عدي الشهر ومليكه ومحمود وصلوا من العمره
وملك بتجهز لجوازها هي ومحمد
ومالك ومكه عايشين في سعاده مع الاولاد
يوم فرح ملك ومحمد
تصحي مكه ملك من النوم
مكه: ملك ملوكه اصحي يا عروسه
ملك: سبيني انام شويه يا مكه منمتش غير بعد الفجر
مكه: يلا يا حبيبتي اصحي الفرح النهارده وميعاد الكوافير الساعه ١٠
ملك: طيب ماشي قايمه اهو
مكه: خلاص يا حبيبتي هروح احضرلك الفطار تكوني اخدتي شاور وفوقتي
ملك بنوم: ماشي ماشي
مكه بتزغزغها : قومي يا بت اصحي بقا دا منظر عروسه
ملك: هههههه خلاص قومت اهو
مكه: ايوه كدا ناس مش بتيجي غير بالزغزغه 😂
عند محمد في الفيلا
والده محمد : محمد حموده حبيبي اصحي يا عريس
محمد: ايوه يا ماما سبيني انا شويه انا منمتش غير بعد الفجر
والده محمد : علي عيني يا حبيبي اقومك من فرشتك بس اعمل ايه النهارده فرحك
الواحد مش عارف يفرح ان فرحك النهارده ولا يزعل انك هتبعد عني
مالك يفوق : ابعد عنك ايه يا مريومه انا هتجوز في نفس الفيلا يدوب هنقل من الاوضه دي للجناح التاني
والده محمد : اقصد في شهر العسل هتسبني شهر بحاله 😭
محمد: ايه يا امي هتعيطي يوم فرحي
طب بصي انا عاملك مفاجاه هتبسطك اوي
والده مريم : ايه هي
محمد: ودي تبقي مفاجاه ازاي اما اقوم اخد شاور والبس عشان حاجز عند صالون الحلاقه
والده محمد : مسسم عشنا وشوفنا الحلاق بيتحجز قبل ما تروحله
محمد: هههههههه ايه يا امي قلبتي علي الستات بتوع ايام زمان كدا ليه وبعدين ايامكم كان اسمه مزين او حلاق وتعطيله ال١٠ جنيه يبوس ايده وش وظهر الوقتي بقا اسمه كوافير واقل حاجه ٥٠٠ جنيه بقا في صبغه واستشوار وكوي وحلاقه دقن وشعر
والده محمد : صبغه واستشوار وكوي ليه هما حريم
محمد : دي من علامات الساعه يا امي ان هيبقي في رجال بس شكلهم شبه الانثي
والده محمد : ربنا يهدي يلا اقوم احضر الفطار تكون استحميت ولبست
محمد : اوك يا ست الكل
وفطر محمد وفطرت ملك
ملك راحت الكوافير
ومحمد راح صالون الحلاقه
الساعه ١٠ مساء
محمد ينزل من العربيه
ومالك سايقها قدام وجنبه مكه
ينزل محمد من العربيه لابس بدله احدث موديل وماسك بوكيه ورد
يدخل الكوافير يلاقي مكه واقفه وعطياه ظهرها
محمد: مش هتبصيلي يا عروسه
ملك: تؤتؤ تؤتؤ
محمد: تؤتؤ ايه دا
خلاص ابصلك انا وكل لما يتحرك في اتجاه ملك تودي وشها الجهه التانيه
قام محمد واقف وراها ومره واحده مسك كتفها وغير اتجاهها ليه
محمد: ايه دا
ملك: مفاجاه 😂😂
محمد: واجمل مفاجاه يا ملوكه انتي قررتي تلبسي النقاب خلاص
ملك: ايوه خلاص قررت انا كان نفسي اخد الخطوه دي من زمان وقولت خلاص هعملها مفاجاه يوم فرحنا
محمد: هي فعلا مفاجاه تحفه
ويمسك ايدها يلا بينا يا عروستي
وياخدها محمد ويطلع من الكوافير
ويفتح باب العربيه لملك ويركبها ويركب هو كمان
مكه: ايه رايك في المفاجاه دي يا جوز اختي
محمد: انتي كنتي عارفه
ملك: طبعا انا دايما باخد راي مكه في كل حاجه لان عارفه ان محدش هيحبني قدها
محمد: لا في انا
مكه: لا معلشي يا جوز اختي مفيش زي الاخ والاخت دا انت بكلمه واحده زي انتي طالق هتبقي غريبه عنك انما احنا لو قطعنا بعض برضه اخوات
مالك: ايه يا مكه يا حبيبتي انتي طلقتيهم يوم فرحهم " تفاءلوا بالخير تجدوه يا ماما"
مكه: هههههههه بهزر يا رمضان مهزرش
مالك بغيره : رمضان مين يا اختي
مكه: هي بتتقال كدا جمله علي بعضها
مالك: لا يا حبيبتي معنديش الكلام دا مفيش اسم راجل غيري يجي علي لسانك
