يوم الجمعه مالك متعود يعزم اخوه واخوات مكه عشان يبقي لمه ويوم عيله
يوم الجمعه مكه تصحي مالك من الساعه سته
مكه: مالك مالك
مالك : اممممم
مكه: اممم ايه قوم يلا
مالك : هي الساعه كام
مكه : الساعه ٦
مالك: مصحياني الساعه ٦ ليه
مكه: قوم هات الطلبات يلا عشان العزومه
مالك: حاضر يا ستي انا عاوزه ايه بقي
مكه: عاوزه لحمه وممبار وفراخ وجاتوه وكولا وتسالي
مالك: ايه حيلك حيلك كل دا لمين
مكه: كل مره تسالني نفس السؤال واقولك اني بحب الجاتوه ومليكه بتحب التسالي وملك بتحب الكولا واخوك محمود بيحب الكفته بتاعتي
مالك بزعل : يعني فكرتي في كل دول كل واحد بيحب ايه ومفكرتيش انا بحب ايه
مكه: انت متحبش غيري انا وبس
مالك بغمزه: يا مسيطر انت ماشي يا ستي انا اقدر احب غيرك هقوم اخد شاور واغير وانزل
مكه: ماشي يا حبيبي ربنا يخليك لينا
تروح مكه توضب البيت ولسه بتبدا تلاقي الباب بيخبط ورا بعضه
مكه: خلاص يا مليكه انتي بتعزفي يا حبيبتي هفتح اهو
مليكه : صباح الفل علي احلي اخت في الجمهوريه سمعت صوت دب قولت يبقوا صحيتوا
مكه: وانت لسه زي ما انتي اتعودتي تقومي الفجر وتيجي من النجمه تزهقيني
مليكه : اوخس عليكي ازهقك دنا بسليكي
مكه: اه بتسليني وتعطليني محدش بينجدني غير لما تيجي ملك تساعدني
مليكه بدموع مزيفه : اهي اهي ماشي يا اختي خلي ملك تنفع وشوفي مين هيضحكك
مكه بتضرب ايد علي ايد : قالها ومات مفيش فايده
مليكه تضحك علي منظر مكه 😂😂😂
يطلع مالك من الحمام والنصف العلوي عريان
تتحرج مليكه وتداري وشها للباب وفي نفس الوقت يتحرج مالك انه طلع كدا قدام مليكه ويجري علي الاوضه يلبس التيشترت ومكه تدخل وراه وتضحك علي منظره وهو بيجري ومكسوف
مكه:😂😂😂😂 مش قادره يا خلاثي علي جوزي اللي بيتكسف وخدوده حمرا
مالك: اسكتي يا مكه ايه الاحراج دا
مكه: لما انت كدا هي تعمل ايه
مالك: معرفش بقا انا خارج
تخرج مكه ومالك من الاوضه يلاقوا مليكه مش في الشقه مكه تفضل تضحك ومالك مبسوط انها بتضحك وفرحانه ويقول في سره
مالك: ربنا يقدرني واخلي الضحكه متفارقش وشك ابدا
ينزل مالك يجيب الطلبات والساعه ١٠ تطلع ملك ومليكه ويساعدوا مكه في التنضيف والطبيخ
والساعه ١٢ تنزل ملك ومليكه يصلوا ويغيروا ملابسهم ويجي مالك ومحمود من صلاه الجمعه
مكه تروح تفتح الباب
مكه: حمد الله علي السلامه شويه صغيرين والاكل يكون جاهز وتطلع ملك ومليكه ونتغدي
اول ما محمود يسمع اسم مليكه قلبه يدب جامد
نعم نعم كما استنتجتم فمحمود يحب مليكه بل يعشقها لكنه يعلم الاصول والدين ولا يبوح لها بمشاعره .
وايضا مليكه تكن له الاعجاب والحب ولا تبوح له فهما يعرفان تعاليم دينهم جيد فمحمود منتظر ان ينتهي من كليته ويشتغل ويتقدم ليها رسمي
ومليكه ايضا تعلم جيدا انه لا حب في حدود غير حدود الله فهي تعلم ان من يبدا في الفون ينتهي في الفون ومن يبدا في الشارع ينتهي في الشارع ومن يبدا من البيت ينتهي في البيت فهي حافظه لقرآن الله والايه الكريمه التي تقول
بسم الله الرحمن الرحيم
" وليس البر ان تاتوا البيوت من ظهورها ولكن البر من اتقي واتوا البيوت من ابوابها واتقوا الله لعلكم تفلحون " صدق الله العظيم
فهذا هو شرع الله الذي اصبح لايهتم به احد فكم من علاقه بدات من الانترنت وانتهت علي الانترنت فلينظر كم سيئات اخذوا واذا صادفت واكتملت العلاقه بالزواج فياتي المشاكل بعد الزواج كعقاب من الله لهم لما فعلوا
