بعد يومين ذهبت مليكه ومحمود لشراء الشبكه وذهب معهم مالك ومكه وملك
وكلهم فرحانين
ومليكه اختارت دبله وخاتم واكتفت بيهم لان عندها حب محمود احسن من اي دهب ومحمود منزلش عينه من عليها
مالك: ايه يا محمود انا علمتك كدا غض بصرك يا اخي دي لسه مش حلالك
محمود: ايه يا مالك شوفتني بحضنها ولا بمسك ايدها انا ببص عليها بس
ورجع يبص لمليكه ويبتسم
مالك: انت متعرفش ان عينك كدا بتزني
محمود: هااااار اسوح😲😲 ايه دا يا مالك
مالك: ايوه " العين تزني من نظره"
محمود يبتلع ريقه : ويوطي راسه لانه مكنش يعرف المعلومه دي
ومالك يبتسم علي منظر اخوه ويدعي ليه بالهدايه
وخلصوا وجابوا الشبكه ومكه لبستها لمحمود لانه لسه مش حلال انه يمسك ايدها
محمود بصوت واطي انا مش عارف ايه دا يعني خطبتها ولسه زي ما انا
مليكه تسمعه وتبتسم
مليكه: محمود
محمود بضيق ؛ نعم يا مليكه
مليكه: انت زعلان ليه دا النهارده خطوبتنا
محمود بتريقه: لا ابدا وهزعل ليه دا انا حتي ملبستكيش الشبكه وممسكتش ايدك ومالك يقولي مركزش معاكي لان العين بتزني
مليكه: انت عارف دين الاسلام دا معززنا اوي
محمود : مش فاهم
مليكه: هقولك اولا انت زعلان ان مالك قالك غض بصرك وبرضه ربنا امرنا كستات نغض من بصرنا عشان منفتتنش بحد زي ما قال الراجل يغض بصره قال للست تغض بصرها لان الواحده او الواحد ممكن يفتتن بالجمال فممكن يعجب باي واحده حلوه قال رسول الله صلي الله عليه وسلم " العينان تزنيان وزناهما النظر " ثانيا ربنا طلب مننا منتكلمش كتير مع بعض منبصش كتير لبعض عارف ليه عشان كدا هنتعلق بببعض وربنا مش عاوزنا نتعلق غير بيه فقط لانه الشيئ الوحيد اللي دايم في حديث بيقول" كلما تعلقت بشخص تعلقا .اذاقك الله مر التعلق .لتعلم ان الله يغار علي قلب تعلق بغيره .فيصدك عن ذلك ليردك اليه " وكمان في قصه بتقول "
قال رجل لشيخه ؛ حين أعجبت بزوجتي .. كانت في نظري كأن الله لم يخلق مثلها في العالم
ولما خطبتها .. رأيت الكثيرين مثلها
ولما تزوجتها .. رأيت الكثيرين أجمل منها
فلما مضت بضعة أعوام على زواجنا رأيت أن : كلُّ النَسَاءِ أحْلَى مِنْ زَوجَتِي !
فقال الشيخ : أفأخبرك بما هو أدهى من ذلك وأمرّ ؟!
قال الرجل : بلى
فقال الشيخ : ولو أنك تزوجت كل نساء العالمين .. لرأيت الكلاب الضالة في شوارع المناطق الشعبية أجمل من كلّ نساء العالمين !!
ابتسم الرجل ابتسامة خفيفة وقال : لماذا تقول ذلك ؟ فقال الشيخ : لأن المشكلة ليست في زوجتك، المشكلة أن الإنسان إذا أوتي قلباً طمّاعاً، وبصراً زائغاً، وخلا من الحياء من الله فإنه لا يمكن أن يملأ عينه إلا تراب مقبرته ..
أتريد شيئاً ترجع به امرأتك إلى سالف عهدها (أجمل نساء العالم) ؟
قال الرجل : نعم
فقال الشيخ : اغضض بصرك وأقنع بما لديك وارضى بقسمة الله
فهمت يا محمود ؟
محمود بامتعاض : فهمت
مليكه: لسه زعلان طب هقولك انت لو قدامك واحده بتكلمك علي طول وبتقولوا كلام حب وبتسمحلك بتجاوزات كتير وواحده تانيه محترمه مش بتقولك كلام حلو مش لانها مش بتعرف تحب لا لانها عارفه حدود الخطوبه ايه مش بتسمحلك تمسك ايدها انت كراجل هتحب وتتسرع ونفسك تجوز مين
محمود : اكيد اللي مقالتليش كلام حب عشان هتمني تكلمني حلو بعد الجواز واسمع كلام حلو منها وامسك ايدها براحتي واحس بملمس ايدها لاول مره
مليكه: عرفت بقا ربنا امرنا بكدا ليه
محمود : عندك حق فعلا يا مليكه انا بشوف اصحابي في الجامعه بيكلموا بنات ويمسكوا ايدهم واكتر من كدا كمان وعمري ما لفتت نظري واحده من دول بل بالعكس بحس باحتقار وبزعل علي اهلهم لانهم واثقين فيهم وهما يحبوا ويصاحبوا واهليهم مفكرين انهم مربين وبيتفشخروا فيهم عارفه يا مليكه
مليكه: ايوه
محمود بفخر: انا فخور بيكي اوي الوقتي وحاسس اني مالك الدنيا بايدي وان ربنا رزقني بيكي لان احنا كرجال بنحب الحاجه العزيزه اللي صعب نوصلها عشان لما افوز بيها احس بطعم تاني واحس بالانتصار الحقيقي زي الجنه كدا بنعمل المستحيل عشان نوصل ليها وننعم بيها في الاخر اهو انتي بالنسبه ليا جنتي علي الارض اللي فوزت بيها
مليكه مكسوفه خالص: احنا لسه بنقول ايه وانت بتكلم وبتقول ايه
محمود : خلاص يا ستي امال هتكلم اقول ايه طيب مالك محددلي اقعد معاكي ساعه كل يوم جمعه وهو هيبقي فاتح الباب باصص علينا بس مش سامعنا ساعتها اتكلم في ايه
مليكه: في اي حاجه يا محمود يعني مفيش غير كلام الحب وكمان دي احسن حاجه منكلمش كتير عشان منملش بعد الجواز ونكتشف بعض بعد الجواز يعني لو اتكلمنا في كل حاجه في الخطوبه وعرفت عني كل حاجه وانا برضه عرفت كل حاجه هنيجي بعد الجواز مش هنلاقي حاجه نكتشفها وكل حاجه هنبقي عارفينها
محمود : خلاص يا مليكه ان شاء الله نمشي علي اتفقنا ونكتب الكتاب بعد سنه وساعتها اقول اللي نفسي فيه نفسي نتجوز ونبني بيت ونخلف اولاد ونربيهم تربيه اسلاميه نفسي اوي في بيت لو شافه الرسول يبتسم
مليكه: ان شاء الله يا محمود ادعي انت بس وكتر من دعاء ذا النون
محمود باستغراب : ذا النون دا اسم جديد دا ولا ايه
مليكه بزعل : ايه دا يا محمود اسم جديد ايه انت ازاي مش عارف دعاء ذا النون دا دعاء سيدنا يونس لما كان في بطن الحوت اللي هو " لا اله الا انت سبحانك اني كنت من الظالمين " الدعاء دا اكتر دعاء بحب ادعي بيه هو دا
محمود : ياااه دا انا ناقصني كتير اوي لا انا لازم اهتم بامور دينا شويه انا فعلا بهتم بالدراسه والعلوم الدنيويه ونسيت العلوم الدينيه
مليكه: ان شاء الله
والعلوم الدنيويه مهمه برضه وليها اهميه كبيره يا محمود دا الملايكه بتبقي من فرحتها وانت رايح الكليه او الدرس او مجلس علم بتبقي فرحانه جدا لدرجه انها بتبسط لك الجناح بتاعها تمشي عليه
محمود: ياااه فعلا العلم نور
وينتهي اليوم بفرحه مليكه ومحمود
وتنام مكه فرحانه انها هتعمل العمليه وتروح في نووم عميق
مكه : قوم يا مالك يلا ميعاد العمليه ويقوموا ويصلوا ويروحوا المركز ويعملوا العمليه وبعد اسبوع يروحوا للدكتور يتاكدوا من الحمل
الدكتور باسف: انا اسف يا جماعه محصلش حمل
مكه بقهر وحزن: لااااااااااااااااا
