حكايتنا

البارت السادس و العشرون (الاخير)

روايه حكايتنا....
عدي شهر تقريبا وفرح بدأت تنسي الي فات ما عدا جدتها لانها مش هتقدر تنساها مهما حصل وابتدت صفحه جديده مع نفسها
ومعاذ مسبهاش لحظه وكان دايما واقف معاها وهي حست انو الامان بتاعها وهو كان الفتره دي بيعامل فرح كأنها بنتو الصغيره مخلي بالو منها جدا ومش عايز يزعلها في حاجه
وفي يوم فرح كانت نايمه وصحيت علي صوت دوشه في اوضتها وفتحت عينها لقت امال ومريم بيحطو حاجات في اوضتها
فرح قامت اتعدلت علي السرير وقالت
فرح:هو اي دا
امال ببتسامه:صباح الخير يا عروسه
فرح:مين..انا؟
مريم:اومال مين يعني اكيد انتي
فرح:عروسه ازاي انا مش فاهمه
امال:يلا مفيش وقت لازم تلبسي وتجهزي
مريم:انا هروح اجيب فستاني
فرح فضلت متنحه ومش فاهمه حاجه
فرح:ماما هو معاذ فين
امال: في الاوضه بتاعتو
فرح قامت لفت طرحه علي شعرها ورحتلو الاوضه وخبطت
معاذ فتحلها وهو علي وشو ابتسامه لأن هو كان متأكد ان هي هتيجي تخبط
فرح:معاذ هو في اي
معاذ:في ان فرحنا النهارده
فرح:ايوا طب ازاي
معاذ ابتسم وافتكر:انا هحكيلك
فلاش باك
معاذ رجع بي فرح ومريم يوم الحادثه وفرح طلعت اوضتها ومريم فضلت قاعده ومبطلتش عياط
معاذ:يا بنتي وجعتيلي دماغي
مريم بدموع:حرام عليك انت مش عارف انا حصلي اي
معاذ:حصلك اي يا مدلعه
مريم:إلي اسمو فريد دا خبط دماغي في الحيطه و شدني من الطرحه
معاذ بغضب:انا مستنيه بس يخرج من المستشفي و هروقو
امال:هتعمل اي يا معاذ
معاذ بخبث:هعمل كل خير...ماما انا عايزك تجهزي ليوم فرحي انا وفرح
امال:اجهز ازاي يعني
معاذ:يعني انا جبت الفيلا الي هنعيش فيها و وضبتها وكل حاجه خلصت ناقص بس الي المفروض تعمليه يا امي تجيبي الفستان والهدوم وكدا
مريم قامت وقفت وقالت:عاااا انت بارد ومعندكش دم بقولك كنت هموت
معاذ قام ضربها بالشلوت و وقعها
معاذ:اطلعي يا بت علي اوضتك دا انتي اوفر
مريم:حسبي الله ونعم الوكيل
معاذ :بتقولي حاجه يا مريم
مريم:بقول ربنا يخليك لينا
باك
حكي معاذ الي حصل و فرح كانت مصدومه
فرح:يعني انا فرحي النهارده
معاذ بضحك من شكلها:اه
فرح :طب انا لازم اجهز
وجريت فرح من قدام معاذ
كريم اتصل بي معاذ
كريم:مبرووك يا معاذ
معاذ:الله يبارك فيك يا كريم وبعدين انت عبيط صح ما انا فرحنا احنا الاتنين النهارده
كريم :ايوا عارف بس حبيت ارخم
معاذ:اقفل يلا
....
عند فرح
خدت شور وخرجت صلت وابتدت تجهز نفسها ولقت الباب بيخبط
فتحت لقت معاذ
فرح ببتسامه:نعم
معاذ:يلا يا فرح قدامك خمس دقايق القيكي لبسه ونزله مستنياني تحت عند العربيه
فرح:لي
معاذ:هوديكي مكان انتي نفسك تروحيه.. ويلا بسرعه
زقها دخلها جوا وقفل الباب عشان تلبس ونزل هو يجهز العربيه
....
عند ليلي
كانت رقيه معاها وكنت بتجهز كل حاجه مع ليلي
ليلي بخبث:قوليلي يا رقيه
رقيه ببتسامه:ايوا يا حبيبتي
ليلي:اي اخبار امير
رقيه ساعتها ابتسمت ابتسامه صغيره وافتكرت امير الي كل مكان كانت بتروحو كانت بتشوفو فيه
ليلي:رقيه..روكا انتي روحتي فين
رقيه:هاا لا لا انا معاكي كملي
ليلي:قوليلي بقا احكيلي
رقيه ابتسمت وقالت:بشوفو في كل حته بروحها يا ليلي ..مش عارفه بس لما بشوفو بتوتر وقلبي بيقعد يدق جامد
ليلي قربت منها وقالت
ليلي:بتحبيه؟
رقيه:معرفش مش عارفه احدد شعوري..يلا المهم عشان نروح الكوافير
قامت رقيه وليلي بصالها وضحكت وقالت
ليلي:ربنا يريح قلبك يا حبيبتي
...
في عربيه معاذ
فرح:معاذ قولي بقا احنا رايحين فين
معاذ مسك ايديها وقالها
معاذ ببتسامه صافيه:خلاص قربنا نوصل يا حبيبتي
فرح بصت لقتو داخل عند مقابر فا بلعت ريقها بصعوبه وفهمت هو موديها فين
معاذ:يلا انزلي
نزلت فرح ودخلت مع معاذ لحد ما وقفها عند قبر جدتها
فرح اول ما بصت علي القبر قعدت تعيط بصمت
فرح:تيي..تيتااا ووااحشتيني
معاذ فضل انو يسبها في الوقت دا تتكلم براحتها
فرح بدموع:عارفه يا تيتا النهارده فرحي عارفه كمان معاذ مسبنيش لحظه دايما واقف جنبي ومخلي بالو مني ومش بيزعلني
خدت نفس وكملت
عارفه يا تيتا بابا عمل فيا اي.. بهدلني وضربني وانا مصعبتش عليه
وحشتيني اوي اوي يا تيتا بجد وحشتيني فضلت فرح تعيط لحد ما حست انها ارتاحت انها شافت قبر جدتها وبعد كدا خرجت وجريت علي معاذ حضنتو وقالت
فرح:ربنا يخليك ليا
معاذ: انا كدا هضعف بصي احنا الاحسن ان احنا نمشي ونستني لحد باليل
فرح بضحك:عمرك ما هتتغير هتفضل قليل الادب
معاذ بضحك:قولي حاجه جديده.. يلا اركبي
ركبو هما الاتنين و روحو الفيلا عشان يكمل كل واحد إلي كان بيعملو
....
جيه الليل وفرح كانت جهزت وليلي كمان و معاذ و كريم كانو واقفين برا وكانو مستنينهم
خرجت ليلي وكانت لبسه فستان كب و عليه طرحه طويله و حاطه تاج جميل جدا و شعرها مفرود وشكلو جميل اوي كريم باس دماغها وخدها ومشي
بعدها علي طول خرجت فرح وكان شكلها جميل اوي كان فستان كبير اوي و بكم و عليه طرحه و تاج رقيق اوي فرح خطفت الانظار ومعاذ اول ما شافها ابتسم لأن شكلها كان زي الملايكه معاذ راح خدها وقال
معاذ بخبث:ما تعالي نفركش الفرح ونروح علي الاوتيل علي طول
فرح بكسوف:بس يا معاذ
معاذ بضيق:طب يلا اما نشوف الفرح دا اخرو اي
فرح ضحكت وركبت ومعاذ ركب وراحو القاعه
.....
في القاعه ابتدت الاغاني والكل بيرقص
مريم كانت واقفه وعبدالله قرب منها وقال
عبدالله:اي القمر دا
مريم:ملكش دعوه
عبدالله بضحك:يا بت انتي بتعامليني كدا لي
مريم:مزاجي كدا يأخي
عبدالله:عندي ليكي مفاجأه بعد الفرح
مريم:مفاجأه اي
عبدالله:هتعرفي بعدين
مشي عبدالله ومريم بصتلو و ضحكت هي فعلا حاسه ناحيتو بحاجه بس بتحاول متفكرش في الموضوع
....
عند رقيه
كانت واقفه ولقت امير بيقرب منها حاولت تاخد نفسها بس كان النفس بتاخدو بصعوبه وقلبها حست انو هيخرج من مكانو
امير:رقيه تتجوزيني؟
رقيه بصدمه:هه انت جيت هنا ازاي
امير بضحك علي منظرها: انا جاي مع صحبي عندك مانع
رقيه:لا
امير:تتجوزيني
رقيه: ماشي..قصدي لا لا
امير:يبقي الف مبروك يا عروسه..انا كلمت ابوكي وهو وافق
رقيه:ولو قولتلك اني هرفض
امير:متقدريش عشان انتي بتحبيني
رقيه :صدقني هرفضك
امير:مش هتقدري
وسابها ومشي
رقيه كانت مصدومه بس حاولت ترجع لطبيعتها تاني
....
الفرح خلص وكل عريس خد عروستو وطلع الاوضه بتاعتو في الاوتيل
كريم دخل وليلي دخلت وراه
كريم بفرحه:يااه اخيرا بقيتي ليا
ليلي ضحكت بكسوف
كريم قرب منها بس هي زقتو
ليلي:اي دا هو انت رايح فين
كريم بخبث:داخل الحمام
ليلي بأحراج:اه ماشي
ولسه هتلف لقت كريم محاوطها بأيدو من وسطها
ليلي بصدمه:ك...
كريم:ششش سبيني انا بقا اتكلم

.....
في اوضه معاذ
فرح دخلت هي ومريم وامال ومعاذ
امال باست فرح ومعاذ
امال:يلا الف مبروك يا حبايبي
خرجت امال ومريم فضلت قاعده في الاوضه مع فرح
معاذ:يلا يا مريم نورتينا
مريم:ايوا بس..
معاذ مدهاش مجال للرد فجأه شالها وخرجها برا الاوضه
فرح بضحك:حرام عليك كسفتها
معاذ:لا اسكتي دي لازقه
بعد كدا سكتو وفرح لحظت ان معاذ بيبصلها بصات غريبه فا اتوترت
فرح بتوتر:حلوه الاوضه دي اوي و كل حاجه فيها حلوه
بعدها بتبص لقت معاذ بيقلع الجاكت
فرح:انت هتعمل اي
معاذ بخبث:كل خير يا حبيبتي هعمل كل خير
فرح لقت معاذ بيقرب وهي تبعد وهو يقرب اكتر
فرح لقت نفسها لزقت في الحيطه ومعاذ واقف قدامها وانفاسو كانت عند رقبتها وهي كانت بتتنفس بصعوبه
معاذ بهدوء:اهدي يا فرح..انتي بتثقي فيا
فرح :اه
معاذ :بتحبيني
فرح:اه
ساعتها معاذ شالها وراح بيها عند السرير
.........
بعدها بي تلت سنين
معاذ وفرح كانو مخلفين(حور و فهد)
كريم وليلي(روز و عدي)
وامير و رقيه اتجوزو و بقا معاهم(تمارا)
وعبدالله ومريم اتجوزو برضو وبقا عندهم(ميرا و ايان)
....
كدا الروايه خلصت يارب تكون عجبتكم ❤
#sohila💜