روايه حكايتنا..
عند فريد واحمد
الرجل:ايوا يا باشا هما خرجو
فريد: طب خليك ماشي وراهم واوعي يغيبو عن عينك فاهم
الرجل:حاضر يا باشا
....
في عربيه كريم
كان قاعد باصص لي ليلي بحب وليلي باصه في الارض من الكسوف
كريم بضحك:ياترا الجزمه حلوه
ليلي:جزمه اي
كريم :اصل انا ملاحظ انك مشلتيش عينك من عليها من ساعه ما ركبتي
ليلي بأحراج:لا عادي والله
كريم:ليلي
ليلي وهي باصه للارض:نعم
كريم: يبنتي ارفعي وشك خليني اشوفك
ليلي رفعت وشها وبصتلو
كريم:بحبكك
ليلي بصوت منخفض :وانا كمان
كريم بخبث:قولتي اي
ليلي:وانا كمان
كريم:مش سامع
ليلي بصوت عالي:وانا كماااان
كريم ساعتها داس بنزين جامد جدا من فرحتو و مشي بسرعه ومسك ايدها وباسها
..
في عربيه معاذ
معاذ كان قاعد مش طايق نفسو وهيولع وهو قاعد مكانو
فرح بخوف:هو في اي
معاذ بغيره وغضب:انتي مشوفتيش الناس كانت بصالك ازاي وانتي خارجه من الزفت الكوافير
فرح بضحكك:طب انا ذنبي اي بس
معاذ بصلها بحب وقال
معاذ بحب:ذنبك انك حلوه
فرح بأحراج:معاذ بص قدامك
معاذ بخبث:لا انا مبسوط كدا
فرح بضحك:وانا مش مبسوطه كدا.. عارف كانو عايزين في الكوافير اقلع الطرحه زي ليلي وباقي البنات بس انا رفضت
معاذ بحب:شاطره يا فرحتي
فرح ببتسامه:بقولك اي
معاذ بحب:عيوني
فرح بضحك:انا جعانه اوي
معاذ بضحك:بس كدا
لف معاذ بالعربيه وراح وقف عند مطعم
معاذ:انزلي
فرح:لا انت بتهزر الناس هناك يقولو اي علينا
معاذ بغضب:يقولو الي يقولوه انا ميفرقش معايا حد
فرح:طب خلاص خلاص نازله اهو
دخل معاذ وفرح وهما قاعدين عند الترابيزه لقو حد بينادي عليهم
لف معاذ يشوف مين لقاه كريم وليلي وقعدو كلهم يضحكو و كريم وليلي راحو قعدو معاهم
معاذ بضحك:يخربيتك انت بتعمل اي هنا
كريم:انا وليلي كنا جعانين فا قولنا نروح ناكل بعد كدا نروح القاعه عادي..وانتو؟
معاذ :فرح كانت جعانه
ليلي بضحك:مش ممكن علي الصدف
طلبو الاكل وقعدو كلو وقعدو يضحكو و مشيو بعدها
....
في القاعه
سميره:انا هموت واعرف اتأخرو كدا لي
امال:انا خايفه اوي علي معاذ وفرح يكون حصلهم حاجه
عز:المعازيم كلها وصلو ما عدا هما
وفجأه لقو معاذ وفرح وكريم وليلي داخلين وهما بيضحكو
كلهم بصو لقو الكل مستنيهم وبصو لبعض و كانو هيموتو من الضحك
امال وسميره جريو عليهم
امال بخوف:انتو كويسين
فرح بضحك :اه كويسين متقلقيش
سميره:كنت فين يا كريم
كريم:يلا بس نبتدي الخطوبه بعدين اقولك يا ماما
سميره:طيب يلا
الخطوبه ابتدت والناس بدأت ترقص مع ليلي وكريم وكانو مبسوطين
فرح كانت واقفه جنب معاذ ومضايقه لأنو مش عايز يخليها تروح ترقص مع البنات
فرح برجاء:عشان خاطري يا معاذ خليني اروح
معاذ بغضب :عارفه يا فرح انا علي اخري من الناس الي بتبصلك وكلها دقيقه واولع في القاعه كلها
فرح :طب لي
معاذ بحب:بتسألي لي يا فرح لاني مش مستحمل حد يبصلك نفسي محدش يشوفك غيري انا و بس.. بحبكك
فرح بحب:وانا بحبكك اوي
....
عند مريم كانت واقفه بعيد عن الدوشه
مريم كانت عايزه ترقص برضوا بس معاذ شدها وزعقلها فا قررت تشوف الخطوبه من بعيد شويه
مريم:انا زهقت يا معاذ حرام بقا الي بتعملو فيا دا بجد كان نفسي اروح مع البنات
فجأه لقت حد وراها بيتكلم
عبدالله بضحك:انتي بتكلمي نفسك
مريم:يوووه هو انا مش هخلص منك
عبدالله ببرود:لا
مريم:انت عايز اي من الاخر
عبدالله في نفسو:عايزك
مريم:بتقول اي
عبدالله:ولا حاجه
ومشي وسابها وهي بصتلو بأستغراب و قعدت تضحكك
مريم بضحك:مش طبيعي والله
......
عند ليلي وكريم
اشتغلت اغنيه سلو وبدأو يرقصو
اغنيه مكتوبه ليك
ليلي مكنتش قادره من الفرحه وكريم بصصلها بحب و فجأه شالها وقعد يلف بيها وهي حضنتو جامد
معاذ راح شد فرح ورقص معاها علي الاغنيه وفرح كانت بصالو بحب وهو كان باصص في عينها ومش قادر يشيل عينو من عليها من حبو فيها
فرح:معاذ الناس بتبص علينا جامد
معاذ:شششش سيبك منهم وخليكي معايا انا
ساعتها فرح حست انها مبقتش في الواقع وحست انها مش سامعه حاجه و مش شايفه حد غيرو
......
كان في واحد واقف بعيد مراقب فرح و معاذ
الرجل اتصل بفريد
الرجل بضيق:يا باشا دا مش عايز يبعد عنها حتي دقيقه واحده
فريد:اتصرف يا زفت انت
الرجل:حاضر ياباشا
الرجل اتفاجأ بحد بيخبط علي كتفو بيقولو:
هو مين دا الي مش عايز يبعد عنها
الرجل بصدمه:...
#sohila💜
أنت تقرأ
حكايتنا
Lãng mạnمتكبر و عنيد لايقف شيئا في طريقه وهي فتاه هادئة وجميله وبسيطه جمعتهما صدفه و كان الحب هو عنوان هذه الصدفه ولكن هل سيتغلب الحب علي جميع العوائق التي تحاول إبعادهم عن بعضهم معاذ:صدقيني عمري ما هتخلي عنك فرح:متأكده
