Unspoken Thoughts

Paano kung mahalin ka niya kung kelan hindi mo na siya mahal?

Paano nga ba?

Kung yung dumating yung pagkakataon na matagal mo nang hinihintay?

Yung panahon na mamahalin ka na ng taong mahal mo?

Pero bakit hindi ka man lang makaramdam ng saya?

Bakit hindi mo maramdaman yung gusto mong maramdaman?

Yung pakiramdam na parehas kayong nagmamahalan.

Pakiramdam na parang kayo lang dalawa kasi sa wakas mahal ka na niya.

Bakit hindi ka man lang makaramdam ng saya?

Akala ko ba ay iyan ang gusto mo? Na yan ang sandaling pinakahihintay mo?

Masyado na bang huli ang lahat o sadyang may hangganan lang talaga yung pagmamahal na kaya mong ibigay?

Huli na ang lahat kasi bakit nga ba ngayon lang?

Bakit hindi noon kung kailangan siya lang yung lagi mong hinahanap-hanap

Siya lang yung lagi mong iniisip

Iba na kasi ngayon, masyado na siyang nahuli

Nabaling mo na sa iba yung atensyon mo

Atensyon na noon ay pinagkakait niya

Atensyon na noon ay pinakahihiling mong ibigay niya

Napagod ka na nga siguro kakahintay

Napagod yung puso na maghintay sa wala

O baka naman namanhid na

Kasi masyado ng masakit

Masyado na siyang masakit para ipagpatuloy mo pa yung pagmamahal mo sa kanya.

Masyado ng masakit na umabot sa punto na ayaw mo na

Ayaw mo na kasi ang sakit sakit na, at ayaw mo na kasi nakakapagod na.

Masyado na kasing huli ang lahat. Masyado ng huli para sa inyong dalawa.

May hangganan kasi ang lahat ng bagay.

Kahit pagmahahal ng isang tao ay may hangganan kahit pa gaano sila ka tapat magmahal

Kahit pa ayaw nila itong pakalawan. Bibitaw sila ng kusa kung umabot na sila sa hangganan.

Kasi hindi naman pwede na isa lang yung nagmamahal.

Hindi naman pwede na isa lang yung nasasaktan.

Pasensya ka na. Masyado lang talagang masakit kaya ako'y bumitaw na.

Pasensya dahil hindi ko na kaya. Patawad kasi ayoko ng masaktan pa.

Oo, mahal kita pero noon yun at hindi na ngayon. Pasensya ka na kasi masyado ng huli ang lahat para sa ating dalawa.

Kaya ngayon ako'y mamamaalam na.

Masaya ako kasi nalaman kong mahal mo ako.

Mahal mo na ako, ang saya sana kaso wala na'kong nararamdaman pa para sayo.