مهرة في عرين الأسود

الجزء العاشر

التاريخ: ٠١‏/٠٨‏/٢٠١٨

#مهرة في عرين الاسود....
الجزء العاشر....
فارس:بعد الحديث الي دار بيني وبين ريماس قررت
ان اتركه وبعد مالي اي دخل بيه و وعدتهة طلب الاستقالة
يوصل بس اني نسيته وكلت بعد احسن بلكت تجي
للشركة حتى اشوفهة احبهة مو بيدي وكل تصرفي
وياها خوفا عليهة من خالد مو مثل ماهي مفكرة ان عبالهة
تعوف خالد واني احل محله،،،،
اكيد اني اتمنى ارتبط بيهة طول العمر بس مو بهيج
طريقة،،،الي اريده يكون نابع من كلبهة،،،
سامان طبعا من عرف بالصار ظل يحجي وعصب وانت
متصيرلك جارة الا لمن يقتلك خلاص،،،
فارس:انت من كل عقلك هيج تحجي،،لك بابا هي الروح
وحدة والعمر واحد ربك يحلهة انت ارتاح،،،
سامان:فارس لخاطر الله كافي هسة البنية راحت بعج شكووووو????
فارس:ضحكت عليه اي متكول هذا الحجي لروحك بعد
شكوووو دتحجي الي،،،
سامان:دمشي امشي خل ناكل شي ترى كلش جوعان،،،
فارس:امشي اكو واحد قريب منا عربانة وجبات سريعة
سامان:لك بابا جوعان،،،
فارس:اي شبيك عنده همبركر وفنكر كلش طيب اني
مشتهيه،،،
سامان:ديلة امشي امري لله،،،
طلعنة وظلينة نسولف ع الشغل اخذنة لفتين همبركر
و صحنين فنكر وببسي وكعدنة بالمتنزه،،،،،
سامان:لك فارس باع ذيج البنية،،،
فارس:وينهة???
سامان:ذيج مقابيلنة الظاهر واكعة بمشكلة،،،
فارس:اكعد رحمة لاهلك مناقصين النوب توكعنة بورطة،،
سامان:انتظر هسة اجي،،،،رحت يمهة السلام عليكم
اختي محتاجة مساعدة،،،???
ريماس:رفعت راسي لا شكرا،،،ااااا ستاذ سامان،،،،
سامان:ريماس!!!!!خييييييير ???
ريماس:ظليت امتمت،،لا ماكو شي،،وبداخلي شلون ماكو
شي والورطة الي انتي بيهة،،،
سامان:لحظة،،،ركضت لفارس،،،لك فارس هاي طلعت
ريماس،،،
فارس:بلة متنجب وتولي،،،شفته صفن بوجهي عدلت
كعدتي وذبيت اللفة خيييير شبيهة???
سامان:ما ادري تجي وياية نشوف شبيهة???
فارس:اي اكيييد،،جذاب ياكلبي لعد وين ثورتك من كلت
تنساها ومالك شغل بيهة بعد اشو من اول ريح
اجتك منهة ركضت لعندهة،،،
ظليت اقنع نفسي ان مجرد اساعدهة لا اكثر،،،
ريماس:اجة سامان وياه فارس خجلت منه تذكرت كلامي
وياه والي صار بيني وبين خالد،،،زدت بالبحي،،،
فارس:حاجيته بثكل وابرود ممكن تسكتين وتفهمينة شبيج
نكدر نساعدج،،،،
ريماس:لا شكرا ماكو شي بس هيج شوية ضايجة وحبيت
انفه عن نفسي شوية،،،
فارس:اهااااا زين لعد عن اذنج يلة سامان،،،
سامان:لحكته فارس ترى هاي دتجذب صاير شي وياها
والله،،،
فارس:مالنة دخل ادخلت مرة وحذرتهة وطلعت موخوش....
قاطعني صوتهة....
ريماس:لازم احجيلهم بلكت يكدرون يساعدوني،،،
لاااااا لااااا شنوووو يساعدوني اهووووو ريماس انتي
بمشكلة مو وكت كبرياء،،،،
اممممم استاذ سامان ممكن دقيقة،،،
سامان:وكفنة اكيد تفضلي،،،
ريماس:شفت وجه فارس شكد ثكيل،،تراجعت عن قراري
اممممم ممكن بس تليفونك مكالمة،،،
سامان:اي اكيد تفضلي،،،،
ريماس:بلا وعي دكيت ع ابوية ممعقولة يوكف بصف خالد
ضدي،،،،حتى لو خل يدزني لعمامي،،،
الطرف الاخر:الووووووو،،،
ريماس:كمت ابجي بااااااباااا،،بس انصدمت برد ابوية،،،،
انتي وين لج شلون نطاج كلبج هيج تسوين،،،
ريماس:بااااباااا الله يخليك صدكني ممسوية شي كله
خالد هو الي سوه كل هذا ومجان قصدي ااذيه،،،
لج الج عين يا سا....ة،،يا فاج..ة الج عين تحجين عليه
حتى بعد ما راد يستر عليج،،،
ريماس:شنوووووو،،لحظة بابا شدتحجي انت،،،شنووة
يستر علية لاتصدكه لهالكلب كذاب والله كذاب بابا،،،
المهم عندج مهلة منا لليل تجين وباجر زواجج من خالد خير
متجين باجر من الصبح ناطي خبر لكل عمامج ودمج مهدور
وسد التليفون بوجهي،،،،
ريماس:كعدت بالكاع وتهسترت لا مستحيل الي
ديصير وياية دخيلك ربي ساعدني،،،،وظليت اشهك،،،
فارس:ظلينة اني وسامان واحد صافن بوجه الثاني الظاهر
صدك مشكلة جبيرة،،،
سامان:ريماس ممكن تهدين وتحجيلنة شنووو مشكلتج
بلكي نكدر نساعدج،،،
ريماس:مدنكة راسي ابجي واحجي،،اشكرك استاذ
سامان ماكو حل لمشكلتي غير الموت،،،
فارس:انتي شدتخربطين احجي شنوووو الموت ماكو
مشكلة ومالهة حل،،،
ريماس:جاوبتهة واليأس مالي روحي والدموع نهر
تجري ع خدي،،،،
اني قتلت خالد،،،
سامان&فارس:بصياح شنووووووووو،،،
ريماس:اي كتلتله للحقير ضربته بسجين ابطنه بس ما
ادري مات لو لا،،،،
فارس:لج بابا احجي مو تنكطين الحجي تنكط،،
ريماس:اي ضربته وانهزمت،حسب ما شفت من طلعت
من بيته جان عايش والحماية لحكوني بأمر منه،،،،
وهسة حسب حجي ابوية يكولي رجعي لو انطي خبر لعمامج
دمج مهدور يعني شغلة تخص الشرف،،،
سامان:وليش مترجعين للبيت يجوز ابوج يحلهة،،،
ريماس:لا مستحيل ارجع لان رجوعي هو زواجي من خالد،،واني مستحيل اوافق،،،
فارس:بنبرة عتب ليش هسة صار مستحيل،،،
ريماس:باوعت علية وكلامه صح،بس ما اعرف شجاوبه،،،
سامان:هسة مو وكت هذا الكلام فارس،،،،
هسة امشي وياية للبيت ارتاحي عندي ملحق كامل
باتي بيه لحد متهدأ الامور،،،
فارس:ماشي لعد اني رايح وان شاءالله امرلكم الصبح،،
تصبحون ع خير،،،
ريماس:استاذ سامان ما اريد اسببللك مشاكل و...
سامان:اولا بلا استاذ هاي من جنتي موضفة وهسة
لا موضفة ولاشي ثانيا ماكو اي مشكلة ان شاءالله ،،
حسيت بدوخة فضيعة ردت اوكع واستندت ع المصطبة،،،
فارس:نسيت تليفون يم الاكل رجعت اخذه شفت سامان
صاحني،،،
تعال فارس بس اكعد يمعة تخربطت الظاهر مماكلة شي،،،
ريماس:بصوت باين عليه التعب،،شكرا والله ما....
ومسيطرت ع نفسي وكعت بس همزين تلكاني فارس
صرت بحضنه،،،،
فارس:لا كلش مبين مابيج شي روح ع السريع منتظرك
راح جاب الاكل و وياه بطل عصير،،،
امشي انت واني راح اخليهة بالسيارة ليورة ترتاح
سامان:اي عمي صار ليش لا،،،
فارس:انجب لك سيارتك رياضية ضيقة متاخذ راحتهة اني
سيارتي عالية والكشن الورة....
سامان:كافي يمعود خلص لاتوضح،،،اخذهة حلال عليك،،،
فارس:هاج ريمة شربي هسة بس شوية عصير وبالبيت
عود اكلي حتى معدتج لا تنصدم،،،
ريماس:صعدت وية فارس وتمددت بالكشن الورة النوب
صار عندي لعبان نفس قوي واستحيت احجي،،،
وصلت عندي مرحلة،،،فارس الله يخليك وكف السيارة
وكفهة نزلت ركضت اتقيأ ،،،كلش تعبت هو راح جابلي
مي من الاسواق غسلت انتهيت فدنوب شالني هو ونيمني
بالسيارة محسيت غير واني ع قنفة وسامان وفارس
فوك راسي واحد يذب مي ع وجهي و واحد يضربني
حتى اصحى،،،،
سامان:بوجه يضحك واخيرا والله وكعتي كلبي كلت هاي
هي راح تلبسنة جريمة،،،
ريماس:ضحكت،،،
فارس:بوجه جدي يلة كومي حتى تاكلين وضعج كلش
ميطمن،،،
ريماس:كعدت لحيلي وجسمي كله يرجف ما اسيطر عليه،،،
سامان:لاتخافين هذا من التعب لان أتقيأتي وانتي منا
معدتج فارغة هاج جبتلج شوربة همزين لكيت عندي بالبيت
ومن ترتاحين هاي حصتج همبركر وفنكر وغمزلي،،،
ريماس:اشكركم والله بس اتحسن اروح،،
فارس:بالنسبة الي متروحين لمكان الا اعرف شراح يصير
وياج غير امن عليج يلة طلعتي منا ولكاج خالد،،،،
ريماس:لا اني قررت ارجع لبغداد ع عمامي وشيسون
خل يسوون مو اكثر من السواه خالد،،،،
فارس:فتحت عيني بكبرهة ليش شسوه خالد،،،
ريماس:انتبهت ع روحي،،،لاااااا هيج ماكو شي،،،،،
....... ......... .......... ........... ........
خالد:لك يزن شنووووو يعني ماكو انشكت الكاع وبلعتهة
وين ممكن تكون راحت?????
يزن:استاذ خالد هي اخر شي تركت السيارة وانهزمت
ودورنة بالامكان المحيطة بمكان السيارة ماكو ملكينة
اي اثر الهة،،،،
خالد:ممكن تكون راحت ل.....لالاااااااا مستحيل،،،
ليش لا ممكن ،،،
يزن:سيدي اكو شخص ابالك ممكن تكون راحت اله????
خالد:اسمع يزن تروح لبيت فارس تكلب بيته كلاب
اريدك تجيبه مناك فاهم????
يزن:سيدي شلون اذا جانت مموجودة هناك????
خالد:هسة انت روح ومعليك،،،هاااااا وديربالك طير يسمع
او يعرف بالي صار،،،
يزن:تمام سيدي،،،
خالد:طبعا بعد ما ضربتني ريماس بالسجينة خليت يزن
يلحكهة وخابرت ع الدكتور مالتي،،،،
اجة وضمدلي الجرح وكلي الحمدلله موعميق ميخوف،،،
خابرت ابوهة والفت فلم من يمي ان هي جتي اليوم
ورفضت الزواج وبعد الضغوط الي صارت عليهة من قبلي
اعترفت ان شخص اعتدى عليهة ولهذا السبب مكدرت
تكنل وياية،،وان اني عرضت عليهة اتناسة الموضوع
بس هي لحت ومن هددتهة اكلك تهجمت علية وضربتني
بسجين،،،،
وكتله اني بعدني رايدهة وشاريهة واذا رجعت ممنوع احد
يمسهة،،،،
وبعد تفكير طويل قررت اضرب عصفورين بحجر ان
اكول لابوهة ان مديرهة بالشركة اعتدى عليهة وبالمكتب
والموظفين كلهم شهدوا ع العركة الي صارت
هذا كله ممكن يكون من جانبي،،،،

---