حبيبتي
فرح راحت دفنت وشها في حضنها وماجده قعدت تملس علي شعرها لحد ما فرح نامت وهي كمان نامت
.......
جيه تاني يوم
معاذ صحي الصبح جري نص ساعه ولبس ونزل راح علي محل موبيلات اشتري لي فرح نوع موبيل غالي جدا وراح الشركه
فرح لبست ونزلت راحت الشركه ودخلت المكتب قعدت تشتغل ولقت معاذ بيندلها فا رحتله
فرح كانت زعلانه لسه منو عشان كسر الشاشه بتاعه موبيلها
فرح:نعم
معاذ:تعالي ادخلي..خدي
فرح:ايدا
معاذ:موبيل هيكون اي يعني
فرح :موبيل.. لي
معاذ:عشان انا كسرتلك بتاع امبارح
فرح:لا يا فندم شكرا دا شكلو غالي اوي وانا مبقبلش العوض
معاذ: لا دا مش عوض اعتبريه هديه مني
فرح:وهو حضرتك تعرفني عشان تجبلي هديه
معاذ بغضب :تصدقي انا الغلطان اساسا اني جبتلك موبيل بدل الي معاكي.. يلا غوري علي شغلك
فرح بصتلو بغضب و مشيت علي طول ودخلت مكتبها وقعدت تفكر وحست انها اهانتو
فرح:لا انا معملتلوش حاجه هو إلي غلطان مش هو زعقلي امبارح.. بس بردو مكنش ينفع الي انا عملتو و حست بعدها ان قلبه بيدق بطريقه مش طبيعيه
معاذ كان باصص عليها بغضب من الاوضه ولقها بتكلم نفسها
معاذ:عبيطه انا مشغل معايا واحده عبيطه والله
فرح لقت حد بيخبط علي مكتبها فتحت بتحسبو معاذ وهي مبتسمه
كريم:ازيك يا فرح
فرح بحزن:ازيك يا مستر كريم
كريم:الحمدلله..هو معاذ جوا
فرح:اه اتفضل خشلو
كل ده ومعاذ شايفهم وشايط نار وهو قاعد مكانو
كريم:ماشي
كريم دخل لي معاذ لقه مولع نار من الغيظ
كريم:ايدا في اي انت هتنفجر ولا اي
معاذ:اخلص يا كريم كنت عند فرح لي
كريم بخبث :ايدا ايدا ايدا انت غيران ولا اي مفيش يا سيدي كنت بسألها عليك اذا كنت موجود جوا ولا لا
معاذ بيتمالك اعصابو:لا بس مستغرب اي الي دخلك ما انت دايما بتخش عندي علي طول من غير ما تخش السكرتيره
كريم:هعمل نفسي مصدقك
معاذ:عايز اي
كريم:عايزه احكيلك علي حاجه
معاذ:اتفضل
كريم حكالو  كل حاجه علي ليلي وانو ازاي قابلها
معاذ:هاا وبعدين
كريم:بس كدا.. بس انا الاول عايز اتأكد ان إلي في قلبي دا حب مش اعجاب
معاذ: هو انت لحقت تحبها يابني
كريم :حب من اول نظره ياجدع
معاذ بزهق:صبرني يارب هو انت خدت رقم تيلفونها
كريم:لا
معاذ:طب عنونها
كريم:لا بردو
معاذ:اومال هتشوفو بعض ازاي
فلاش باك
كريم:اسمي كريم
ليلي :وانا ليلي
كريم لقها ماشيه
كريم:انتي رايحه فين
ليلي :همشي
كريم:طب هقابلك تاني ازاي واشوفك ازاي
ليلي بأستغراب:وانت لي عايز تشوفني
كريم :معرفش بس انا ارتحتلك اوي
ليلي:بص لو لينا نصيب نتقابل هنتقابل وممكن صدفه تجمعنا تاني..سلام
كريم ابتسملها:سلام
باك
معاذ:يمكن تتقابلو تاني
كريم:تفتكر؟
معاذ:زي ما هي قالتلك لو ليكو نصيب تتقابلو هتتقابلو
كريم:يارب يا معاذ يارب يلا انا رايح اكمل شغل
معاذ:تمم
......
فرح كانت محتاجه امضت معاذ علي حاجه فا راحتلو
فرح:مستر معاذ عايزه امضت حضرتك علي الورقه دي
معاذ مش بصصلها:هاتيها
راحتلو وهو مضي الورقه وادهالها من سكات وهي زعلت بس حاولت متبينش الموضوع
معاذ:خدي الورقه اهي
فرح خدتها وهي خارجه اتفاجأت بي.....
#sohila💜