ذهب صلينه وضليت اقرا قران خلصت لميت السجاده وكمت انتبهت همام نايم رحت عليه تمددت يمه ونمت بعدتي هستوني نايمه مانسمع غير صوت اطلاق نار ع بيتنه وبالتحديد ع غرفتنه لان ع الشارع طفرنه اني وهمام
همام... طلعي بسرعه منا
ذهب... شنو هاي همام شديصير
همام... طلعي خلي نشوف شكو
ذهب طلعنه من الغرفه همام حاضني خاف تجي طلقه بيه نزلنه نشوف شكو الولد طالعين بره وصوت الصريخ شعلوه اعتقد الناس ملتمه ع صوت الطلق
همام طلعت اشوف شصاير جان اشوف الولد ملتمين واحد يصيح انتبهت فرقد واكف و سكران وياه بعد واحد
فرقد... ولكم حرام عليكم من ردتها حلت بعينكم مالكم حق بيها هااااي الي اللي بهذيج الغرفه الي(ياشر ع غرفه همام) ولكم روحي بيها
وسام... فرقد كافي فضحتنه بين الناس
فرقد... انجب انت ولجججججج ذهب طلعيلي ابوس ايدج بس اشوف عيونج ماريد شي ثاني بعد
همام صارت فضيحتنه بفلس الناس كلها طالعه من بيوتها رحت عليه وجبته بوكس ع خشمه... ولك ابن الكلب ولي منا
فرقد... انته تنجب وطلعلي ذهب ولجججج ذهبببببه طلعي لا تعذبيني
همام طحت عليه بوكسات دممته الولد يردون يبعدوني عنه ماكو ما بعدت عنه كلش لمن نهيته صحت ع هذا اللي وياه... اخذ هذا العار وانكلعوو منااا وانتم (ع الجوارين) شنوو عدنه مسرحيه وهيج ملتمين كل واحد يدخل بيته دخلنه للبيت
ذهب من نزلنه همام طلع يشوف شنو صاير اني حيل خايفه عمتي كعدت تقرا بوجهي آيات قرآنيه
خوله... الله يستر هسه البنيه تنلزم من الخوف
سعاد... يمه اسم الله عليها اقري بوجها ونفخي اريد اعرف هذا شجاه صدك ما يستحي استخف كلش
ود... خاله يمه شنو هل خرافات شبيكم اتامنون بهيج اشياء
خوله... انجبي لا اكسر راسج احنه نعرف بهاي السوالف
ود... والله يمه انتن ماتدري شلونجن تصدكن هيج أشياء الناس تطورت وانتم بعدكم ع هاي أشياء
خوله... انتي سكتي لا تضلين تلغين ام اتطورت
ذهب ضلن يحجن شوي ودخلو الولد أعصاب ما يتحاجون
وسام... فضحنه الله ينتقم منه ع هاي الدكه هسه الناس شتكول علينه
جواد... كلب شسويله فضحنه انوب الناس كلها تتفرج ولا مو هنا المشكله المشكله عدنه عرس
همام... كااااافي هذا عار كل يوم والثاني جاي سكران ويخلي الناس تتفرج علينه
صباح... خلي يولي اذا يجي مره ثانيه اني اتصرف وياه يلا بويه أخذ مرتك واصعد
همام... ان شاء الله بويه يلا ذهب كومي
ذهب كمت صعدنه للغرفه
همام... اسف نمت بدون ما احس
ذهب........
همام... شبيج ذهب زعلانه
ذهب هزيت رأسي بمعنى لا
همام... لعد شبيج ما تحجين
ذهب اريد احجي مااكدر الحرف مايطلع مني ضليت ابجي
همام... ولج شبيج لا تخافين اني وياج مايكدر يمسج ولا يتقرب منج لا تبجين يلا مسحي دموعج وتعالي نام
ذهب دخلت للحمام غسلت وطلعت شفته متمدد وايده ع راسه اتقربت عليه ومديت ايده ونمت عليها
همام... هاا حبيبي هسه احسن
ذهب اتخبلت اريد انطق مااكدر طفرت من يمه
همام... شبيج تخبلتي
ذهب ضليت ادور ع جهازي اريده ماكو شفت جهازه ع ميز التواليت اخذته ورحت عليه
همام... ولج شبيج اتخبلتي
ذهب اشرله أفتح الجهاز
همام... ذهب لا تخبليني احجي شبيج
ذهب كعدت يمه واشرتله يفتحه أخذه فتحه اخذته منه دخلت ع الملاحظات وكتبت... همام مااكدر احجي الساني معقود
همام فتحت عيوني ع وسعهن وكتلها... شنووو شلون
ذهب... مااعرف مااكدر ليش قبل شوي مابيه شي
همام... لا تخافين حبيبي ماكو شي بس من الخوف هيج هسه شوي وترجعين مثل قبل
ذهب... بس خايفه ماريد اضل هيج اريد احجي
همام... ولج مابيج شي هسه شوي وترجعين تحجين تعالي نامي
ذهب تمددنه ونمنه ماحسيت غير يوم ثاني ع همام يسحب ايده من جوه رأسي فتحت عيوني
همام... صباح الحب
ذهب ابتسمت
همام... شلون صرتي
ذهب اشرتله بمعنا مااكدر احجي
همام... كومي هسه خلي ننزل
ذهب هزيت رأسي وكمت غيرت ملابسي وطلعت من الحمام
همام... هاا خلصتي
ذهب هزيت رأسي بمعنى يي
همام... يلا امشي
ذهب حضن ايدي وطلعنه نزلنه ع الدرج وبدأت الهلاهل والكولات مالاتهم نزلنه همام سلم ع عمتي وطلع خلاني وحدي اجن البنات كعدن يمي
ود... يي احجيلنه شلونج أمس شلون جانت نومتج والله الغرفه مو حلوه وانتي ماموجوده
ودق... ولج كل شوي تكلي ذهب
ود... اكيييد انتي أمس مرتاحه اني ماموجوده ونايمه يم الحب
ودق... هاااي شبيج شنو بس لا مايقبل تحجين ويانه
ذهب مااعرف شنو اسوي وهذا طلع عمتي صاحتني رحتلها للغرفه هيه وخالتي كاعدات
خوله... هاا يمه شنو صار بشري
ذهب نزلت راسي شكلها
خوله... شبيج ذهب احجي
ذهب مارديت وضليت منزله رأسي
خوله... انتي ما تحجين شبيج
سعاد... ام همام ع كيفج ويه البنيه اكييد خجلانه منج
خوله... لا بنيتي ليش تخجلين كولي شصار
همام... ذهب طلعي بره
ذهب طلعت بره
خوله... هااا يمه
همام... يمه ذهب من سالفه امس جنه نايمين وهيه طفرت ع صوت الرمي فخافت والسانها انعقد انتبهي عليها اني كتلها شوي ويرجع صوتج بس ليش الجذب مااعرف يمته يجعلها
خوله... عزه العزاج ياخوله يعني البنيه انخلست
همام... يمه بلا هذا الحجي بس انتبهي عليها لان هسه نداء مراح تخليها براحتها
خوله... لا يمه لا تهتم الها اتركها هاي نداء ام السان مراح تخليها براحتها اني اتصرف وياها
همام... هذا هوه ولا تلحين ع اللي بالج ومدخله ذهب هنا
خوله... ههه والله تفهم
همام... لعد شنو جاهل كدامج وما افهم هسه يلا طالع
أنت تقرأ
عندما تتساقط الاقنعه
Romanceهمام... المره مرتي مااتركها لو تنكلب الدنيا ما اتركها صباح... ولك همام يا مرتك ولك انته اكبر منها 25سنه وانته تكول مرتي همام... عمره العمر ماكان مهم لعد ماكلت هيج من ردت اعقد عليها لو هسه صارت ما تنفع خوله... ولك يمه البنيه مو من نصيبك اتركها هم...
