عندما تتساقط الاقنعه

البارت 5

ذهب اتذكرت هاي الكلمات بس الاسماء تختلف معقوله نفس السالفه لا عمي ما يسويها ضليت واكفه بمكاني ماا عرف شنو اسوي معقوله لا مو صح اللي بالي رجعت للبيت واني افكر شفت عمي و عمتي كاعدين بالصاله البنات عند اهلهن وكفت كدام عمتي وكتلها... حته انتم ضحكتو علي بعد منين اتلكاها
صباح... شبيج عمو منو وياج
ذهب... كافي كافي شنو هاي لعبه جديده بس 11 سنه مو اكثر هذا عمري ما افهم شي تضحكون علي وتزوجوني الواحد اكبر مني ومثل اخوي شنو سويت
صباح... لا بابا مو هيج
ذهب بعصبيه... كاااافي طفح الكيل منكم جذب جذب جذب خلص بعد مااتحمل كافي هذا قناعك سقطه خلص كااافي
صباح... عمو بس افهمج
ذهب... ماريد اسمع شي كافي
ضرغام وهمام وهمه يدخلون من بره... هاي شبيكم ليش أصواتكم طالعه
صباح... ولج افهمي محد ضحك عليج
ذهب... لعد اللي صار شنو اسمه استغلال يي إستغلال ماعندي احد كلت اعلكها براس ابني
همام... شبيكم
ذهب... انته لا تسوي نفسك مو فاهم وكل ما اكعد يمك متزوج ومتزوج ومن اكلك منو ماتقبل تكول لا طلعت اني وانتم تضحكون علي
همام... ذهب محد ضاحك عليج واحترمي نفسج لا والله اكوم اكسر راسج
ذهب... يي ليش لا كوم محد لازمك كووم من تجي وتتزوجني واني مااعرف شنو كدامك حايط لو كح... بكيفك تتصرف... اني كلت هيج ماحس غير الراشدي ع خدي واشتعل نار
همام اتنرفزت من حجيها ضربتها راشدي ولزمتها من شعرها واخذتها الغرفه اهلي دخلتها وقفلت الباب
ذهب... اتركني لا والله اصرخ والم الدنيا
همام... اسكتي وصوتج ما اسمعه
ذهب... اطلع بره ماريدك حيوان حقير انته مو رجال اطلع بره ماريدك وهسه تطلكني
همام بدون تفكير رأساً فتحت حزامي وطحت بيها بسط ما بعدت عنها غير لمن هدائت حركتها اتقربت يم راسها وكتلها... هذا درس الج مره ثانيه رفعي صوتج بوجهي لو بوجه ابوي ادفنج بيدي ردت اجي احجي وياج بالتي هيه حسنا بس انتي بالسانج تعمين ع نفسج
ذهب بألم... الله ياخذني وارتاح منكم ماريدكم
همام... سكتي ماريد اسمع صوتج خليني محترمج
ذهب... اطلع بره
همام... طالع بس والله لو عرفت واحد يعرف بزواجنه اموتج فاهمه
ذهب طلع بره واني ضليت ابجي ماعرف ع حظي لو ع امي اللي تركتني اتمنه هسه يمي واشكي بحظنها لو ع ابوي اللي مااعرف وين هوه هسه ماعرف عايش لو ميت حالي حال اليتيم عمي صباح وعمه خوله صارولي اب وام همام احسه مثل اخوي يطلع زوجي شوي ودخلت عمتي حظنتني بعدت عنها
خوله... يمه ليش هيج افهمي السالفه واحجي
ذهب... انتي كله منج ييييي انتيييييي كله منج لو ماانتي مااصاااااار كل هذا انتي السبب انتي ضحكتي علي وكلتي علمود تنجحين جاهل وتضحكين علي حرااااام عليكم والله حرام (احجي بعصبيه وقهر وألم مشاعر مختلطه عمتي اللي بعمري ماااا اردلها كلمه اليوم اصرخ بوجها بعد وبعد وين راح توصل وياج يا ذهب)
خوله... احلفج بالله من 4 سنوات لليوم همام اتقرب منج سوالج شي ماما كل السالفه زواجكم بينكم محد يعرف بي بس احنه حته ود ماتعرف بس علمود اذا صار حجي عليج انكلهم   ابن عمها عاقد عليها واذا اجتج قسمه زينه تنفصلين عن همام وتتزوجين ولا من شاف ولا من دره
ذهب... يي مو اني الهل درجه رخيصه
خوله..  يمه لا تعصبين انتي غاليه علينه مو رخيصه
ذهب تركتها وصعدت للغرفه اخذت الجهاز واتصلت ع فرقد وكتله يجي ياخذني سئلني شبي صوتي كتله تعبانه واريد اجي يمكم ارتاح كلي هسه اجي عليج مااطول ضليت كاعده بزاويه الغرفه وراسي بين رجلي وابجي حسيت الباب انفتحت طفرت من مكاني واني اشوف منو يدخل الغرفه