نبدا روايتنا
في عماره تشبه البيوت القديمه مكونه من ٣ ادوار تخص عائله مالك الحديدي
يسكن الدور الاول ملك ومليكه
والدور التاتي مكه وزوجها مالك
والدور الثالث محمود
ونبدا من الدور الثاني تستيقظ دكتورتنا مكه من النوم وتحضر الفطار وتروح تصحي زوجها وحب الطفوله مالك
مكه: مالك .مالك. حبيبي اصحي بقا
مالك: خمس دقايق بس يا مكه اكمل الحلم الجميل دا
مكه : قوم يا حبيبي حلم ايه بس اللي تكمله هو فيلم
مالك : اصل بحلم اني بتجوز علي مكه
مكه بصوت عالي : ناااااااعم بتقول ايه قوم قوم يا مالك والله لهوريك بتتجوز عليا وفرحان اوي
مالك : هههههههه 😂😂 مش قادر ويقوم من علي السرير وماسك بطنه مش قادر من كتر الضحك
انتي صدقتي 😂😂
وتبصله مكه وعنيها بطلع شرار 😠😠 يروح ليها ويحضنها من كتفها وتبعد ايده يقوم يحضنها جامد
مالك: انتي صدقتي يا مكتي انا اقدر بس عنيا تبص ولا تحب غير مكتي دا كفايا عيونك اللي مدوبني دول
دا انتي حب الطفوله والمراهقه
ترد مكه وهي بتبصله بزعل : والشيخوخه كمان
يضحك مالك :😂😂 طبعا يا مكتي والشيخوخه كمان هو انا عندي غير مكتي( ويبوس ايدها )وعيون مكتي( ويبوس عيونها )
و...... ويقرب ليها تقوم تزقه
مكه: ايوه اضحك عليا حلو ياخويا بالكلام هو دا اللي باخده منك
مالك: انا اقدر برضه يا عمري دا كفايا انك متعلمه ودكتوره وانا ايه يعني غير حته ميكانيكي
مكه: تبصله وتدمع 😢 متقولش كدا تاني مليون مره اقولك انت بالنسبه ليا احسن من مليون واحد متعلم وكمان انا عمري ما هنسي وقفتك جمبي وجمب اخواتي بعد ما بابا وماما ماتوا والراجل صاحب البيت طردنا عشان مش معانا فلوس للايجار
وكمان مش كفايه مستحملني وانا مش بخ...
مالك: يحط ايده علي بوقها هششششش متكمليش انتي عارفه اني مش بفكر في الموضوع دا انتي عندي بنتي واختي وصاحبتي وامي وابويا كمان ايه رايك
تضحك مكه 😁😁 : ربنا يخليك ليا يا حبيبي وتفضل سندي طول العمر ويرزقنا ربنا بولد يكون نسخه منك
مالك: لا انا عاوز بنت شبهك وتكون ليها نفس لون عيونك اللي جابوني علي بوزي دول
مكه : لا ولد شبهك
مالك : لا بنت شبهك
مكه : ولد
مالك : خلاص توام ولد وبنت ولا تزعلي يا قلبي انا اقدر ازعل مكتي
مكه : بتنهيده امته بقا يااارب
مالك : ايوه قولي يا رب وهو اللي بيرزق
مكه: يااارب يلا يا استاذ البس وانزل شغلك انت بتتلكك ولا ايه
مالك: ايوه بتلكك يا ستي حد يطول يقعد مع القمر دا ويتكلم معاه
مكه : ايوه ونبقي ناكل من وش القمر بقت اللي هو انا
مالك: دا احلي اكل في الدنيا
مكه بكسوف وتزقه: يلا يا بابا شطبنا روح يلا البس
مالك: حاضر هتندم يا جميل
مكه تضحك : وفي سرها ربنا يخليك ليا يا حبيبي ويرزقنا اولاد صالحين ❤
يخرج مالك من الحمام يلبس هدومه ويفطر هو ومكه تدخل تلبس النقاب وتطلع
مكه: يلا يا مالك انا جاهزه
مالك: يبص ليها وعيون كلها حب طب اعمل ايه طيب اكتر من كدا اخبي جمالك ازاي
مكه: جمال ايه انا باين مني حاجه غير عنيا
مالك: وانتي مستقليه بعنيكي دي
مكه : اه هنبدا وصله الحب تاني يلا يا حبيبي اتاخرت علي المستشفي وعاوزه انزل اسلم علي اخواتي قبل ما اروح الشغل
مالك : حاضر يا قمر انت تؤمر ويحط ايده في جيبه
خدي يا حبيبتي الفلوس دي اعطيهم لاخواتك
مكه تتكسف تاخدهم
مالك : يحط الفلوس في ايدها مش كل شهر نفس الموال دا
خدي بقا متزعلنيش منك يا مكتي اخواتك هما اخواتي وانا عينت نفسي خلاص الاخ الكبير ليهم ومش هسيب مسؤليتهم غير لما اسلم كل واحده فيهم للي يستاهلها
مكه: تبصله بصه تغني عن اي كلام
مالك يبوس جبينها ويمسك ايدها وينزلوا السلالم سوا
ويخبطوا علي الباب
تفتح ...
ياتري مين هيفتح الباب ملك ولا مليكه ؟
بقلم Basma ahmed
