﮼عشق ﮼الشيوخ

part 12

جنت اصدك حتئ جذبك ...جنت احبك 

ياسمين 

اليوم راح نعقد اني ومهند بالمحكمة  وراح ويانة بابا وعمو من الساعة 8 للـ1  بس يسون بالمعاملات وتحليل وهاي السوالف بحيث دخت وتعبت واخر شي واخيرا عقدنة عمو وبابا راحوا ومهند كال لبابا انو نفتر شوي ونرجع بابا كال ماعندة مانع عادي صعدنة اني ومهند بالسيارة لزم ايدي ويباوع بعيوني وكال واني ابقة علئ وعدي احبج لحد اخر يوم بحياتي ابتسمت بخجل وضغطت علئ ايدة واني اكول   اني وياك عالمره قبل الحلوه لتظن اعوفك بوقت الشدة ومهما يصير اني ضهر الك جر ايدي وباسهة وكال اويلي يابة لج شوكت راح يجي يوم واشوفج نايمة وامسح علئ شعرج وابوسج واطلع الشغلي خجلت وخرت ايدي وكتلة مهند لا تحجي هيج  يعني الة تطفر علئ الترابي ضحك ورجع جر ايدي وهوة يكولي يولي عوفيني فرحان فرحاان احبنج ومحمد شوي وكفنة بالازدحام واشوف بنية صافنة علئ مهند وهوة فجاة دار وشافهة ودرة بية منتبهة خلة وابتسم كبل ضغطت علئ ايدة وكتلة خيرر خير باوع بوجهي شكو تتبسم هناك كلت هيج واني الغيرة عاميتني ضحك وكال تغارين علي بنيتي  اي غار وسم يسم عروك كلبهة اليشاركني بيك ضحك وصاح اويلي يابة اروح فدوة للعصبية ابتسمت الة وهوة يسوق ويسولف وياي كتلة وين راح نروح كلي خليهة مفاجاة  ورة شوي وصلنة يم شط العرب جان حاجز طاولة مقابل شط العرب الجو حلوو حيل نسمات باردة النوارس الطيور الجو الاشجار    هاي التفاصيل الصغيرة الي تعجبني لزم ايدي وتمشينة شوي قبل لنكعد لازم ايدي ونمشي وكال ايام شهور سنين واني منتضر هذا اليوم جان املي بالله سبحانه وتعالئ كلش كبير انو راح يجي يوم وتصيرين الي وتسجلين باسمي وغصب عن الكل اخذج اني السهرت بالركن تالي الليل اني التعبت والحزنت والبجيت وتحملت وصبرت بس علمود اخذج انتي احلئ شي صار بحياتي مستحيل يجي يوم واعوفج انتي سبب عيشتي بهاي الدنيا وبدونج اني كلشي مااسوة همست احبك شيخي ضحك وكال اويلي يابة يروح شيخج انتي ورة شوي كعدنة عل الطاولة مكان شبه فارغ ماكو ناس هواية ناكل وطول الوقت صافن علئ عيوني كملنة طلب جاي جابوا الجاي ودنشرب وكال اويلي يابة واخيرا اجة اليوم الي جنت منتضرة ضحكت وكتلة يايوم حبيبي كال بصوت اشبه للذبول تجين نشرب جاي واباوع بعيونج واكلج شكد احبج واحب عيونج ضحكت بخجل وكتلة زين تجي نشرب جاي واعزمك علئ باقي عمري يعمري ضحك وجر ايدي باسهة ويباوع بعيوني وويتغزل بية وكلساع يتنهد ويكول اويلي يابة موش عيون غصن ريحان .

تمارة

كاعدة بالاستقبال اكلب بالمبايل ودخل بابا وماما يسولفون شوي بابا صاحني عفت المبايل وكتلة ها بابا كال هلا يبعد ابوج تعالي اكعدي يمي كمت معدت يمة باسني من راسي ويمسد بشعري كال والله كبرت بنتي وكاموا يطلبونهة من عندي بس كال هيج نغزني كلبي رفع راسي وكال بابا انتي كبرتي والناس ضلت تتقدملج وبعد تدرين ابن عمج احمد رايدج وين تلكين مثل احمد رجال ابن ابو زلمة حوك ينشد بي الضهر واني مااكدر ارفضه لين جدج  هوة الي طلب ايدج من عندي ويابا ترضينهة نرفض وجدج المتقدم وهسة انتي موافقة لو لا فكري زين ضليت صافنة كلت بكلبي اني صحيح مااريدة ولا احبة بس عيب ارفضه وجدي هوة المتقدم وابوي راح يستحي يرفض كتلة بغصة الي يعجبك بابا كال يعني موافقة صفنت علي وهزيت راسي بمعنئ اي باس راسي وامي هلهلت كمت  ركض صعدت لغرفتي وسديت الباب وكعدت ابجي والوم بروحي  ساعة اكول كوني مموافقة وساعة اكول لا لازم اوافق خابرت سارة وكتتلهة كال وهية تتهند وهسة ليش تبجين كتلهة مادري اني مااريدة ولا احبة وشهكت كالت ياحبيبتي اهدأي امكن راح تحبين شوي شوي وعلاقتكم تطور ترا احمد يموت عليج من الصغر واكيد راح يدللج ويعيشج اميرة  بعد ليش الخوف والبجي كتلهة سارة بس اني مااحبة ومااطيقة وتدرين دائما نتناكر ويصيح علية وعصبي كالت هسة لين ممعاشرتةومتعرفين اطباعه تحجين هيج والله لازم تعرفين شلون تصرفين وياه يعني مثلا تكضينهة بجي يياعمري ميصير هييج كتلهة ان شاء الله احاول وسديت الخط واني افكر بكلام سارة .