شنو الصارلك وتغير اسلوبك ؟
ياهو الصاحلك ونسيت محبوبك ؟!
سارة
اكعدي سارة يمعودة تاخرتي فزيت ياسمين تكعد بية كتلهة هاا شكو كالت كومي يمعودة راح تتاخرين علئ الصالون كتلهة عفية مااريد اروح عوفوني تنهدت وكالت يااعمري دكومي هسة الة تخلينهم يحجون ماالنة خلكهم كعدت دخلت سبحت طلعت تريكت اني والبنات وهوسة عماتي كلهن جايات والجهال كمت لبست عبايتي الخليجية ولفيت الشال وراحن وياي للصالون فاطمة وياسمين الارتباك والخوف الي اني بي ماينوصف خايفة من حياتي الجديدة وية رافد اذا هوة هسة وتعاملة وياي مكرهني بكلشي لمن نزوج شيسوي اووف استغفرالله ياربي اعوفهة علئ الله والله كريم اخذنة مهند للصالون وصلنة ورة ساعيتن بدتت تسوي بية وبجيت وهية تعدل بالمكياج ويكول ماما ميصير هيج صار مرتين تخربين المكياج ميصير هيج وياسمين وفاطمة يهدان بية اخر شي كملنة المكياج سموكي الشعر برم ونازل كلة علئ طولة ومرفوع بتسريحة خفيفة وتاج البدلة لون ماروني مبيهة اردانات ومكشوفة من كدام وتصير من الخصر مخصرة وبعدين نازلة منفوشة اول ماكملتني كلهة ضلت تصلي علئ محمد والهلاهل وياسمين صورتني وفاطمة تهلهل ودموعهة تنزل من الفرح ورة شوي ياسمين خابرت مهند كلتلة يلا تعال النة ماطول واجانة مهند وكف السيارة طبك باب الصالون ولبسني البركع والباقة بيدي وطلعت ومهند فاتح باب السيارة صعدت وياسمين بالصدر وفاطمة يمي وصعد هوة وكال يالله الله مصلي علئ محمد وال محمد بالمبارك خوية تتهنون ان شاء الله ابتسمت وكتلة الله يبارك بيك يسوق وياسمين شغلت الاغاني وتصفك وتضحك وتهلهل ومهند يضحك عليهة وكل ساعة يبوس ايدهة ويكلهة يوم الالنة واني مبتسمة وفاطمة تكلي لا تتحركين لا تخرب التسريحة فلك طرج سارة شلون طالعة حلوة مطلعتنة كسر ضحكت وكتلهة ديلا علئ اساس انتن مقصرات اشو ياسمين جاي اكول هسة تطوخ المكياج ولابسة فستان ضيق وفاطمة كالت هههه اسكتي فضحتينة لا يدري مهند وميخليهة توصل لباب البيت ابتسمت ونزلت راسي وحسيت بغصة مادري كلش خايفة والندم كاتلني من شنو مادري وصلنة وكف السيارة يم الباب ودخلوني لبيت جدي ههه مولبيت ابوي ياحسرتي الجكليت والهوسات وامي وعماتي يهوسن بالنص بنت الشيخ لابن الشيخ جبناهة كعدوني وكلهة تباركلي بس بس اني مراضية اني اني مااريد ازوج الحجي الي بداخلي ماينوصف لو اكدر احجي جان ارتاحيت بس المن احجي بس هاهية انتهئ كلشي وبعد مابيهة مجال احجي .
فاطمة
اباوع علئ سارة ودموعي بعيني يمة شلون طالعة حلوة فديتهة كل ساعة اكلهة سارة ابتسمي منا ناس وهية تبتسم بانكسار ادري شنو بداخلهة وشنو تحس بس بعد كلشي نزلت من فوك لابسة فستان احمر مخصر علئ الجسم بي فتحتات من الرجلين ومن فوك مكشوف ومكياج سموكي والكعب وتلاكت وياي ياسمين الي لابسة فستان قصير اسود مكشوف وبي فيكة حلوة وكعب ومكياج والشعر نازل علئ طولة رفعت ايدي ودعيت وكلت كدامهة وين الله ويدخل مهند ويشوفج وهية تكلي ادبسزز بشنو طالبتني تردينة يموتني وشوي واجت تمارة الشعر مفتوح والمكياج وفستان قصير لون وردي فاتح ومخصر وكعب وشعرهة نازل وبارمته نفسنة علئ كولة بيبتي طالعات تخبلن يايمة وكلساعة دكول لتمارة بيبي انتي ورة عرس مهند المفلوك وياسمين الطركاعة نزوجكم انتي وحميد الاميلح واني اضحك شلون تلقبهم باوعت علية وكال ياع نسينة فطيمة القزمة كتلهة بيبي رجاءا اني موقزمة وافتريت كدامهة واسوي حركات بالفستان وهية كالت والله ترهمين لماجد ابن عمتج سعاد هية كالت هيج واني كبل عقجت وجهي وكلت يمة شمالني اقبل بيهة مخبلة وبيبي كالت ياع ياع خايبة اذا مااكول لسعيدة عليج واخليهة تخبزج مفلوكة ضحكت وكتلهة يلا بيبي احنة راح نروح نركص وكدامج هواي بنات غيرنة زوجي بيهن هههههه شغلت الديجي واجني تمارة وياسمين وبنات كرايبنة ودخلنة بالنص وماقصرنة وسارة تباوع علينة ومبتسمة كومانهة ويانة وهية مستحية بس خليناهة تركص وتتمايل وغيرنالهة جو وبعدين ورة ساعة كالوا راح يدخل رافد يحنيهة مع العلم همة قبل كم يوم عقدوا وهم مخليهة تبجي وتمارة متعاركة وياه وسوالف شوي كلهة سترت روحهة ودخل رافد لابس الدشداشة والغترة وتمارة تكلي فدوة باع الهيبة ونضحك باس راسهة وكعد يمهة وهية مرتبكة شوي وسارة ابتسمت اني وتمارة مصدكنة هاي معجرة وشكلهة وابتسمت ضلينة نفكر ونكول متغزل بيهة بس طلع العكس .
أنت تقرأ
﮼عشق ﮼الشيوخ
Romanceاسم القصة _عشق الشيوخ أسم الكاتبة _رودة عدد البارتات _30 بارت (مكتملة ) نوع القصة _اجتماعية، رومانسية، عاطفية النبـذة : حب بين اولاد العم ليجمـع ،حب من طرف واحد استمر لـ6 سنـوات، وحب تولد في الداخل منذ الطفولة، وحب استوطن وتجسد في الداخل بمرور السن...
