Balintataw Ng Unang Pag-Ibig
Bigla na lang titingin sa kawalan
Iniisip kung ano nga ba'ng dahilan
Bakit ba ikaw pa ang napili
Hindi siya na ako ang minimithi?
Ngayon, nasayang na lamang itong pagkakataon
Na dapat iba na ang kukuha ng aking atensyon
Ngunit hindi magawa pagka't ayaw kumawala
Ng pag-ibig ko sa'yo na mabigat at malubha
Ano ba kasing mayroon saiyo?
Bakit hindi makalingon sa nasa tabi ko?
Siya na hangad lamang ay mapansin at kausapin
Ngunit ikaw kasi tinitibok ng aking damdamin
Pasensya na at mahal kita kahit may mahal ka nang iba
Tulad niya na ang mga mata'y sa'kin lamang nakapako
Hayaan mo, iiwas ako kahit bansa pa ang layo
Upang maibsan lamang sakit na idinulot ng aking pag-ibig sa iyo.