Dreamlovers: Kenobi and Amber (PREVIEW ONLY)

Part 4

NANG mahimasmasan si Amber dulot ng lamig ng air-con ng kanyang kotse ay tinawagan niya si Matt. Nagtitili ito sa kanyang ibinalita.

May limang taon na rin sigurong magkaibigan sila ni Mateo Borromeo, pinsan ito ng isa sa mga babaeng barkada niya. Ito ang naging pinakamalapit na kaibigan sa kanya dahil nasasabi niya dito ang lahat-lahat, komportable siyang kasama ito lagi. Marami nga siyang babaeng kaibigan at gusto siya ng mga ito ngunit nararamdaman pa rin niya ang lihim na insecurities ng mga ito sa kanya. Normal lang naman daw iyon, sabi Matt sa kanya, dahil nasa kanya na raw kasi ang lahat-lahat kaya siya kinaiinggitan.

"Tumahimik ka nga, Mateo! Baka magulat ang mga pinsan ko diyan sa iyo," awat niya sa kaibigan.

"Aw, I don't care! Mabait naman sa akin sina Angus at Hunter, sayang at hindi nila type ang bading. Kainis lungs," humahalakhak na sabi nito. "O, ano nang balak mo ngayon?"

"I don't effing know!" nalulunod sa magkakahalong emosyon na sagot niya.

"Gaga! Nandiyan ka na, samantalahin mo na ang pagkakataon!" sulsol ni Matt sa kanya.

"Did you hear everything that I've said? Suplado pa rin siya sa akin!"

"Sa una lang 'yan! Mas matanda na kayo ngayon, malay mo naman magbago din siya ng treatment sa iyo pag lagi ka niyang nakikita diyan sa Tierra Roja?"

"Anong magiging rason ko naman at mananatili ako dito? Wala na akong malapit na mga kamag-anak dito para bisitahin, ano?"

"'E 'di bisitahin mo ang pamilya Celeste, hindi ba family friends niyo sila?"

"Si Lolo lang naman talaga ang kaibigan ng mga Celeste."

"Pero mabait sila sa iyo noon, Amber. Don't tell me na mahihiya ka, wala sa dugo mo ang marunong mahiya!"

Tumawa si Amber. "This is crazy."

"Do you want him or not?" hamon pa ng kaibigan.

Humugot siya ng malalim na buntong-hininga.

"Aw, c'mon, Amber! Feel na feel ko ang pagnanasa mo kay Kenobi kaninang nagkukuwento ka, 'no?"

"Fine! I still feel something towards him," pag-amin naman niya.

"Natural! Siya kaya ang mapapangasawa mo!"

Sa mga nangyari sa kanya sa araw na ito ay parang gusto na niyang maniwala sa mahika ng quilt na iyon. She got detoured and ended up meeting Ken! That must mean something, right?

Isa pa, sa mga halu-halong pakiramdam na umatake sa kanya sa muli niyang pagkakakita kay Ken ay sapat nang patunay iyon na may pagtingin pa nga siya dito. Ngunit kung noon nga ay tinanggihan siya nito, anong magiging garantiya niya na mapapasakanya na ito ngayon?

He's attracted to me, naisip niya. I mean, he's got to be! Kitang-kita niya yata ang mga nakaw na sulyap ni Ken sa kanyang legs. Tumitig din ito sa kanyang mukha. He never used to do that to her. Halos hindi nga siya nito noon sulyapan man lang.

"Okay," aniya, mabilis na nag-iisip. "Maybe I'll stay here in a day or two," desisyon niya. "Tutal ay pagod na akong magmaneho, gusto ko munang magpahinga."

SA Sunglo tumuloy si Amber nang araw na iyon. Bagong tayo daw ang mga lodging units doon at nagustuhan niya ang malaking swimming pool na eksklusibo para lamang sa mga naka-check-in sa mga lodge. Gusto rin niya ang layo ng kinaroroonang lodge sa area na puntahan ng mga tao sa Sunglo. Maganda iyong resort, may rock garden na may creek na languyan ng makukulay na koi na pumapalibot sa isang open pavilion. Malalaki din ang mga swimming pools na may matataas na slides. Maganda at malaki rin ang restaurant at clubhouse. At mayroon din doong isang mini-golf course o putt-putt. She was very impressed. Malayong-malayo na ngayon ang itsura ng resort kaysa dating natatandaan niyang Sunglo.