حكايتنا

البارت الخامس عشر

روايه حكايتنا
معاذ وصل البيت وطلع يخبط علي اوضه فرح بس مكنش في حد جوا
معاذ:تلاقيها نامت زي المره الي فاتت.. انا هروح انادي مريم تصحيها
بعد ما مريم دخلت
مريم :فرح..فروحه ايوا يا عم مين قدك دا انت هتخرج دلوقتي.. يا فرح انتي فين
مريم دخلت الحمام ملقتهاش ودخلت البلكونه ملقتهاش ولقت ورقه مرميه على الارض مريم فتحت الورقه وقرأتها وقعدت تعيط
معاذ كان مش مطمن وحاسس ان قلبو واجعو
مريم خرجت لي معاذ وهي بتعيط
مريم:ألحق يا معاذ فرح اتخطفت
نزلت الكلمه علي معاذ زي الصاعقه مبقاش عارف يعمل اي عينه احمرت وعروقه من الغضب ظهرت بشكل واضح نزل علي الامن الي بيحرسو الفيلا
رجل الامن الاول بخوف من شكله :معاذ باشا في اي
رجل الامن التاني:حصل حاجه يا باشا
معاذ وهو بيبص قدامو عنيه تحس انها هتنفجر قال
معاذ:فرح فين
رجل الامن الاول :مخرجتش يا باشا من الفيلا
معاذ بصلهم هما الاتنين وقعد يضرب فيهم
معاذ وهو بيضربهم:انا مشغل عندي بهايم مش بتفهم وديني لقتلكو
بعدها طلع معاذ للفيلا تاني
رجل الامن الاول :يخربيت ايدك
رجل الامن التاني :دا ثور هايج
معاذ طلع خد الورقه من مريم ونزل ركب العربيه وفتح الورقه لقي مكتوب فيها
"" بص يا معاذ باشا انا عارف ان زمانك دلوقتي بتولع نار وعايز تعرف مين الي خطفها هتعرف قريب بس انا عايزك تتطمن انا بحب فرح وهعاملها احسن معامله لحد ما تيجي انت واموتك قدام عينها وفرح تبقي ليا بس لوحدي وملكي انا وبس... خد بالك هبقي اتصل بيك اوعي مترودش""
معاذ بعد ما قراء الرساله قال:
معاذ:وانا مستنيك بفارغ الصبر انك تتصل
بعد كده معاذ شغل العربيه وطلع ...
.....
في مخزن فريد الطحاوي
وصل فريد المخزن ودخل لقي فرح مرميه علي الارض وايديها ورجلها متكتفه وكان لسه تأثير المخدر مخلصش فريد بصلها بجرأه ونزل علي الارض وقعد يملس علي شعرها الناعم فرح اساسا محجبه بس لما الراجل خطفها مكنتش هي لابسه حجاب.. فريد كان في قمه فرحتو هي اخيرا بين ايديه
فريد: ياااااه يا فرح كنت هموت واشوفك بجد وحشتيني اوي هو بس نخلص من معاذ وهتبقي معايا علي طول ومش هسيبك مهما يحصل
هنا ابتدا تأثير المخدر يروح وفرح كانت بتفتح عينها بصعوبه وكانت حاسه بصداع وكمان حاسه بأنفاس سخنه قريبه منها فتحت عينها لقت واحد قدامها هي متعرفهوش (فريد شاف فرح واعجب بيها وحبها ومره واحده بس الي اتكلمو مع بعض خبطو في بعض وهي قالتلو انا اسفه ومشيت بس هو مفضل متابعها)
فرح بتعب:انت مين؟ انا فين؟
فريد:اولا حمدلله علي السلامه ثانيا انتي في المخزن بتاعي ثالثا بقا و دي الاهم انا فريد
فرح :فريد مين
فريد:انا فريد الي كنت متقدملك وانتي رفضتيني وفضلتي معاذ عليا
فرح بخوف وهي بتبعد عنه: انت عايز اي مني
فريد كان مستمتع بنظره الخوف: عايزك انتي انا بحبك من زمان وعمر ما غفلت عن حبك ثانيه واحده
فرح:انا بحب معاذ وهو بيحبني ومش ممكن نسيب بعض ابدا
فريد بغضب:هتشوفي مين الي هيكسب في الاخر
فرح:معاذ اكيد لكن انت مش راجل عشان تخطفني
فريد كان متعصب جدا ضربها بالقلم علي وشها وخرج وهو في قمه عصبيتو
فرح بدموع:يارب خليك معايا يارب واحميلي معاذ يارب
....
عند معاذ
وصل العماره الي ساكن فيها طلع خبط واول ما فتحلو قال
احمد بأستغراب:معاذ باشا ..خطوه عزيزه
معاذ ضربو بالبوكس في وشو وقعه
معاذ بغموض:فرح فين
احمد:فرح..انت جاي تسألني انا مش هي عندك
معاذ:فرح اتخطفت
احمد:اي انت بتقول اي
معاذ كان لسه هيبتدي يضربو بس شاف في شكلو فرح لأنها شبهو فا قام وقف
معاذ:انا ماشي بس صدقني هجيلك تاني ومش هسيبك في حالك الا لما اعرف فرح فين
مشي معاذ وهو بيبتسم لأنو حط في شقه احمد جهاز تصنت
احمد اتصل بي فريد لان هو عارف ان هو الي ورا الموضوع دا
احمد:الو ايوا يا فريد.. من غير كلام كتير فرح معاك صح
فريد بضحك عاليه: شاطر.. بص يا احمد انا خطفتها وهقتل معاذ وهقدم الدلائل بتعتك في النيابه وهما يتصرفو.. اصل مش فريد الي يتاخد منو حاجه هو عايزها
واتقفلت السكه علي كده  ومعاذ كان قاعد في العربيه وسامع كل حاجه وافتكر فريد الي كان عايز يتجوز فرح.. وفجأه لقي تليفونو بيرن وعرف ان دا فريد وكان الرقم private number
معاذ:الو
فريد:ازيك يا معاذ باشا
معاذ :فرح فين
فريد:زي ما كتبتلك في الرساله فرح في الحفظ والصون معايا ولما تجي هقتلك قدامها
معاذ: طب ما تديني العنوان وانا هجيلك حالا
فريد:لا طبعا لازم احرق قلبك عليها..كمان كام يوم كده هتصل بيك وهخليك تيجي عشان اتشوفها للمره الاخيره...سلام
معاذ بغضب:......
#sohila💜