عندما تتساقط الاقنعه

البارت 16

السلام عليكم ورحمة الله وبركاتة . اتقدم اليكم بالتهنئة قبل أن تبدأ عواصف الرسائل
لأفوز بلحظة صفاء وهدوء
وأقول بأصدق مشاعرى
ختم الله شهركم بالرحمة والغفران والعتق من النيران وتقبل صيامكم وقيامكم وصالح أعمالكم
وجعلنا واياكم من عتقائه من النار
وجعل ختام صومكم عبادة والعيد لكم فرحة وسعادة
      وكل عام وأنتم بخير.

*ملاحظه::مرات اختم البارت وارجع اكتب نفس الكلمات اللي ختمت البارت اللي قبله بيهن لان اسوي عليهن تعديلات واواضح بيهن اكثر متابعه ممتعه ومره ثانيه كل عام وانتم بخير احبكم وان شاء الله العيد القادم راح تكول عائله اكبر

ذهب مر الايام والاشهر مثل ما هيه رجعنه للمدرسه بس خلينه سايق خاص يجي ع الوقت بالضبط ومر ع خطف ود 8اشهر حالتها اتحسنت اما الولد يعتبرون ود الغلطانه جواد تغير كام بس يصيح علي اما عمي خطيه صارت عنده جلطه بسبب عمي سالم إما اني عايشه عذاب ويه همام ابد مامرتاحه راح يصير النه سنه من متزوجين بس الراحه معدومه بينه بس من تجي ساعه العوز (الحاجه) يجي يتغازل و ويدلع ولو كتله ماريد لو ماريده يكلب الدنيا ع راسي عشت حياه ع كلشي مشاكل مثل قبل يومين رجعت من المدرسه تعبانه هوه رجع من شغله غير ملابسه وكلي
همام.. اخذي هذان غسليهن
ذهب... يي بس خلي ارتاح شوي
همام... كومي لا اجي ادفنج
ذهب كفيت البطانيه بانزعاج وكمت اخذتهن بنتر من ايده ماحس غير شعري انعت خليت ايدي ع ايده وكتله... همام شبيك شعري
همام... بنت الكلب اني هيج تتصرفين وياي
ذهب... همام والله مو قصدي شبيك
همام... تحترمين نفسج وتنجبين حمدي ربج بعدج ع ذمتي لو واحد غيري يطلكج ويذبج بالزبل
ذهب... اذا ماعاجبك طلكني ضلت عليك انته
همام... انجي واكلي نعل لا اكسر عضامج
ذهب دفعني ع الحايط وطلع ضليت ابجي ع حظي ليش فرقد ليش هيج تسوي دمرتني ودمرت نفسك حرام عليك والله حرام اني شمسويتلك حته هيج اللي يحب ما ياذي انته مو اذيتني انته دمرتني خربت حياتي ربي ينتقم منك ومن امثالك كمت غسلت ملابسه وخليت راسي ع المخده ونمت حسيت ع همام يغير ملابسه ما حجيت عباله نايمه كمل ملابسه وطلع حته ما اندار علي المهم هذا حالنه تقريباً وره يومين الولد كلهم كامو يصيحون نريد ورثنه بيعو البيت اطياف اللي جنت معتبرتها حبابه طلعت حيه
واكثر من نداء  عمي يكلهم البيت ما تبيعوو وسام وجواد كانو مصرين ع بيعه البيت

همام من بعد سالفه خطف ود كرهت ذهب لان بسببها هيه صار هيج كل الحب اللي بقلبي تحول الكره والحقد اتخبل منها هيه هاي اللي استقتلت علمودها هيه هاي اللي حاربت عمامي عليها اختي خسرت شرفها بسببها المسؤال الوحيد ع الصار ذهب يي ذهب ماكو غيرها اتعلمت يوميه ارجع للبيت لازم اضربها حته لو مامسويه شي اكعد ادك عليها وهيه تستسلم بين ايدي وكانما تكلي كمل اضرب فرغ كل غضبك واني ابد ما ارحمها اموتها ادميها يلا اتركها وهيه تضل نايمه ع الارض لحد ما اني اطردها من الغرفه احاول مااتقرب منها بس لا حياه لمن ينادي اني أضعف كدامها وافقد السيطره ع نفسي وامشي وره غريزتي مرات اتفاجأ من ذهب ما تمنعني من اضربها لا من اتقرب الها تعترض هاي هيه ذهب غامضه محد يعرف شنو بداخلها