القصيدة تجيب كلشي بعيد ..
بس ماتكدر تجيبك ..
فاطمة
وصلنة لكربلاء بعد طريق طويل ومتعب بدوا ينزلون والولد صاروا ينزلون بالغراض نزلت صار بوجهي حيدر ضحك وكال هاا زايرة ضحكت نزلت مشئ وهمس دقيقة خلي اجيب هاي الجنطة ونمشي سوة وكفت يم احمد وهوة اجة وبدينا نمشي والولد يسولفون وصلنة للفندق حجزوا غرف علمود نرتاح ولين راح نبقئ كم يوم غرفة بيهة جدتي وعمتي ام حيدر وعمتي ام رافد وامي وغرفة بيه
الولد وغرفة جدي وعمامي وغرفة اني وتمارة وسارة وياسمين وبنين اول مادخلنة للغرفة رتبنا الغراض بالكنتور وحرة ورة الثانية دخلت تسبح وطبعا اني اول وحدة شمرت روحي علئ الجرباية و كلت يمة رجعوني للبصرة تعبت تمارة صاحت الو ها حيدر تعال حط فاطمة علئ جتافك العراض ورجعهة للبصرة ضحكت وشمرت عليهة المخدة وكلت ادبسز صايرة ماتستحين اعوذ بالله من هاي
السوالف ياسمين صاحت من جوة اللحاف هجم بيتج انتي استاذة بهاي السوالف وضلن يضحكن علي واني خجلانة من عدهن الادبسزيات شوي واحمد خابرني كال يلا اتحضرن راحن نطلع نزور وبعدين العمات يرحن يزورن منريد كلنة سوة لين نتبهذل كتلة تمام سديت الخط وكلت للبنات كمنة بدلنة ولبسنة العبايات واحمد دك الباب فتحته كال ها كملتن كتلة اي جايين طلعنة وشفت حيدر
بالممر واكف يكلب بالمبايل شافني ابتسم واجة طلعن البنات ونزلننة ويانة احمد وحيدر ومهند وعمو ابو رافد سلمت علي سارة وهوة باسهة من راسهة طلعنة وكفت يم عمو لزم ايدي ونمشي وتمارة تخزر بية وتكول عوفي ابوي حقيرة واني امشي ومبتسمة دخلنة للتفتيش وافترقنة وشوي ازدحام خنكني وياسمين لازمتني من ايدي وتكول لا تعوفين ايدي لا تضيعين واني لازمتهة وسارة لازمتني
من ورة هية وتمارة خاف نضيع هههههه طلعنة من التفتيش ولكيناهم منتظرينة بعدين رحنة للكيشوانية سسلمنة الاحذية اكرمكم الله وددخلنة الجو حلوو حيل ونمسات هوة باردة يعني الجو زين لمن جاي ندخل للامام عمي كال بابا انتن ادخلن زورن وصلن وكملن وطلعن واحنة هم تلكونة منتريكم بهذا المكان اتفقنة واحنة متوضين بالفندق يعني ميحتاج نروح للحمامات دخلنة للاماام وكلنة وية
ياسمين كبيرتنة زرنة واريد الزم الشباك لزمته ويمي سارة حضنت الشباك وتدعي وتبجي واني لامة ايدهة ودعيت وبعدين طلعنة مسحت دموع سارة وابتسمت الهة وكلت تهون تهون كعدنة نصلي وقرينة الزيارة وتمارة كامت كالت راح اودي القران واجي كتلهة اجي وياج خاف تتيهين كالت لا اندل راحت دقيقة خمس دقايق عشر دقايق تمارة ماكو ياسمين جانت تصلي كملت كالت فاطمة تمارة وين راحت كتلهة تودي القران وليهسة ماجت كمنة ندور عليه ماكو وجوهنة صارت صفر من الخوف عليهة وازدحام ندور ماكو
أنت تقرأ
﮼عشق ﮼الشيوخ
Romanceاسم القصة _عشق الشيوخ أسم الكاتبة _رودة عدد البارتات _30 بارت (مكتملة ) نوع القصة _اجتماعية، رومانسية، عاطفية النبـذة : حب بين اولاد العم ليجمـع ،حب من طرف واحد استمر لـ6 سنـوات، وحب تولد في الداخل منذ الطفولة، وحب استوطن وتجسد في الداخل بمرور السن...
