ملك،:للدرجه دي وحش
مالك بذهول: وحش ايه دا الاكل تحفه تسلم ايدك
ملك: بجد
مالك: جد الجد كمان لا طلع نفسك حلو في الاكل اتعلمي يا بنتي واستمري هتبقي الشيف ملك
ملك: يعني زي مكه
مالك: لا متطلعيش لفوق مره واحد مفيش حد زي مكتي
ملك: ماشي يا عم ربنا يسعدكم تعرف يا مالك الحاجه اللي نفسي محمد يبقي زيك فيها ايه ؟
مالك: ايه
ملك: ان انت مش بتكسف حد
ودايما لو حد عمل غلط قدامك بتكتم غيظك في نفسك وتعامله حلو عمري ما شوفت وشك مره مكشر قدام حد او بتزعق لحد
مالك: هقولك يا ستي انا بتبع سنه الرسول صلي الله عليه وسلم
قال رسول الله صلى الله عليه وسلم :
" من كظم غيظا وهو قادر على أن ينفذه؛ دعاه الله عز وجل على رءوس الخلائق يوم القيامة حتى يخيره الله من الحور العين ما شاء ".
عن أبي هريرة رضي الله عنه
أن رجلا قال للنبي صلى الله عليه وسلم: أوصني قال:"لا تغضب"
فردد مرارا، قال:"لا تغضب"
مالك: ربنا يسعدك يا ملك انتي ومليكه محمد بيكلمك في التلفون
ملك: ايوه
مالك : ها كويس معاكي ومتفاهمين
ملك: ايوه الحمد لله محمد محترم جدا ومتفاهم
مالك: ربنا يسعدكم
تلفون ملك بيرن
ملك: دا محمد
مالك: ابن الحلال عن ذكره بيبان
ملك: ههههههه
الو ايوه يا محمد
محمد: خير سامعك بتضحكي جامد ضحكيني معاكي
ملك: لا اصل انا ومالك كنا بنتكلم عنك لقيناك بتتصل
محمد: اه وانا اقول ودني بتصفر ليه عشان بتجيبوا في سيرتي ياتري بتجيبوا سيرتي في الخير ولا الشر
ملك:ههههه خير طبعا يا حبيبي
محمد: قلب حبيبك انتي
ملك: احم احم بقولك
محمد: قولي يا ستي انا
ملك: ان شاء الله فرح محمود ومليكه الشهر الجاي عرف طنط مريم بقا
محمد: نعم نعم اشمعنا انا بقا اعطيني مالك كدا
مالك: ايوه يا دوك ازيك
محمد : الحمد لله بقولك اشمعنا محمود فرحه الشهر الجاي انا مليش دعوه انا كمان عاوز احدد فرحي زيه
مالك: هو انت اتكلمت وانا قولت لا
محمد : خلاص هاجي بالليل ان شاء الله ونتفق علي ميعاد
مالك: ان شاء الله
ويجي محمد ووالدته بالليل ويتفقوا علي ميعاد الفرح بتاعهم بعد فرح مليكه بشهر
محمد : ان شاء الله هعمل الفرح في افخم قاعه
ملك: بس انا مش عاوزه اعمل فرح زي مليكه هي وجهه نظرها صح
والده محمد : ازاي يا بنتي انا محلتيش غير ابني عاوزه افرح بيه واعزم قرايبنا لا انا كدا هزعل
محمد: وانا مع راي امي لازم اعمل فرح عشان امي تفرح وقرايبنا كمان يفرحوا والرسول امرنا باظهار الفرح
اننا نفرح نفسنا ونفرح الناس مش حرام
ملك: حد يديني سبب منطقي إنك تشتري بدلة ب 2000 ج مثلا وفستان عروسة ب 25 ألف، ويوم ما بيكون إيجار مش أقل من 3000 الاف مثلاً .
وتعمل فرح تكلفتة كاملة 50 ألف جنيه وده "اقلها كمان" عشان 3 ساعات .. شـــامل
- اللي بيجوا في الفرح يرقصوا عشان واحد يشوفهم ف يخطبهم ،
- ناس جاية تاكل وبس .
-ناس جاية غصب عنها عشان مش لاقيه حاجة تعملها والحجة عشان متزعلوش مع انكم مش هتفتكروا ان كنتوا عزمتوهم ولا لأ .
- ناس جاية تتريقأ عليا انا وانت .
-وناس قاعده مصدعة من الدوشة ومش طايقه نفسها ولا فرحنا والا زعلنا يهمها فى حاجة بس قاعده عشان تعرف أخبار ده وده .
- ناس بتسقف عالفاضي .
- ونرقص Slow علي أغنية اتهرست مليون مرة .. وحوالينا السيوف المولعة دي
ونتصور وإنت بتأكلني قطعة واحدة من التورتة اللي هي مليون دور .. Really ؟؟؟؟
إيه قمة الإسفاف واللزاجة اللي في الموضوع ده !
ملحوظة : لو الفرح ب 50 ألف بس .. ف دا معناه إن في واحد مرتبه 4200 إشتغل سنة عشان يدفع فلوسة دي كلها في 3 ساعات
وطبعا العادي في مصر هو مش العادى قوى بيقبض 2500 ج ، يعني هيحتاج سنتين إلا شهرين مثلا
ياريت الناس بس وخصوصاً البنات تفوق .. مفيش حاجة إسمها ماتبخليش علي نفسك .
الفلوس دي بنصها تروحوا عمره او حجه وتتفسحوا وتفرحوا مع بعض في فنادق 5 نجوم علي فكرة .
لو على الهيصة والفرحة، أقرب الناس لينا يقدروا يفرحونا فى أى مكان ولو فى بيتنا أو اى حديقة أو أى مكان أوبن إريا وبأى فستان اللى بيحبوني فعلاً مش هيهمهم الروتين ده ،
صدقنى مهما هنعمل هيطلع الجاتوه بتاع عم عبده الكفتجى احلى منك والتورته بتاعتنا .. ولا فستاني الغالى بس مش لايق عليا وجوزي اللى صوباع ايده الشمال معرفش ماله ..
اللى بيحبوني وبيحبوا يفرحوني " إنا عارفاهم " افرح معاهم بطرق جديده ومبهجة، مش لازم نمشى على نهج الأفراح المصريه اللى ملهاش أى ستين لازمة .
وقريبا جداً نسبة 90% من الشباب هترفض تعمل ده، وانا مشجعة الفكره الحقيقة
