﮼عشق ﮼الشيوخ

part 7

تعال ولا تجي وثنينهن صعبات ..

سارة
صار يومين ياسمين ماتطلع من غرفتهة وضعهة كلش ماعاجبني حاولنة نحجي وياهة علمود نعرف شبيهة ماكو تكول مابية شي اريد اكعد وحدي واكفة اباوع من الشباك وطلع رافد مبدل وكاشخ حسب ماعرفت اليوم يطلع وية خطيبته ..ابستسمت بغصة وغمضت عيوني وكلت اصلا عادي ويعني شنو واذا طلعوا سوا طاحت دمعتي مسحتهة وكعدت اقرة واجباتي ورة ساعتين ضجت كمت لبست عباتي كلت لامي رايحة لبيت جدي وطلعت مشيت شوي ودخلت لبيت جدي داصعد لغرفة البنات وسمعت صوت بالاستقبال تقربت علي كيفي وسمعت دعاء تحجي وية اختهة كلتهلة هيج سويت بياسمين وهيج وسولفت كلشي واني واكفة ومصدومة واستمع بسكوت وعرفت ليش ياسمين ماتقبل تطلع من غرفتهة وبس تبجي خرب يومج ياسمين شكد شخصيتج ضعيفة حسيت صارت حركة كبل صعدت ركض ودخلت لغرفة فاطمة وصحت الحكي فاطمة جانن كاعدات هية وتمارة كامن كال شكو ضليت صافنة وحجيت كلشي وكتلهن لازم اليوم اخذ مبايل دعاء وامسح كلشي تمارة كالت عزا العزاهة هاي شلاعبة الله لا يوفقهة شهل الحقارة الي شايلتهة كتلهة عوفج من الغلط عود بعدين نتجمع ونسبهة سبة جماعية شلون ناخذ المبايل هسة فاطمة كالت سالفة قوية بس متصعب علينة كمنة نزلنة سلمنة وكعدنة ودعاء كل ساعة تباوع علية ومدري شتكل لاختهة اخر شي كتلهة اي دعاء شلونج بالجامعة تتونسين مو حركت حواجبهة وكالت بغرور اي والله تعب وتدرين اني من العشرة الاوائل فاطمة كبل كالت موجنها الدنيا صارت حارة لو اني محترة غزرتهة وسكتت ضحكت وكتلهة اي شوية حارة شوي وكمنة نسوي بالعشة وتجمعت العائلة وبدينة بالمهمة .

فاطمة
نسوي بالعشة وطبيت للاستقبال وكلت دعاء عادي تنطيني مبايلج بس اريد اشغل الاضوية مال حديقة وضلمة هية استحت كلهم كاعدين وكالت تردين اضويلج كتلهة لا لا ماريد اتعبج شغلت الفلاش وانطتني المبايل طلعت بساع للمطبخ دخلت للترك وياي سارة وتمارة ادور علئ التسجيل ماكو طلعت خالته بملف ومنه نسختين مسحت كل النسخ وسمعتهة تصيح فاطمة فاطمة وينج بساع طلعت وطفيت الفلاش وحطيته بجيبي كتلهة هاا كالت بنتر وين مبايلي كتلهة هاا صحيح شكرا هذا نسيته يمي طلعتة وانطيته الهة كتلهة شكرا عمري مدت ايدهة جاي تاخذة وكبل طيحتهة كتلهة عززا مادري بالغلط عبالي لزمتي شالتهة بساع وكالت بخوف لا لا مبي شي بس شوي انكسرت الشاشة وطلعت واني ابتسامة النصر انرسمت علئ وجهي طلعن تمارة وسارة من الترك وكتلهن واني احرك حواجبي شلك بينة احنة نشور شلك بينة وتمارة تطك اصبع وسارة الحساسة تبجي من الفرح واحنة نضحك كملنة العشة وتعشوا غسلنة الاماعين وصعدنة للغرفة نسولف ودخلت دعاء بدون متدك الباب وكالت مسحتن الصوتيات مو شكد ماتستحن بس يلا انتن جبرتني كتلهة علئ شنو جبرناج شغلت المبايل وطلع تسجيل صوتي كتلهة بصدمة شلون كالت الحمدالله مبايل اختي بي عشر نسخ يعني مثلا اني ثولة علمود ابقي بس بمبايلي وجاي تطلع وكالت عود تلاحكن لياسمين حيدر جاي بالطريق دزيت الصوتية واليوم محد يخلصهة من ايدة لين محد بالبيت كلهم معزومين وطلعت وهية تضحك سارة ضؤبت علئ خدهة وكالت عزا العزاني شسويت عزا العزاج سارة اجيتي تكحلينهة عميتيهة بساع لبسنة العبي ونزلت قبلنة تمارة كالت بساع انزلن كلهم كاعدين بالاستقبال نزلنة وجاي نطلع وصادفنة جدو كال باستغراب هاا بوية وين تمارة كلتلة جدو رايحين يم ياسمين بس هية بالبيت نايمة وهم نريد نقرة سوة هنا الجهال كلبوا البيت كلاب ابتسم وهز راسة وكال اي بوية بس مايصير تطلعن بحدجن بنص الليل كال امشن كدامي وهوة وصلنة ورجع دخلنة ركض ياسمين لكيناهة تشرب مي بالمطبخ شافتنة استغربت سلمت علينة وسارة حجتلهة كلشي بساع وطاح كلاص المي من ايدهة وكالت بعصبية سارررة انتي شعليج بية منو كلج روحي خططي وسوي هيج شصخمتن عزا العزاني  وماسمعنةة غير سيارة حيدر دخلت هنا ياسمين ضلت ترجف وتبجي صعدنة للغرفة وهوة صاح ياسمممين وينجج وصعد الدرج ركض ودفع باب الغرفة اباوع علي عيونة حمررر من العصبية واعصابه برزن اجا بساع بدون تفاهم جرهة من ايدهة وسطرهة راشدي خدهة صارر ازرك من قوة الراشدي وكلهة شنو هذا التسجيل السمعته ورجع ضربهة راشدي وكال تلعبين من ورانة ادبسزز وجرهة من شعرهة واجنة ندفع بي وهوة يصيح وخرن لا تدخلن جر الحزام جاي يضربهة وصرت كدامهة والضربة صارت بضهري رغم كل الوجع الي صار بية كلشي ماسويت بس ضليت ابجي وضربهة واني بساع  تقربت وشبكته وادفع بي واكول الله عليك وخر منهة بداعتي وخر منهة والله ماسوت شي هدا شوي استغفرالله وضل كل شي يشوفة كدامة يضربة طلع من الغرفة وربد الباب حيل وياسمين كالت وهية تبجي الحكي فاطمة راح يروح لمهند يموتة والله بدون وعي طلعت بساع ليكتة جاي ينزل من الدرج نزلت وراه واني ابجي كتلة وين رايح كال فاطمة رحمة لمحمد وخر من كدامي ماوخرت لا اراديا شبكته حيل وضليت ابجي من الوجعة ومن القهر حسيت كلبة يريد يطلع من مكانه شبكني وكعدني علئ الدرج وهوة يكلي كافي اسكتي مااروح واني ابجي كل قوتي وهوة حسيتة فرفح من شافني هيج كال بخوف الضرة توجعج مو مارديت علي شبكني مسد علئ راسي وكال تنكسر ايدي ان شاء الله شسويت اني الغضب عماني وسمعت مهند دخل وكال  بنات شكو شنو هذا الصياح خرب يومك مهند ابد مووكتك تجي كام حيدر ودخل مهند وكبل انطاه بوكسي وتلازموا وحيدر بوكسي ورة الثاني ومهند ضربة ودفعة كلة شبيك تخبلت رجع علي حيدر وكلة شعندك وية اختي مهند كلة باستغراب شنو طلع حيدر المبايل وشغل الصوتية ومهند انصدم كلة وينهة ياسمين شسويتلهة ونسمع بس بجيهة اجة يصعد ولزمة كلة شو تعال وين صاعد دفعة مهند حيل وكلة وهوة يهدد باصبعة وعصبي حيل وحق محمد اذا بيهة شي لو ماذيهة العب بيك طوبة هسة ياالة حجيييت احجي طلع حركة كلبك بية اضربني موتني انعل والديي بس ياسمين ماتوصلهة هسة يالة حجيت وجاي تضربني ولك يا ضالم ٧ سنين اني احبهة ومخليهة علئ راسي ومكانهة بكلبي شسويتوا زوجتوهة وحركتوا كلبي فوك ماهوة حرك ولك اني الي حركتولة كلبة بدون جدحة نارر لزمتوني من ايدي التوجعني زوجتوهة واني اكل بروحي اكل طلعت للخارج ٣اشهر  علمود شغل ومقرر ارجع اخطبهة ارجع الكاهة مزوجة ومحد كايلي ليش حقكم محد يدري بية احبهة ورايدهة اني ٥ اشهر الوجع ياكل بية اكل لمن اشوفة لازم ايدهة ويجيبهة واني تمنيت اني الي الزمهة اطلكت اهنا صرت اسعد انسان بالدنيا وكلت اخذهة غصبا عن الكل عاتبتهة وبية حب يكتل كتل ورة ايام اجتني تكلي مااريدك وماحبك واريد ارجع لطليقي زين هسة اني شسوي شيبدي شمحصل من هاي الدنسا اكتلني وموتني لين هيج عيشة اني مااريد اعيشهة ....يحجي بحركة كلب واني مصدومة وابجي وحيدر صافن راد يطلع دار وكال اني اكدر اضربك واشوه وجهك بس احتراما لاخوتك وصدقتك وية اخوي ماضربتك لين عيب بحقي ابن عمي وطلع وحيدر دفر الطبلة واني كبل صعدت شفت ياسمين تبي والبنات هم فجاة دخل حيدر وكال اطلعن بدون صوت ماطلعنة خلة وعاط بينة طلعنة ركض وكفنة يم باب الغرفة وهوة تقدم وكعد كدامهة جانت كاعدة بالزاوية ومكرفسة رجليهة وتبجي وتشهك مد ايدة  علئ راسه دفعت ايدة وكلتلة بخوف الله يخليك لا تضربني والقران ماسويت شي بحركة وحدة سحبهة لحضنة وشبكهة وزادت بجي  وتكول والله كلشي مامسوية وهوة يبوس براسهة ويكلهة كافي ياروح اخوج ادري .