عندما تتساقط الاقنعه

البارت 10

ذهب... اسمعي زين من اليوم ورايح لا انتي امي ولا اعرفج ولا تعرفيني اووك انتي وحده كح... فهمتي كححححح.... لا اكثر ولا اقل وهسه يلا طلعي انتي وهذا اللي وياج ماريد اشوفكم هنا
سهيله... ولي منا بنت الحرامي بعد الاحسن ليش اني بيوم من الايام معترفه بيج وكايله هاي بنتي
ذهب مارديت عليها ولا حجيت تركتها وطلعت شوي وطلعو ماحس غير صوت همام رج أركان البيت وهوه يصيح.... ذهبببببببب
ذهب رحت أركض اول مادخلت اجاني راشدي اذاني ضلت تصفر من قوته
همام... من يمته تحجين حجي اكبر من عمرج
ذهب مارديت عليه بس دموعي تجري
همام... لا تبجين ولج شلون تحجين عيج ع امج مهما يكون هاي جنتج ونارج
ذهب... موووو امي تفهم مو امي مااعرفها ولا تعرفني وين جانت كل هاي السنين هسه تذكرتني
همام... ذهب لا تنفعلين وشكله طريقنه طويل ماراح نرتاح
ذهب... يي صدك لو كالو المنحوس منحوس لو ع راسه فانوس
همام... يعني اني منحوس
ذهب... مو انته أني
همام... وين منحوسه واني عندج بعد شتردين
ذهب... ماريد غيرك أبد
همام... ولا اني اريد غيرج زعطوطتي
ذهب... اني زعطوطه
همام... اييي انتتتي
ذهب... شايب
همام... مو اكلج زعطوطه
ذهب...😒😒
همام حضنتها وكتلها... زعطوطتي الحلوه احبج
ذهب... بعد لا يجي واحد ويشوفنه
همام... عادي
ذهب... لا حباب بعد
همام... اااخ منج طالع تردين شي
ذهب... اريدك سالم
همام... اوك حبيبي انتبهي ع نفسج بوستها وطلعت للشغل
ذهب طلع همام ضليت كاعده بصاله دخلت نداء
نداء... كومي يا خاتون بعد انتي حالج من حالنه
ذهب... خير شكو شصاير من صباح الله
نداء... كومي اشتغلي تره احنه ما نخدمج ونخدم رجلج
ذهب... اوووه ندوش حياتي شبيج علي ان شاء الله هسه اكوم اشتغل وياجن لعد اني مرة الجبير وراسي راح يصير اكبر من راسج وهذا ريشج اهلسه بيدي
نداء... هييي يالله ام ريش روحي شوفي نفسج انتي بكد الفصمه وهوه الشيب تارس راسه
ذهب... عادي حبيبتي العمر مو مهم
نداء... صدك لو كالو طيور ع أشكالها تقع وانتي و عذا الشايب وجهين العمله وحده
ذهب... والله وصايره تعرفين تحجين
نداء... احسن منج مااروح اتختل بالغرف وانام بحضان رجال غريب
ذهب مارديت عليها لان تريد تسوي مشكله تركتها تحجي وتحجي بدون مارد عليها وهيه ملت من شافتني لابستها تركتني وراحت رحت للمطبخ البنات كاعدات يحضران الريوك للولد نايمين
ود... ضوجه خلي نطلع
ذهب... يي والله صدك ضوجه خلي واحد من الولد يطلعنه
ود... خلي نطلع ويه ضرغام
ذهب... يي ضرغام سبورت مانريد اخوج العقده
ود... تره ما عرفتج مره تحبينه ومره تكرهينه
ذهب... مو اكرها بس هوه شوي معقد
ود... هذا همام تفكيره يختلف عن تفكيرنا هوه عاش اكثر من عدنه وعنده خبره بالحياه وهسه احنه بفتره المراهقه وهوه حريص علينه
ذهب... يي عوفينه من هذا وتعالي هذا ابن خالج يمته يروح البيتهم
ود... ماعرف ليش
ذهب... موو همام مايقبل اطلع كدامه ماتشوفيني كله بالغرفه
ود... وليش مايقبل
ذهب... ماعرف هوه يكول ابو بنات ولاعوب لاتطلعين يمه
ضرغام... بنات وين الأكل
ود... هلا خويه صباح الخير هاي بس شوي
ضرغام بهمس... انتبهن من تحجن لا يسمعجن
ذهب... امممم مو قصدي احجي عنه بس همام هيج كال
ضرغام... اعرف واني هم اكول هيج لا تضلين تفترين كدامه
ذهب... اكلكم هسه اللي يسمعكم يكول نانسي
ضرغام... لا انتي ذهب والذهب غالي
ذهب... يمه فديت ابن عمي اني اكلك
ضرغام..  كولي
ذهب... طلعنا تره ضايجين
ضرغام... الله كريم هسه انطني اكل ميت جوع
ذهب خلينه اكل واخذنا للصاله كعدو الولد ياكلون رحت للمطبخ ضليت انضف بي قبل لاتجي السعلوه ع راسي المهم مرت الايام و همام قرر يصير الزواج بسرعه خلال شهر واحد مايريد يطول وو طبعا عمامي ماسكتو شلون اتزوج همام وهوه اكبر مني ب25 سنه بس كان تماسكنه بعض اقوه منهم ومن رفضهم عمي سالم سئل شيخ اذا هيه ماتعرف بزواجه يعني مضحوك عليها يصير يتقربلها ويتمم زواجه كله الشيخ  اذا هيه برضاتها يصير بس شلون ينضحك عليها ماتفهم
ذهب... كتلك ماريدها نجاره
همام... حبيبي علمود قويه وتتحمل
ذهب... ماريد يعني ماريد
همام... ولج التركي بسرعه يتكسر
ذهب... بكيفي غرفتي اريدها تركيه
همام... ولج بابا والله بسرعه تتكسر
ذهب... مادخلني انجاره ماريدها والله اذا جبتها ماادخل بيها وانام ويه ود
همام... قافله
ذهب... يي غير التركي ماريد
همام... هذا هوه تركي يعني تركي(هاي العركه ع غرفه النوم همام يريدها ع ايد نجار و ذهب نريدها تركيه)
المهم اجه يوم الحنه ماسوينه مهر لان عاقدين همام ماقبل نرجع نعقد بس عقدنه محكمه المهم كعدت من الصبح رحت للصالون مكياج وشعر ومن هاي السوالف للساعه ب3 العصر يلا رجعنه للبيت خالتي سعاد اجت وبيبي و ودق موجودات فرحت لان خالتي و ودق مازعلانات علي صديقاتي اللي بالمدرسة هم موجودات اغاني وركص  البنات كلهن يركصن شوي ودخل همام فدووه الطوله قميص كريمي و بنطرون ازرق كعد يمي
همام بهمس... هلا
ذهب... هلا
همام... شلونج
ذهب... تمام وانت
همام... تمام شبيج
ذهب... خايفه شوي
همام... من شنو
ذهب... مااعرف بس خايفه
همام... لا تخافين اليوم الحنه مو العرس
ذهب ابتسمت وكتله... مايصير تأجل سوي
همام... يي ليش لا
ذهب... صدك لعد كول العمتي
همام... انجبي ولج اجنه بالقوه خلصناها وضل بس يوم واحد وتصيرين الي وبس
ذهب... همممم
همام بصوت خشن ورجولي... احبج
ذهب... واني هم أحبك
خوله... يلا يمه حنيها واطلع
همام... هاي طرده
خوله... يي عيني طرده
همام... وسفه يمه اني ابنج
خوله... يلا حنيها حنيها
ذهب لبسني الذهب حناني
همام... ذهب ويلبس ذهب مو عينه تصير زايغه ع الذهب
ذهب... همام كافي
همام... ااأه يا ذهب عذبتي حالي
ذهب المهم خلصت الحفله بسرعه كمت غيرت ملابسي وفتحت شعري المكياج ضل ما غسلته بس خففته شوي لان الروج هواي بليل بلشت حنه الولد صعدنه ع السطح نشوفهم  بشارع جماعه همام جايبين مايسترو والاغاني عاليه والكل يركص الولد كلهم احنه طفينه الاضويه مال السطح علمود ما نبين ويشوفونه ضلينه نضحك عليهم شلون يركصون ماعرف فرحانين لو شنو اشو كلهم ما قابلين ع زواجنه ولد عمي كلهم رافضين زواجي منه ع ابو انو أكبر مني وماعرف شنوو ضلينه واكفات شوي ونزلنه للساعه ب1 خلصت حفلتهم ودخلوو للبيت الكل نام ماحسيت غير يوم ثاني مابيه اكوم بعدني نعسانه اريد انام انفتحت الباب ودخلت عمتي
خوله... يمه ذهبه كعدي
ذهب... يي عمه هسه اكعد
خوله... يلا لا تتأخرن ع الصالون
ذهب... لا ما نتاخر بس 5دقايق
ود... ولجججججج ذهيببببه يلا كومي
خوله... ولج ود لا تصرخين بوجه البنيه بيوم زواجها مايصير عدهم جهال
ذهب... عمه شنو هل خرافات الرزق بيد الله
خوله... هسه كومن يلا
ذهب كمت من الفراش غيرت ملابسي وطلعت البيت هوسه عمامي كلهم عدنه ليكول ماعدهم بيوت المهم رحت للصالون نفس الحنه هم مكياج وشعر اتصلنه ع عمتي كالت هسه تجي الزفه   ونروح للتصوير شوي واجه رحته صورنه كومت صور يكول اريد اوثق حبه بصور ومن الأستوديو رحنه للقاعه وصلنه للقاعه دخلنه وكانت الدخوليه تجنن همام دخل قبلي وصل للستيج بعدها صديقاتي دخلن واني وراهن كانت ام المصوره تصور وصل همام يم صديقاتي اللي هنه ودق و ود و نضال و ازهار و ورده و نبأ
ود... تنور حياتها لو  تضلم حياتها؟
همام... انور حياتها واسعدها
ودق... و اذا شكت منك؟
همام... اذا بيوم زعلتها موتي ع ايدها
نبأ... اختنه امانه عندك واتمنه تحترمها وما تقلل من شأنها
ورده... راح نهديك ذهب صافي لا تخلي يصير مصدي
أزهار... انته رجال كبير واعي وذهب بعدها طفله اتمنه تاخذها ع كد عقلها لا تعتبرها مره بثلاثين وتكدر تخدمك مثل ماتدريد
همام... ان شاء الله ذهب بين عيوني مااتركها لو ع موتي وهسه اريد مرتي
ذهب بعدن البنات واجه باس رأسي وكملنه طريقنه للاستيج كعدنه شوي وطلع المهم خلصت الحفله احلا يوم بحياتي رجعنه للبيت زفونه للغرفه دخلت عمتي وخالتي سعاد
خوله... يمه هسه صرتي جنه بهذا البيت مو بنيه يوم يومين وترحين الليت رجلج حافظي عليه وخلي بين عيونج واني امج الشي اللي يصير بينج وبينه مايطلع من غرفتكم يضل بيها همام مو صعب تكدرين تتعاملين وياه بكل سهوله بس اهم شي عند همام احترامه لا تقلين من قيمته ولا تنطين بي كدام الناس خلي كل الناس تهابه وانتي تعرفين شماتكم هواي وكلهم معترضين ع هذا الارتباط
سعاد... كلام ام همام صح اهم شي كرامته كدام الناس لا تحجين عليه ولا تكولين عنه كلمه مو زينه كلها راح دك بطبولها عليكم
ذهب... ان شاء الله همام بين عيوني ضلن شوي وراحن شوي ودخل همام يباوعلي اجه تقرب علي
همام... الف مبروك عورستي
ذهب بارتباك... الف مبروك الك عريسي
همام... شبيج
ذهب... مابيه شي بس
همام.... خايفه لا بابا لا تخافين ما اكلج
ذهب... لا ما خايفه بس متوتره شوي
همام... لا تتوترين ولا ترتبكين ولا تخافين وهسه يلا كومي غيري ملابسج وتعالي نصلي
ذهب... اوك بس شلون والفستان
همام.. تعالي افتحلج اياه
ذهب... هااا لا لا ما يحتاح اني افتحه
همام... تعالي شبيج تره هوه ملشي طالع اني هسه افتحه الج واطلع وغيري ع راحتج
ذهب... اوك تعال تقرب فتح السحاب احس انفتح عني الحصار
همام... يلا أخذني راحتج
ذهب طلع همام رحت دخلت للحمام اخذت شاور وطلعت كان متمدد ع السرير رحت عليه وكتله...  تسبح
همام... يي هسه ادخل
ذهب... اوك حبيبي براحتك كام دخل للحمام شوي واندكت الباب طلعت شفت أطياف واكفه وبيدها العشه
أطياف... هاا ذهبه هذا العشه
ذهب... يسلمو تعبتي روحج
أطياف... حبيبتي تعبكم راحه يلا اخذو راحتكم
ذهب اخذت العشه ودخلت همام طلع ينشف شعره
همام... هاا منو بالباب
ذهب... أطياف جابت العشه
همام..  هاا تردين تاكلين
ذهب... الصراحه يي جوعانه
همام... يمه سوده علي تعالي اكلي
ذهب اكلنه هدوء محد تكلم كملنه اكل لميت الغشه وخليته بالثلاجه لان مايقبل انزل هوه غسل وتمدد ع السرير غسلت ورحت يمه خليت ايدي ع شعره
همام.... هاا كملتي
ذهب... يي لميته
همام.. تعالي نامي هنا ياشر ع أيده نامت وحضنتني كتلها... هاا تعبتي اليوم لو لا
ذهب... تعبت حيل والفستان يخنك
همام... يي لان ضاغطتها حييل عليج
ذهب... ردتها من الله بس نرجع علمود اذبها موتتني
همام... انتي شبيج ماتحجين وتكولين ضاغطتها
ذهب... شعرفني عبالي ترخي
همام... يلا كومي نصلي

كمنه صلينه ودعيت ربي يحفظها الي وما يحرمني منها كملت صلاه ولميت السجاده وكمت ذهب ضلت تقرا سوره يس امي كايلتها تقرأها اني تمددت ع السرير نمت بدون ما احس
ذهب  صلينه وضليت اقرا قران خلصت لميت السجاده وكمت انتبهت همام نايم رحت عليه تمددت يمه ونمت بعدني هستوني نايمه مانسمع غير صوت اطلاق نار ع بيتنه وبالتحديد ع غرفتنه لان ع الشارع طفرنه اني وهمام
همام... طلعي بسرعه منا
ذهب... شنو هاي همام شديصير
همام... طلعي خلي نشوف شكو
ذهب طلعنه من الغرفه همام حاضني خاف تجي طلقه بيه نزلنه نشوف شكو الولد طالعين بره وصوت الصريخ شعلوه اعتقد الناس ملتمه ع صوت الطلق
همام طلعت اشوف شصاير جان اشوف الولد ملتمين واحد يصيح...