عندما تتساقط الاقنعه

بارت العيد

هلا ذهبه شلونج
ذهب... هلا
جلال... هاي شنوو ذهب شصاير بيج
ذهب... مابيه شي
الدكتور... حضره الضابط هذا تقرير عن حالتها متعرضه الضرب
جلال... ممكن اطلعون كلكم اريد احجي وياها براحتي
ذهب طلعو كلهم
جلال... ذهب شبيج شنو صاير
ذهب... ماكو شي
جلال... ذهب بدون جذب احجي لا تخافين
ذهب... تعبت جلال ع كلشي مشاكل ما يوم ارتاحيت خلصت طاقتي همام تجاوز كلشي ما عاد اتحمل
جلال... يضربج
ذهب... عادي تعلمت
جلال... تردين ترفعين شكوه عليه
ذهب ماعرف منين اجتني القوه وكتله... يي اريد
جلال... متأكده
ذهب... يي لان هوه اذاني ومااكدر بعد اتحمل
جلال... اوك من رخصتج
همام طلع جلال بس وجه مايبشر بالخير كتله... هاا شنو كالت
جلال... همام صباح سعيد لازم تتفضل ويانه
همام... شنو ليش
جلال... ذهب رفعت عليك شكوه وتقرير الطبي يثبت انو هيه تعرضت للتعذيب
همام... لا ذهب ماتسويها دفعته ودخلت شفتها كاعده كتلها... ولج حيوانه اني تسوين بيه هيج اني تردين تدخليني السجن
ذهب مارديت عليه شكله معصب حيل
همام... ولج بنت الكلب ردي هسه تسحبين الشكوه
جلال... همام هاي شنووو هسه حته لو بيها تمل نساعدك هاي عملتك خربت كلشي امشي كدامي
همام ضليت اباوع ع ذهب ولا هتمت مو نفسها ذهب لا هاي غيرها مشيت وبدون مشاكل بس اتصلت ع ضرغام وكتله يجي للمستشفى
جلال... شباب انتم روحو اني اخذه وياي
الجنود... حاضر سيدي
جلال... يلا امشي كدامي اليوم اني خفر راح اخليك بس اليوم بالسجن وانته تبقى وياي
همام... شلون تسوي هيج ليش شمسوي وياها اني
جلال... كول شنو ما مسوي البنيه صايره خريطه ولا تنتحر شنو بعد تريد
همام... جلال اكرها تعرف شنو اكرها من اشوفها اتخبل
جلال... همام بس اني ود كلتلي انو انتم واحد يحب الثاني وخواي اعترضو زواجكم شنو سبب هذا الكره
همام... فرقد يي فرقد هوه السبب
جلال... كافي شبيك فرقد وابن عمه بالسجن همه كاعد يتعاقبون البنيه شكو بالنص البنيه مالها دخل واصلا هوه شنو اللي هيه سوته حته كل هذا يصير وياها
همام... ماادري جلال ماادري تعبت وهيه صارت وسيله افرغ غضبي بيها وهيه ماتمانع بالعكس تسلم نفسها إلي حته من اضربها ماتححي ولا طلع صوت
جلال... طبعا ماتريد تفضح نفسها و نسوان خوانك يشمتن بيها
همام... ااااخ
جلال... همام
همام... هاا
جلال... تحبها
همام... احبها بس اكو شي بداخلي يمنعني عنها
جلال... ماكو هيج حجي لو تحبها لو تكرها
همام... احبها احبها تعرف شنو احبها اجذب اذا اكلك اكرها مااكدر اكرها لان هيه كلشي بحياتي
جلال... لعد ليش تضربها ليش تعذبها
همام... مو بيدي احس واحد يكلي اضربها موتها
جلال... هه همام لا تضحكني شنو هيه لعبه
همام... والله العظيم هيج احس كل ماريد احجي وياها بهدوء احس بي
جلال... المهم هسه اخليك توقع تعهد ماتتعرضلها مره ثانيه وتبقى اليوم يمي
همام... مابيها مجال اطلع
جلال... لا وانته ما راح تدخل للسجن
همام... الله كريم وصلنه للقاطع دخلنه اوووف ياهمام اخر عمرك تدخل للسجن دخلنه الغرفه جلال هوه كل شوي وطالع وقعت التعهد بالي كله يم ذهب شصار وياها اتصلت ع ضرغام
ضرغام... هاا همام وين انته
همام... شنو شصاير
ضرغام... ماكو شي بس هاي الدكتور يكول يمكن تضربها جلطه
همام... شنوووو
ضرغام... مثل ما سمعت لان علاج ابوي مأثر عليها ومعدتها متاذيه
همام... وهسه شنو كلك
ضرغام... كال تضل ساعتين ع مايستغر وضعها
همام... الله ينعل الشيطان الله كريم
ضرغام... انته وين رحت ماتكلي
همام... وين رحت غير اجوي الشرطه حققو وياها واشتكت علي
ضرغام... شنووو تحجي صدك
همام... قابل اجذب عليك
ضرغام... بس شلون ليش ذهب سوت كل هذا وليش تحملك المسؤليه
همام... مو مهم بعدين نحجي يلا مع سلامه نهيت الاتصال وضليت كاعد عيني مايجيها النوم بالي كله يم ذهب ضرغام خلاني اخاف اكثر عليها شوي ودخل جلال يحجي بالجهاز ويضحك
الكتابه.... هممممم خلي جلال يعرف عن نفسه
جلال... هلا اني جلال عمري 32 سنه صاحب بنيه ضخمه عندي عضلات احب التحرر والتحديات ضابط وان شاء الله عن قريب رتبتي تتعله عندي 5اخوان وخوات 2 ابوي متوفي من كان عمري 15 خواني متزوجين وخواتي كذالك كلنه عايشين بيت ابوي محد من اخواني طالع بيت وحده مامتزوج ويمكن راح ابقى عمري كله بدون زواج حالياً كاعد ابني بيت اللي اريد اطلع اني وامي لان مشاكل إخواني ونسوانهم ماتخلص كل يوميه تعلك بينهم ويوصل صياحهم الاخر الدنيه ابد ماعدهن مستحه حته لو بعده ما ضاربها تبقى تصيح وصوتها يلعلع شغلي 15يوم بالبصرة و 10ايام هنا بغداد وبهاي العشر ايام هم اشتغل بغداد بيوم كاعد بالقاطع اللي مسؤل عنه اجانه اتصال من ع انو اكو بنات يشتغلن بالدعاره والمخدرات بمنطقه... رحنه للمكان ماكو شي   اعتبرنا بلاغ كاذب رجعنه للقاطع تقريباً نص ساعه اجانه اتصال من مستشفى.... وبلغ عن حاله مريضه فاني رحت بنيه حلوه يطلع عمرها 15 او 16 سنه بعدها صغيره حققت ويه اخو البنيه طلعت مخطوفه ومغتصبه بهدف الانتقام اسبوع كامل احاول احقق ويه البنيه هيه ماكو نفسيتها تعبانه تركتها ترتاح وحققت وياها وحدنه البنيه تشبه هاي الثانيه اللي بره عرفت اسمائهن ود وذهب فعلا اسمائهن جايه ويه شكلهن كالت منو سوه بيها هيج وشنو دافعه الكل هذا القينه القبض عليهم وصلت الشكوه للقضاء وصارت المحكمه بدون تردد اعترف كدام القاضي ويكول كسرت ضهرك مثل ما كسرت كلبي اخذتها مني اخذت اختك منك وعساك تسمعها كل يوم تصيح بإسمي فعلا ناس ما تستحي ضليت اني وإخوان ود ع تواصل واكثر واحد همام صار صديقي بعدها ضلت ود برأسي كاعده دائما افكر بيها رحت البيتهم ونطيتها رقمي علمود اتواصل وياها وفعلا بليل راسلني صارت تحجيلي كلشي صرنه أصدقاء بكل معنا الكلمه صح هيه اصغر مني بهواي بس اتكول اريد اشمي همي الواحد غريب وانته هذا اللي راح اكدر احجي وياه اني تكول وتكعد اتزوج واتزوج واني يابويه اكلب الببت ع روسهن نسوان اخواني مالهم دخل بيه ملابسي كله اوديهن للمغاسل يغسلوهن اكلي كله بره ويه أصدقائي حته مرات مارجع للبيت كله ويه الولد بشقتهم بيتي كمل بعد بس الأثاث ويصير توب اتصلت ع ود اريد اعرف شصاير هيه تنقلي اخبار بيتهم اول بأول
ود... هلا
جلال... هلا هاي شصاير اليوم
ود... كول شما صاير
جلال... لا صدك ولج هاي ذهيبه ذبت اخوج بالسجن
ود... يستاهل يريد يموت البنيه يوميه كالتها وهيه تسكت وشوف شصار وياها انتحرت من وراه
جلال... ولج هذا اخوج
ود... لا اخوي ولا بطيخ جلال خلي مكانك بمكان ذهب يوميه تنضرب تقبلها اتخيل علمود ماتعيش اخذت علاج وحركت غرفتها
جلال... شنو شنو يا غرفه
ود... يي غرفتها نصها احتركت
جلال... شو ماعندي علم بهذا الحجي
ود... يي منو راح يكلك غيري اني
جلال... ههه يي صدك منو راح يكلي غيرج انتي
ود... هههه قصدك اني انقل حجي
جلال... اللي ع راسه بطحه يحسس عليها
ود... هاا هيج صارت بسيطه يلا باي
جلال... ولج شبيج اتشاقه وياج
ود... روح زعلت
جلال... يمه زعلت الحلوه
ود... جلال روح زعلت لا تحجي وياي
جلال... لا يابه لا تزعلين واني باجر راح اطلع للبصره وانتي تعرفين المكان بعيد وبناتهم حلووات يمكن اروح وبعد ما ارجع
ود... روح والقلب داعيلك
جلال... يمه أدعي عجوز البين
ود... يلا روحي امي تريدني بعدين احجي وياك
جلال... يلا باي نهيت الاتصال
همام... جلال اريد اطلع ذهب تعبانه
جلال... ليش سنو بيها
همام... ضرغام يكول احتمال تضربها جلطه
جلال... اوك كوم نروح نشوفها
همام... ماعرف شلون أشكرك
جلال... يأبه هسه هيه مال شكر كوم
همام رحنه للمستشفى وصلنه دخلت بسرعه رحت ع الغرفه اللي موجوده بيها شفت ضرغام واكف يم الباب رحت عليه وكتله... هااا شلون صارت
ضرغام... الحمدلله الدكتور انطاها علاج وكال مايصير تاكل او تشرب مده 24 ساعه معدتها ما تتحمل
همام... ويمته يخرجها
ضرغام... ماادري يمكن هسه بس يخلص المغذي
همام... الله كريم ضليت كاعد يم الباب شوي واجه الدكتور كال تكدر تخرجها خرجناها وصلنه للبيت
خوله... هاا يمه الحمدلله ع سلامتج
ذهب ابتسمت مابيه احجي
خوله... هيج كالوها خايبه شجاج همزين مارحتي منه
همام... يمه هسه مو وقت هذا الحجي خليها بعدين
خوله... روح يمه انته ومرتك نامو بغرفه ود و ود تجي تنام بغرفتنه
همام... لا نام بغرفتنه أحسن
خوله... يمه يا غرفتكم هيه غرفتكم تندخل نصها احترك
همام... يلا باجر اجيب واحد يسويها يلا حياتي امشي
ذهب انداريت عنه وحجيت ويه ود... ود تعالي سنديني خلي اصعد
ود... ان شاء الله حبيبتي امشي اخذتها وصعدت للغرفه
ذهب... قفلي الباب ماريده يدخل
ود... ذهب ليش هيج سويتي
ذهب... ولج ورطني نداء العصر من طلعتي اجت انطتني حبوب وتكلي انتي ردتي مني اني ما انتبهت ع الحبوب مال شنو بعدين اجه اخوج شبعني كتل كافي تعبت منه
ود... هنه هذان ما يملن يردن يموتنج ولج انتي حرام تبقين ويه هذا اللي ما يخاف ربه كافي سالفه الحيه والسحر منو يسوي غيرهن وهسه هاي والله يعلم بعد شنو راح يسون علمود يخربن بينكم
ذهب... اني اخوج بعد مااريده خلي يروح كافي تعبت منه ومن كلشي بحياتي
ود... اسمعي طلكي منه ما يفيدج هيج واحد مثل همام
ذهب... الغرفه احتركت
ود... انتي لاعبه لعب بيها ما مقهوره غير ع الفرشه بعدها جديده
ذهب... ههه ام فليس
ود... شسوي غير طالعه ع بنت عمي
ذهب... ييي والله نسخه طبق الأصل ع نداء و رجاء
ود..... 😲😲😲😲 ااااااني مثل نداء وأختها انيييي
ذهب.... يييي انتيييي انتتتي مثلهن
ود... ولج حكيره اني هيج
ذهب... انتي حصيره
ود... انتي زوليه
ذهب... انجبي شايفتني ولد حته تكولين علي زوليه
ود... لا والله زوليه غاليه انتي هاي اللي يسونه من السعفه مال النخله المدور يخلون عليه الخبز
ذهب... ولج كافي بعد مابيه احجي
ود... سلامتج يعمري يلا نامي واني انزل يم امي خاف همام يريد ينام
ذهب... انجبي واكلي نعل نامي هنا
ود... ولج امي كالت انتم تنامون هنا اني شكو يمكم
ذهب... ماريده خلي يولي اكرها ماريد اشوفه
ود.. اوك براحتج
ذهب تمددت ع السرير واتذكر شلون كنت قبل الزواج اتذكرت همام وشلون كان تعامله وياي وشلون اتغير نمت ماحسيت غير يوم ثاني الصبح طلعت من الغرفه شفت همام نايم بالصاله الفوك ماهتميت دخلت للحمام غسلت وجهي معدتي كامت تكلب بسرعه استفرغت(اسفه ع هذا لعبان النفس بس لازم انقل القصه مثل ماتكلي اياها صاحبت القصه) حسيت احشائي تتقطع غسلت وجهي وطلعت شفت همام بالباب
همام... بيج شي
ذهب... بعد عني
همام... ذهب لا تسوين هيج والله كل اللي يصير خارج عن ارادتي
ذهب... هاا عود من يصير بارادك تعال
همام... ذهب لا تعبيني والله تعبان هموم الدنيا كلها فوك رأسي
ذهب... همام من الاخر خلص احنه مانكدر نكمل طلقني وكل واحد يروح بحال سبيله
همام... طلاق ما اطلق لو تموتين
ذهب... غصب ما عليك تطلق عفته ومشيت دخلت للغرفه هاي نايمه شفت جهازها اخذته وضليت اتصفح بي شوي واجت رساله من  الضابط جيوني (جلال) فتحتها
جلال... صباح المحبه بعدج زعلانه
ذهب رديت عليه... صباح القلوب الطيبه لا مزعلانه
جلال... ماحبيت اروح وانتي زعلانه
ذهب... تروح وترجع بسلامه
جلال... الله يسلمج شلونج ذهب شلونها
ذهب... تمام وذهب هم تمام وانته شلونك
جلال... تمام
ذهب... اوك  جيوني بعدين احجي وياك باي
جلال... باي دوده
ذهب  ورجعته بمكانه شوي وكعدت ود
ود... صباحوو
ذهب... صباحووو
ود... كاعده من وكت
ذهب... متعلمه ع نظام اخوج اكعد من صبح الله
ود... اوووي شكد عقده انتي واخوي كومي خلي ننزل
ذهب... اوك نزلنه جوه
خوله... هلا يمه ذهب
ذهب... هلا عمه صباح الخير
خوله... صباح النور يمه شلونج هسه
ذهب... الحمدلله
خوله... ولج ود اني امس سنو كتلج
ود... يا صباح خير شنو شكلتي
خوله... مو كتلج نزلي انخمدي يمنه اني وابوج وخلي اخوج ومرته بغرفتج
ود... يمه اني مدخلني ذهب ماتريد همام يجي يمها
خوله... هاي شنو بعد عود صدك هذا الحجي
ذهب... يي عمه صدك ماريده ولا اريد قربه مني
خوله... لا يمه رجلج مالج غيره
ذهب... عمه مو وكته هذا الحجي
ود... امشي ناكل
ذهب... اوك امشي رحنه للمطبخ وكعدنه نحضر بالاكل كملنه وكعدنه نريد ناكل ماشوف غير ضرغام صاح علي
ضرغام... ولج ذهببب
ذهب... شكو شصاير
ضرغام... ستري علينه ماناقصين جرجره
ذهب... شكو شسويت هسه
ضرغام... مايصير تاكلين هسه اصبري منا لليل
ذهب... شنو ليش
ضرغام... معدتج تعبانه لا تاكلين ولا تشربين منا البعد 24 ساعه
ذهب... اوك اوك ما اكل هبطتني تركت الاكل شوي وعمتي صاحت ع ضرغام و ود علمود يصعدون نطلع اغراض الغرفه لان همام يريد يجيب واحد يصبغها لان الصبغ كله خرب صعدنه اني و ود وضرغام
ضرغام... ينعل بليسج ع هاي الدكه لو حاركه البيت
ذهب... حرامات ما احترك
ود... يي والله عسا يحترك ولا ينباع
ضرغام... الله لاينطيجن يا نداء ويا أطياف لعبتن بعقول الولد
ذهب... يي والله
ضرغام... انتي كعدي ع صفحه اني و ود نشتغل
ذهب... اوك كعدت وهمه ضلو يطلعون الملابس وبعدها الكنتور كالو بعدين نفتحه ونطلعه الفراش كله محترك و السرير باقي ع النص طلعوو بعدها سحبو التاج مال السرير ومانسمع غير ضرغام... يمه اشتغفر الله شنو هذا
ذهب... شنو شبيك
ضرغام... تعالن شوفن
ذهب تقربنه اني و ود ضلينه وحده تباوع بوجه الثانيه

هلا شلونكم عيدكم مبارك وكل عام وانتم بخير هذا البارت هديه بمناسبه العيد احبكم من القلب للقلب