هلي وماراح اسولفهن بعد كلهن
هلي ميت والسوالف بيه دافنهن ..
مهنـد
بعد ماسمعت عمتي كالت ياسمين حامل ما ماعرفت شسوي كبل كمت طلعت وحسيت هاهية انتهئ كلشي مااحس الة طلقات ترسن جسمي ترس وطلقة اجت قريبة م̷ـــِْن كلبي كبل طحت وماحسيت بشي بعد .
محمد
مااشوف الة مهند مدد بالكاع وفايض دم حسيت رجلية بعد مااشيلني راح اخوي بالكوة ركضت علي وصاير عبارة عن جثة شلتة واركض بي واجوا الولد وعمامي وجدي يركضون بساع حطيته ورة بالسيارة واني يمة وحسين يسوق وبوية بالصدر احاجي بمهند مااريد يغمض عيونه راد يغمضهن وكتلة خوية تحمل لٱ تسد عيونك يبعد عيوني مابقة شي ونوصل بس اصبر انتَ قوي انتَ مهند تحمل بعد اخوك، كلي وهوة بالكوة يحجي محمد كتلة هاا ياروح محمد ،كال وهوة بالكوة يجر نفس ويحجي اذا اذا اموت جفنوني بعبايتهة، وغمض عيونهہ واني صحت سوق بسرعة راح يروح اخوي م̷ـــِْن ايدي، وصلنة للمستشفئ نركض بي وكلهة اجت ورانة اخذوه للاسعافات ودخلوا هواية دكاترة ساعة ساعتين محد طالع واني علئ نار واجوا رافد واحمد وحيدر، رافد كبل اجاني لزمني م̷ـــِْن كتفي كال محمد مهند وينة ليش ليهسة ماطالعين م̷ـــِْن الغرفة اخوي بي شي ضليت اهدي بي وابوية كاعد بالكاع وايدة علئ راسة وجدي مبين علي مكسور ومقهور شوي وطلع الدكتور م̷ـــِْن الغرفة كلهة ركضت علي سكت وكال احنة الي علينة سوينا الباقي يم الله استاذن منكم.
تمارة
شالوا اخوي ويركضون بي واني اصرخ وابجي كطعت روפــي م̷ـــِْن البجي واخواتي وامي وكلهة ويانة مرت ساعات واني علئ نار بس اريد اسمع خبر عن اخوية محد اجة رحت بالغرفة وكعدت بالكاع وضليت ادك علئ اخواني محد يرد دكيت علئ محمد رد كال الو واني بجيت كتلة محمد وين مهند شصار بمهند كلي دقيقة طلع بالحديقة وضل يحجي وياي وكال تمورة اخونة بين الحياة والموت ادعولة محتاج دعائكم بوية ياكسرتي اذا راح اخوية وصاحبي بوية شفته مدد وفايض الدم منة تمنيت روפــي بدالة اخ بوية يالمهندم يالطيب هيج يصير بيك وضل محمد يحجي هيج واحسه شكد خايف ومجروح علئ مهند واني ابجي كال اشش اشش اخونة ميصير بي شي ديري بالج علئ اخواتج وامج لاتعوفيهن بحدهن صيري قوية بعد اخوج ومهند يصير زين بس ادعولة نهيت الاتصال ويا مسحت دموعي ونزلت اهدي بيهن وانجبرت اكلهن زين مهند علمود اهديهن ورة شوي محد يحس خليت ورحت لبيتنة وكبل صعدت لغرفة مهند وكعدت علئ الجرباية مالتة وشبكت لحافه وضليت ابجي واكول سودة علية يبعد اختك انتَ طلعت ضايج وتلكنك الرصاصات خوية وبالمكان الي يوجعك بالكلب خوية، بكلبك المجروح خوية وابجي شلت المخدة ولكيت محفضته خذتهة وفتحته وشفت بيهة صورة ياسمين ورة الصورة مكتوب يا بعد كل اليوجعني ...
اخذت المحفظة والصورة وبساع رجعت للبيت.
فاطمة
كاعد بالكاع ومهدود حيلي علئ مهند مايستاهل ودموعي تنزل عشرة عشرة مهند نفس اخونة واكثر وسارة نفس حالتي فجأة دك مبايل سارة ياسمين تتصل عليهة كتلهة ردي عليهة وفتحي سبيكر ردت عليهة وفتحت السبيكر وياسمين ردت وهية تبجي الو سارة شبي مهند ? سارة كلتلهة تصوب مهند وحالته موزينة اسمع ياسمين ادك علئ رجلهة ودكول سودة علية سودة علية، كلتلهة سارة بغصة وقهر تدرين طلع م̷ـــِْن يمنة مجروح ومو اي جرح لٱ جرح كبير وتلكنة الرصاصات، ياسمين كالت شبي ليش مجروح سكتت فاطمة وكالت جنة كاعدين سوة نسولف ويمة كالت انتِ حامل وهوة نهد حيلة وكبل طلع ياسمين ضلت ساكتة وتبجي بصمت سارة كلتلهة كافي لٱ يجي زوجج ويشوفج تبجين شتكليلة ?تكليلة ابجي علئ حبي السابق لْـۆ شنو ياسمين كبل غلقت الخط، كتلهة سارة مو خطية ليش هيج حجيتي وياهة كالت سارة يمعودة كافي خلي تحس علئ روحهة هية موصغيرة بنية مزوجة خلي تتقبل الواقع الي احنة بي وخلص ،دخلت تمارة هادئة وساكتة تلكيناهة كعدت وذبت روحهة بحضني وضليت امسدلهة علئ راسهة وشوي وغفت .
أنت تقرأ
﮼عشق ﮼الشيوخ
Romanceاسم القصة _عشق الشيوخ أسم الكاتبة _رودة عدد البارتات _30 بارت (مكتملة ) نوع القصة _اجتماعية، رومانسية، عاطفية النبـذة : حب بين اولاد العم ليجمـع ،حب من طرف واحد استمر لـ6 سنـوات، وحب تولد في الداخل منذ الطفولة، وحب استوطن وتجسد في الداخل بمرور السن...
