عندما تتساقط الاقنعه

البارت 13

ما أجمل شعور الحب وما أصعب الخيبة فيه كيف لك أن تسقط من سماءٍ سابعةٍ بعد أن عانقت السحاب، لترتطم بقاع الأرض فتتحطّم ويتحطّم كل ما في داخلك، ما أقساه من شعور أن تضع أملك بشخص أسميته حبيب وأثبتت لك المواقف عكس ذلك أن ترسم أحلامك لشخصٍ خذول أن تهدر مشاعرك على من لا يستحق ما أقساه من شعور.

شنو راح يصير لا مامعقوله اني بنت عمهن ماعتقد أثناء تفكير شفت موتي شريط حياتي كله مر كدام عيوني اريد احجي مااكدر خوف من الموت يي اخاف من الموت واني اشوف ساعه موتي قريبه علي اشوفها تتقدم باتجاهي هناا يا ذهب هناا راح تموتين ومحد راح يعرف بدون ما احس وبدون سابق انذار طلع صوتي واني اصرخ... ولجججججججج عمه لحكيللللللي اصرخ واشوفها تتقرب علي ضليت اصيح وابجي ما اتحرك من مكاني اخاف أتحرك ولجججج ودددددد وينج راح اموووووت انفتحت الباب
ضرغام... وثول شب... انتبهت ع الحيه وصحت ولج ذهب لا تتحركين
ذهب... ضرغام حباب ماريد طلعها
ضرغام... ولج ضلي بمكانج
ذهب طلع ضرغام وصارت هوسه كلها وكفت بالباب رجع ضرغام وراه همام بيديهم كرك(مجرفه) همام بسرعه ضربها ع رأسها مرتين  ورجع يضربون بيها لحد ما كلش خلصو عليها اخذها ضرغام وطلع اجه همام
همام... لا تخافين خلص ماكو شي
ذهب... منين اجت قبل شوي ماكو شي
همام... لا تفكرين انسي ماكو شي
ذهب دفنت راسي بصدره وضليت ابجي
همام... هسه ع شنو هذا البجي تره منها منفع رجع صوتج
ذهب رفعت رأسي وكتله.. شنووو
همام... وثول شبيج
ذهب انتبهت ع نفسي وضحكت وكتله... رجع يي رجع صوتي عااا
همام... هه صارلج ساعه تصرخين هسه يلا انتبهتي بس هاي شجابها هناا شدخلها
ذهب... مااعرف بس الباب ماجان مفتوح واني من دخلت للحمام هم مامفتوح وهيه جبيره ماتدخل من الفتحه اللي جوه الباب والشباك مقفول
همام... اعد شلون دخلت واصلا شلون دخلت للبيت كله
ذهب... ماعرف شلون بس خاف اكو بعد
همام... انتي لا تخافين ماكو بعد
ذهب ما حبيت اكله ع كلام نداء ورجاء لان مااتوقع هنه هيج يسون معقوله كتله... همام هاي راسها عريض يعني مو محليه
همام... شنو قصدج
ذهب... ما قصدي شي بس اني قاريه الكوبرا انو هيه تعيش بأفريقيا ا جزر الهند وجزر الفلبين يعني ماموجوده هنا
همام... حبيبتي اكو ناس ما تخاف من ربهت تاجر بيهن واحنه بالعاصمه اكيد من خلال هذا تواجدت هنا
ذهب... اوك حبيبي
همام... ولج يمه رجع السانها وراح ترجع تعذبني بكلامها
ذهب... ليش عندك شك انو اني ما أحبك ولك انته حبيبي وعمري وحياتي و تمي وابوي واهلي كلهم انته وحدك بقلبي
همام حضنتها وكتلها... مدام اني حبيبج وعمرج وحياتج ولا تنسين اليوم نقذتج من الموت يعني لازم تكافئيني ع هذا الشي
ذهب... شنو بعد صارلك أسبوعين موتني ومااكدر اكلك لا
همام بثكل وجه... هااا يعني ماكو
ذهب شفته زعل واني ما اكدر ازعله كتله... لا حبيبي مو قصدي بس مو هسه بعدين لا تنسه عدنه خطار
همام... هاي شعدها هناا
ذهب... ماعرف هيه اجت
همام... سمعتج حجي
ذهب... يي بس عمه ردت عليها اني ما حجيت
همام... عفيه اريدج هيج لا تردين عليها تره تريد تثبت انتي صاحبه السان وما تستحين
ذهب... لا لا تخاف بعد اني مادخلني بيها عمتي تردها
همام... عفيه ببنيتي الشاطره اللي تسمع الكلتم
ذهب من كال بنيتي ذكرني بابوي كتله... همام
همام... هاا
ذهب... ماعرفتو شي عن ابوي يعني صارله اكثر من 4سنوات وهوه ماكو
همام... ليش تسئلين
ذهب... حابه اعرف
همام... ذهب سمعي قبل زواجه باسبوعين اتصل صديقي ضابط بالشرطه كلي يتوقعون هوه بروسيا يعني ما متأكدين هوه بس نفس الاسماء ومن خبرو امن روسيا وراحو يتعرفون عليه طلع مو هوه هذا رجال روسي
ذهب... يعني ماكو خبر عنه
همام... ماكو وكافي انسي ابوج
ذهب... اوك حبيبي راح نزل احضر بالأكل علمود تتغده
همام... يي والله ميت جوع
ذهب... الو بطن مو بيدك تموت ع الاكل
همام... ولي ولج حته ع الاكل لاحكتني
ذهب... لا يعمري الف عافيه تره حته اني ماتغديت
همام... يلا روحي بسرعه
ذهب ابتسمت ونزلت يم باب المطبخ سمعتهن يحجن
رجاء... بنت الكلب والله عدها بخت شفتي ردنه نموتها رجع صوتها
نداء... يي مو هوه حظ الكح.... كاعد وخيه كاعد حظها
رجاء... ولج خسرت 300الف ع هاي الحيه تروح هيج بلوشي
نداء... هسه اهم شي محد يعرف شلون دخلت
ذهب دخلت للمطبخ وكعدت أحضر بالاكل كملته وصعدت للغرفه همام كاعد شافني وعدل كعدته وضل ياكل واني عيوني عليه اخاف بيوم يكدرن يفرقنه مستحيل اتخيل حياتي بدون همام صح مصارلي هواي من حبيته بس هوه صار كل حياتي ماتكدر بدونه قاطع تفكيري صوت همام
همام... شبيج ماتاكلين
ذهب... مابيه بس دافكر
همام... ذهب كافي لا تضلين تفكرين انسي ماكو شي
ذهب... لا حبيبي ماافكر بالحيه اكو غير سالفه بالي
همام... شنوو
ذهب... ماكو شي
همام... اهااا يعني ماتكليلي شنوو
ذهب... لا مو هيج بس مو شي مهم
همام... كولي شنو
ذهب... كاعده افكر هم بيوم راح تتركني
همام... طاح حظج ع هذا التفكير ليش اتركج انتي حياتي وكلشي بديتي اكدر اتركج
ذهب... همام بس رجاء مااتوقع راح تتركني بحالي اكيد راح تحجي علي وتخرب بينه
همام... ذهب محد يكدر يبعدنه شفتي عمج سالم شسوه علمود مااخذج واخذ رجاء بس اني اكرها وحده ماعدها كرامه الناس تخطبها وهيه ماتريد ومن يسئلوها تكول اريد همام ماريد غيره انتي بعدي عنها وعن اختها هذن وراهن مصايب وانتي مو كدهن يتجاوزن عليج لا تردين عليهن تعالي الي اني اتصرف وياهن واذا صار وما وكفت وياج انتي تصرفي ولا تخافين من اكبر رأس هاي اذا ما وكفت وياج ذهب اني احترم هسه واكف عليج اذا انتي احترمتيني كدام الناس الناس كلها راح تحترمني بس اذا اتجاوزتي علي لو ماتحترميني الناس كلها راح تكول علي دجاجه يخاف من مرته وامي ذهب امي تخلينها بين عيونج والله اذا اسمع بيوم رافعه صوتج عليها ادفنج بدون ما يرفلي جفن لا تصيرين مثل نداء مالها رداد واخوي مايرد عليها لا اني اموتج لا تكولين يحبني وما يكدر يسوي انعل ابو هيج حب اللي يخلي مرتي تعلي صوتها ع امي
ذهب... حبيبي تعرف اني اعتبر عمه خوله امي تعرف اني تربيت ع ايدها
همام... اعرف بس اكلج خاف بيوم من الايام تفكرين تعلين صوتج عليها
ذهب... مستحيل همام عمه خوله امي وماا راح اعلي صوتي عليها
همام... عفيه اريدج هيج ماريدج تلاسلين وتتجاوزين
ذهب... وعد ما اتجاوز ع احد ولا ارادد راح اصير عاقله
همام... فديت اللي تسمع الكلام وهسه يلا كومي نزلي الأكل
ذهب ابتسمت واخذت الصينيه ونزلت دخلت للمطبخ كعدت اغسل بالمواعين كملتهن ورحت يم ود
ود... ذهب اني اعرف هاي شلون دخلت الغرفتج
ذهب... شلووون
ود... اني شفت نداء و رجاء دهلن الغرفتج وبيدهن العلبه اللي كالت امها دازتها النداء ماعرف شنو بيها واني عبالي انتي بالغرفه ومن ضليتي تصرخين ماعرف شنو بيج بس من دخلنه وشفنه الحيه بالغرفه وشفتهن خايفات اتاكدت اكو انه بالموضوع بس شلون كدرن يسون هيج
ذهب... اعرف هنه وره هاي السالفه
ود... تعرفين
ذهب... يي اعرف ومن قبل لا تدخل الحيه سمعي اني من اجن صعدت للغرفه اريد اغير ملابسي سمعتهن يحجن يردن يتخلصن مني بس ماكنت اعرف شنو يردن يسون وقبل شوي من نزلت احضر الغده الهمام سمعتهن يحجن
ود... وليش ما حجيتي وكلتي هنه
ذهب... منو راح يصدك وماعندي اي شي يثبت انو هنه ورا هاي السالفه وماريد تصير مشاكل
ود... انتي والله ع نياتج
ذهب... وع نياتكم ترزقون واني ع نياتي وربي رزقني باخوج شريد بعد
ود... تحبينه
ذهب... اموت عليه
ود... بس أكبر منج
ذهب... عادي احبه اني اتمنه واحد أكبر مني وشايب
ود... علمود من يمتوت تاخذين فلوسه 😆😆
ذهب... يي اموته واخذ افلوسه😂😂😂
ود... بالنص اني وياج
ذهب... مال شنوو انتي هذاك ابوج روحي اخذي ورثج منه اني لا عندي ورث ولا شي ابوي والشرطه تدور عليه ومتعرف وينه
ود... لا ابوي مايقبل يوزع الورث اخذ منج
ذهب... يي عادي هسه اخلي سم مال فار واموته
ود... ولج سم مال فار ما يموت بس يستفرغ يصير زين
ذهب... هاا لعد اخلي ست رجاء تجيبلي سم مال حيه علمود كلش
ود... يي هيج نموته بسرعه
ذهب ضلينه نسولف ونضحك ونصنف ع نداء و رجاء مر شهرين ع هاي الحادثه واني عايشه مثل الملكه ويه همام احلل عيشه صح ما سلمت من الحيتين بس جان عمتي وهمام يردون عليهن اني اشوفهن يدافعولي ارتاح ومااحجي مر شهرين احلا شهرين بحياتي رجعنه للدوام حياتي معتدله بين الدراسه و البيت همام دائما يكلي درسي لا تشتغلين بس نداء تضل تحجي وغصب اكوم اهم شي ادلل بالغرفه مااشتغل وانام بحضن حبيبي بعد مااهتم الى ان اجه اليوم اللي راح يغير كلشي بحياتي راح يغير همام بدون ذنب الغلط مو غلطي بس اني اللي راح اتعاقب عليه

يا صدمتي في أكثر الناس ويا خيبة ظنوني يا ضيق صدري لا ذكرت إني عليهم ما كذبت يا طعنة خلتني انسى من سبايبها طعوني يا جرح ماله طب حتى لو أقول اليوم طبت البارحة والله يكون بعون أحاسيسي وعوني أحاول أهرب من عمايلهم ولكن ما هربت

💔💔💔💔💔💔💔

هلا حبايب قلبي شلونكم اخباركم اسفه هليام ما ملتزمه بالنشر بس تعرفون العيد قرب و تنضيف ومن هاي السوالف مااكدر اكتب نفس قبل شنو تتوقعون راح يصير بهذا اليوم وليش همام راح يتغير ع ذهب وشنو الغلط اللي راح ذهب تتعاقب عليه انتظروني بارت قادم اشكركم ع تفاعلكم اتمنه تشاركون القصه وخل تفاعلها يصعد احبكم من القلب للقلب