مهرة في عرين الأسود

الجزء الحادي عشر

التاريخ: ٠١‏/٠٨‏/٢٠١٨

#مهرة في عرين الاسود....
الجزء الحادي عشر....
مرت ايام واني ابيت سامان وفارس بلغني ان هجموا علية
عبالهم ابيته وطبعا ثنينهم مشوا طبيعي بعملهم حتى
لايلفتون نظر،،،،،
سامان:فارس اكلج لازم نعرض ريماس ع دكتور ترى حالتهة
كلش معاجبتني لا اكل لاشي وتعبانة وجهة ذبلان،،،،
فارس:اني هم منتبه عليهة بس شلون اخاف احد مراقبنة
سامان:ولا يهمك عندي ولد اختهة دكتورة نسائية
هسة ادك علية بلكت تكدر تمر للبيت،،،،
وفعلا خابرت والولد ممانع ورحت لبيتهم اخذتهة اني
وفارس ،،،،،،
طبينة للبيت واتوجهنة اني والدكتورة للملحق ادك بالباب ماكو
فارس:وخر سامان دفعت الباب حيييل انكسرت فتنة لكيناها
واكعة بالكاع،،،،
شلتهة وخليتهة بالغرفة ودخلت يمهة الدكتورة ورة نص ساعة
طلعت،،،،
سئلنة ع ريماس،،،
لا صحت وهاي اخذت عينات دم وان شاءالله فد ساعة ومرولي،،،
سامان:زين مكدرتي تعرفين من شنوووو تشكي،،،???
هي اكيد عدهة ضعف وفقر دم بالاضتفة الي ان75%تكون
حامل،،،،
سامان&فارس:شنووووووو
سامان وصل الدكتورة،،،،
ااااي ماشي تفضلي دكتورة،،،،
ظليت صافن شنوووو الي ديصير همة ملحكوا يزوجون
وشغلة ثانية هي صح جانت تلعب نفسهة وبس تتقيأ
صح كلشي يشير للحمل بس شلووون،،،،،
دك تليفون مسجات ع الواتس،،،،
فتحتهن مقاطع فيديو ريماس وخالد بوضع طايح حظه
والنوب ريماس مستمتعة بكل لحظة مو مال وحدة رافضة
لا يا الهي مستحيل الي ابلي صحيح،،،،
وصلني مسج ثاني،،،
(لاتنغش وتنخدع مثلي بالملاك اليمك مثل مشفت شلون
جانت متأثرة والتصوير بطلب منهة وراها حاولت تقتلني
وتكول لابوهة ان اني معتدي عليهة فكر زين قبل لاتصرف
تصرف طايش وصح اني وياك اعداء بس جنت بكل طيبة
ادفع عنهة)،،،،
فار دمي متحملت دخلت عليهة لكيتهة لامة رجلهة
لحظنهة ومنهارة بالبجي رفعت راسهة،،،،،
فارس:الي ابطنج منه موووووو???/
ريماس:صحيت لكيت بنية شابة يمي سولفت وياية
واخذت معلومات وسألتني مزوجة كتلهة اي،،،طبية مني حجيتلهة التعب والاعياء الي
يصير عندي ولعبان النفس بس صدمتني بسؤال،،،
الا وهو شوكت اخر دورة جتج??????
هنا جمد الدم بعروكي وخفت من الي ابالي يطلع
صح شسوي بساعتهة???
دخل علية فارس واني اشوف الغضب والاعصار بعيونه،،،،
عاط بيه جفلني،،
احجي لاتسكتين جاوبي اي لو لااااااا???
ريماس:صدكني الي صار غصب عني خارج عن ارادتي
يعن......
فارس:كافي بلا جذب وشوفي هاي مال وحدة مجبورة???
ريماس:باوعت بالتليفون الحقير دازله مقاطع من الفيديو
الي صوره واانوب دازله مسج شكد نذل،،،،
فارس:احتركت روحي وظلت المقتطع تردد بخيالي
والله لوما عيب جان بجيت احبهة مو بيدي والنوب شفتهة
بحضن غيري وتتفنن شلون ترضيه،،،،
شوكت صار كل هذا بينكم???
ريماس:انتفضت بغضب مالك حق تسألني كل هذا،،،
صح ساعدتني وكفيت و وفيت عفت الغرفة،،،
فارس:لحكتهة وين مفكرة نفسج رايحة???
ريماس:مالك دخل بيه اترجاك،،،،
بهالاثناء دخل سامان،،،
خييييير شصاير ?????
ريماس:ماكو شي اني اشكركم وكفتكم تظل دين بركبتي،،،
سامان:اني ما احب ادخل بحياتج او بالاصح ما اعرف
شنو الي صاير وياج بس كل الي اعرفه مو من صالحج
ترجعين هسة ،،،،
ريماس:ما اكدر كلما اطول بالهروب كلما المشاكل
تكثر وتتعقد،،،
سامان:هسة هاج هاي نتائج التحاليل انتظرتهن لحد مطلعن
ريماس:اخذتهن بس ما اكدر اسأل شي استحي شكله
حامل لو لا،،،،
ما حسيت غير فارس جر التقارير،،،
هاج كل الي كالته صحيح ضعف عام وفقر دم وووو....
ريماس:ادور بعيونه عن الجواب وعرفتهة من نظرة عينه
الحزينة والغضبانة بنفس الوقت،،،
نزلت دموعي بلا وعي وكعدت ع القنفة،،،،،وصرت اشهك
فارس:سامان ممكن تتركنة من رخصتك،،،
سامان:اي اكيد،،،
فارس:وهسة صرنة وحدنة ممكن تحجيلي بالتفصيل
الي صار??/
ريماس:وبشنو يهمك ليش تريد تعرف???
فارس:لان كلبي تكطع بعد ما اتحمل لج رسمتج ابالي
بكل لحظة وبكل ثانية وحتى بعد مصديتيني مكطعت الامل
منج بس هسة اخس سجينة وبنص كلبي صارت
خصوصا الفيديوات الي.....
ريماس احجيلي حتى اساعدج ما اخليج تحت رحمته،،،
ريماس:هذا انسب حل وين اروح اني والي ابطني
ع الاقل هو راح يأمن لاطفل خياة مريحة،،،
فارس:اترجاج بس....
سامان:فارس الحك الشرطة بالباب وابو ريماس وياهم وخالد هم،،،،
ريماس:بخوووووف شنوووووو????
فارس:وشنووووو رايدين معرفت????
الضابط:رايدين حضرتك مو انت فارس ال....
اي نعم اني،،،
تفضل ويانة انت متهم بأغتصاب المدعوة ريماس عبدالكريم
واختاطفهة،،،،
فارس:شنووووووووو??
سامان:اكيددد انت غلطان سيادة الضابط،،،
ريماس:تقدمت بنصهم حتى ابوية وخالد جانوا واكفين
حضرت الضابط اني ريماس والتهم باطلة بحق استاذ فارس،،
هجم ابوية علية ولج كلبة حقيرة ادافعيله،،،
بابا انت فاهم غلط،،،
الضابط:تفضلوا للمركز هناك نتفاهم،،،،
ريماس:رحنة للمركز وكل واحد بمكان فرقونة،،،
اجاني خالد اني جمدت بدمي،،،،
خالد:عندج خيارين اما ترجعين وياية ونحل سوء التفاهم
الي صار وية فارس،،،،اووووو تبقين ع قرارج واني
ما اضمنلج شنووو يصير لفارس،،،،
ريماس:شهكت بخوف خالد والله فارس ماله دخل ،،،،وترى ان.....
خالد:اششششششش فكري قبل لا تجاوبين وتعمين ع الولد
ريماس:ادري بيه حقير يسويهة قررت ارجع لخالد
مابيهة اي مجال ثاني خصوصا واني حامل وين اروح
ارجع لعمامي واني شايلة طفل ابوه ناكره،،،،
طلعت برة المركز شفت فارس وسامان برة،،،
ركضت لعدهم ،،،،،فارس،،،سامان،،،،
فارس:بغضب،،هااااا عد بعد شي ثاني????
ريماس:بسرعة وكفت من سمعت رده،،حقك والله واني
اسفة كل الي صار بسببي وعد مني الك بعد محد راح يضايقك،،،سامان اني اشكرك وان شاءالله يجي يوم وارد
دينك واسفة ع كل الي صار....
سامان:ولا يهمج مصار شي،،شراح تسوين هسة،،
ريماس:ماكو شي كلشي راح يرجع مثل ماكان ،،،
مع السلامة،،،
فارس:لحظة اوكفي شنوووو قصدج،،،
سامان:كافي فارس ارجع طلعوا اهلهة،،،،
فارس:مستحيل هذا الجلب يتركهة راح يأذيهة،،،
سامان:اعقل فارس وارجع،،،اهووووو صعدت وياه ع السريع
ومشينة ورة سيارة خالد،،،
ريماس:صعدت وية خالد واني اقرة الشر بعيونه جنت
كلش خايفة بس ماعندي حل ثاني سلمت امري
لرب العالمين هو سبحانه كفيل ان يحلهة،،،،
ظلينة نمشي تقريبا ساعة ونص وصلنة لطريق خارجي
مقطوع،،،،،
خالد:نزلي،،،
ريماس:شنووووو اباوع ع الشارع والطريق وين انزل???
عاط بية ونزلت،،،
خالد:عرفت فارس لحكني رسمت خطة ابالي تاكل روحه
اكل،،،،
فارس:شفته طبك طبكت بعيد عنه بس شفته طلع سلاح
وصوبه ع ريماس رحت ركض،،
خاااااالد،،خاااااالد اترك سلاحك اجتي وياك بعد شنو
الي تريده????
خالد:وانت شنووو دخلك ???
ريماس:بخوف وتعب روح فارس الله يخليك ما اريد
احد يتأذة بسببي،،،،
خالد:لازم نتعادل،،،اختاري الطلقة بيج لو بفارس،،،
ريماس:مجاوبت،،،،
خالد:ماشي،ضربت طلقة بالهوة،،،،
ريماس:لااااا اني الطلقة الي،،،
فارس:لاااااااااااا
ريماس:ضعت بين الصياح جفلت من صوت الطلقة وراها
حسيت عبالك شيش حار اخترق احشائي،،،،
وكعت بالكاع،،،
فارس:يانذل يا حقير،،،لك حامل والي ابطنهة منك،،،
خالد:شنووووو انت شدتحجي???
لا مستحيل،،،،كعدت كبالهة بالكاع،،،
فارس:كوم خل نلحك عليهة،،،
وصدك طاوعني وصعدنة بالسيارة وتوجهنة لاقرب مسشتفى
وبلغت سامان ان يلحكني،،،،
فارس:دكتورة هي حامل بس ما اعرف بيا شهر
وعدهة فقر دم حاد وضعف عام،،،
الدكتورة:والله يا اخي خليهة ع ربك لان وضعهة صعب
فارس:صدك يا خالد اذا صار عليهة شي ما ارحمك،،،،
طلعت الدكتورة مستعجلة وطلبت دم صار عدهة نزف ميوكف
بسبب ضروفهة الصحية،،،،،
طلع الصبح وحالتهة خطرة وخالد تندم لان سوة هيج
بس شيفيد اذا خسرهة،،،،
واخيرا طمنتنة الدكتورة ساعة10:30الصبح وكف النزيف
والرصاصة طلعوهة بس معدتهة تأذت بسبب الرصاصة والطفل مات،،،،
دخلت عليهة لكيتهة نايمة بس وجهة شاحب مابية قطرة دم
وشكلهة كلش تعبان لزمت ايدهة هي حست فتحت عينهة
شافتني ابتسمت بتعب،،،،
فارس:ايش هيج سويتي????
ريماس:حياتي مو اهم من حياة غيري،،،،
فارس:دتتوجعين ????
ريماس:شوية،،،،
فارس:يلة ارتاحي اني باقي يمج،،،،
...... .... .... ..... ...... ....... .......
خالد:بعد الموقف الي صار البارحة تندمت هواية اني
حبيته لريماس بس بعد الي صار ما اعتقد راح تتقبلني
قررت اترك كلشي حتى الهة اتركهة بس شلون وكل
الحجي الي صار واهلهة ،،،،،
يزن:سيدي ممكن دقيقة من وقتك???
خالد:تعال يزن احجي شعندك???
يزن:سيدي عذرني ع كلامي بس الانكسار والاستسلام
مو من شيمك،لا تخلي فارس ياخذ كلشي منك،،،
وتتركله الساحة ويحس بالانتصار،،،
خالد:شنو الي اسوي بعد اذيت الانسانة الي احبهة وخلص
اني خسرت....
يزن:اسمحلي اقاطعك سيدي بس احنة من امتى نسمح
لعواطفنة تقودنة،،،،،
سيدي فارس يشكل خطر عليك،،وسبق وان هددك
اكثر من مرة،،،،وابو تبارك اذا سمع بالي صار
راح تكون انت بخطر والست ريماس هم بخطر،،،
ف ففكر وادرسهة زين وارجع اوكف ع حيلك مثل منعرفك
وتعودنة عليك،،،،،
خالد:تدري يزن ابد مشكيت بأخلاصك الي ولا ثانية
انت صدك ذراعي اليمنة،،،،،
بعد ما تركني يزن ظليت افكر بكلامه زين صحيح اني
اول مرة بحياتي انهزم بعيد عن كلشي لا وجنت
ناوي انسحب نهائيا،،،،،
لا مستحيل حتى ريماس متستاهل اتركهة تعيش بسلام
لان كل الحب الي بكلبي الهة وكل الي صار بينة
راحت لحضن فارس تحتمي بيه،،،،،
والي جنني اكثر ان فدت نفسهة لفارس اخذت الرصاصة
بدل عنه،،،،،
لاااااا لازم ما انهار او انهزم لازم ارجع للعبة اقوى
واجرأ من قبل وهين ياريماس وفارس نشوف منو
الي بضحك بالاخير،،،،
ريماس:ظليت اسبوع بالمستشفى وابوية لا اجة ولا وصل،،،
حتى خالد،،بس فارس وسامان مرات يجي،،،
ظليت حايرة هسة شراح يصير وين اروح?????
ابوية مفكر يجي ويسأل خالد مختفي وذولة خطية ابتلوا بية
خلص اني قررت ارجع لبغداد والي يصير يصير
تعبت وخالد مستحيل يترك كلشي وينسى اكيد عنده
لعبة ثانية واني ما اريد أذي اي احد وبقائي وية فارس
راح يعرضه للخطر،،،،
قررت اترك المستشفى بدون ما فارس يعرف،،،،
فارس:ثاني يوم كعدت من الصبح اتريكت ع السريع وطلعت
بوجهي للمستشفى لان احتمال ريماس تطلع اليوم،،،،
وصلت للمستشفى بوجهي لغرفتهة جنت جايبلهة ريوك
دكيت الباب ماكو جواب فتحت الباب ع كيف،،،
ريماس،،،،ريماس،،،،شفت الغرفة فارغة والسرير مرتب
خفت لا الي ابالي صح فتحت الخزانة مال ملابس فارغة
اي غرض منهة ماكو ركضت للاستعلامات ،،،،
العفو اختي بلا زحمة عليج المريضة ريماس بالغرفة رقم202،،،
الممرضة:اي طلعت اليوم الصبح،،
فارس:وحدهة لو اجة عليهة احد????
الممرضة:لحظة،،،
طلعت سجل جبير،،،
وحدهة لان توقيعهة موجود،،،،
فارس:شكرا،،،ليش هيج سويتي،،هسة وين راح الكاها
معقولة راحت لخالد????اووووف يا ريمة اووووف،،،
طلعت بوجهي للشركة لكيت سامان موجود،،،
سامان:هااااا همزين جيت هاك راجع هالتقريرين
وكلي رأيك حتى ابلش.... الووووو فارس يمعود صفكت
بيدي حيل هو جفل،،،،
فارس:شكوووو شبيك يمعود???
سامان:هو اني لوانت???احجي وياك وبالك مو هنا،،،
فارس:هسة شرايد???
سامان:سلامتك بس الشركة راح يطيح حظهة من ورى
اهمالك الاخير،،،،
فارس:اي وبعد????
سامان:فارس رحمة للنبي لاطلعني عن طوري،،،،
شبيك شصاير وهيج كالب الخلقة???
فارس:ريمة تركت المستشفى،،ومتركت اي عنوان الهة،،،
سامان:اي وانت شكوووو???
فارس:شنووووو شكوووو سامان شبيك ركز وياية،،،
سامان:ادري والله ادري تحبهة بس الحل الانسب الك
والهة ان تبتعدون عن بعض لا ن قربكم راح يسبب
مشاكل للطرفين ولا تتوقع خالد راح يترك كلشي بسهولة،،،
بهالاثناء اندكت باب المكتب،،،
فارس:تفضل،،،
السكرتيرة:استاذ فارس هاي الرسالة وصلتك بالبريد،،،
فارس:ماشي شكرا،،،اخذته ممكتوب شي ع الظرف
فتحت الرسالة،،،،مكتوبة من ريماس عدلت كعدتي
سامان:خييير ياطير اشووو الوجه اتعدل،،،
فارس:اسكت لك هاي من ريمة،،،،
سامان:ماشي اني رايح للمكتب اكمل كم شغلة من تخلص عود مرلي،،،تخبل الولد والله عبالك احاجي روحي،،
فارس:بديت اقرة السالة:
السلام عليكم....
استاذ فارس اشكرك جزيل الشكر على كل ما فعلته لاجلي لكني لا استطيع البقاء هنا،قربي لك يسبب لك الكثير من المشاكل وأنت تعلم أن خالد لن يتركني وسوف يشتاط غضبا
أذا علم أني اتواصل معك أرجوك لا تبحث عني سوف أعود
الى أهلي في بغداد ولن أعود مجددا الى هنا أتمنى لك الموفقية والسعادة في حياتك،وأنا آسفة جدا لأني لم أصدقك في بداية الامر،أنت رجل تملك الصفات التي تحلم بها أي فتاة أتمنى أن تجد الفتاة المناسبة لك،بلغ سلامي وشكري
الى الأستاذ سامان.
ريماس عبدالكريم
فارس:تخبلت شنو رجعت لبغداد وشراح تكول لاهلهة معقولة
هاي راحت للموت برجلهة استغفرالله،،،
فركت وجهي حيل،هسة شراح اسوي بغداد شطولهة
شعرضهة وجم واحد ساكن بيهة شلون راح ادور عليهة،،
رحت لسامان وحجيتلهة،،،
سامان:هاي البنية مو صاحية شلون راح ترجع والله
يذبحوهة،،،
فارس:ظليت الوب اروح واجي بالمكتب،،،تخبلت من كال
سامان يذبحوهة،،،،زين شلون يعني خلص هاي هي
راحت ضاعت من ايدي???
........ ......... .......... ...........
ريماس:بعد ما طلعت من المستشفى قررت اروح
لعند نرمين هاي صديقتي الروح بالروح بس انقطع
اتصالي بيهة من بدت مشاكلي وية خالد هي عايشة
وية امهة ابوهة متوفي وماعدهة لا اخوة ولاخوات،،،
كلت اظل يمهم فترة علما اشوف شلون احلهة،،،
بس قبلهة رحت للبنك سحبت شكو مبلغ جنت ضامته
وتوجهت لبيت نرمين،،،،،
خطية من شافتني وشافت شكلي تخبلت امهة هم تعرفني
ام نرمين:ولج يمة ياريمة ليش هيج شكلج شصاير???
نرمين:تعالي حبي كعدي ارتاحي هسة،،،،
كعدت وحجيتلهم كلشي بالتفصيل،،،،،
ام نرمين:لا حول ولا قوة الا بالله وابوج ابد مفك حلكه،،
نرمين:يمة هو الي يبيع بنته لواحد لا اصل ولا فصل
شتتوقعين عنده رحمة،،،
ريماس:خالة اني ما تريد ازعجكم او اتعبكم،،بس كم
يوم لحد ما الكالي شغل ومكان،،،
ام نرمين:صدك جذب موعيب هذا الحجي ابد ما انسه
وكفاتج ويانة عيوني الج حبيبتي البيت بيتج واحنة شعدنة
هو بس اني وهالخبلة،،،،
ضحكت ع كلامهة ونرمين طايرة بية ودتني لغرفتهة ونطتني
ملابس من عدهة،،همة شقتهم صغيرة ع كدهم غرفتين ومطبخ وحمام مشترك وصالة،،،
طبعا شقتهم بمكان سياحي كله جبال ومناظر طبيعية
وبية حركة واكو مول جبير3طوابق بعد4
بنايات عنهم هي نرمين تشتغل بيه وكالتلي احجيلج
وية المدير بلكت يقبل تشتغلين وياية،،،،
ريماس:تعمدت اكذب ع فارس واكوله ان اني رجعت
لبغداد حتى يبطل ميدور ولا يسأل عني لان ادري خالد
مراح يتركه،،،،
وثاني يوم رحت وية للشغل وقابلت المدير والحمدلله
قبل يشغلني لان ماشاءالله المول بيه حركة وجان عنده
نقص بالعمال اني خلاني ع قسم الهدايا ودوامي مثل
نرمين شفت واحد من ال6الصبح لل4العصر،،،،
وراتب زين الحمدلله،،،،
اجة عامل ثاني علمني ع الشغل والحمدلله ماكو شي
صعب كل قطعة سعرهة مكتوب عليهة بشريط بس
سئلني تعرفين تغلفين الهدايا???? شافتي صفنت الا شوية
ابجي كلت هاي هي راح يرفضوني،،،
هو ضحك كال ولايهمج بس باعي علية وتعلمي ظليت اتابعه
والحمدلله هم هانت وتعلمت ومشة يومي الاول بكل
سلاسة وماكو اي مشكلة خلصنة الشفت مالتنة ب4العصر
طلعنة اني ونرمين توجهنة للبيت،،،
مرت الايام واني مستمرة بشغلي بالمول وردت اطلع
بغير شقة ام نرمين مقبلت،،،
بنتي شلون تكعدين بمكان وحدج وانتي مالج احد
لاسامح الله يصير ميصير وين تنطين وجهج???
ريماس:استحيت اكلهة المكان صغير واني مشاركة نرمين
غرفتهة يعني ماعندي اي خصوصية وغراضي كلهن
لامتهن بصندوك،،،
داحجي ونرمين نقذتني من الاحراج:ماما شنو رأيج
ندور ع شقة اكبر بيهة ع الاقل 3غرف لان تعرفين
ريماس هم تحتاج غرفة وبهيج خالة اذا انقلنة لشقة اكبر
ريماس راح تظل ويانة،،،
ريماس:اي خالة اذا وافقتي اني اشاركم بالايجار هالمرة
ماعندج عذر حتى ترفضين اشارك بالايجار،،،،
ام نرمين:اي والله يمة حقج اني جنت ناسية هذا الموضوع
من باجر شوفولنة شقة اكبر بس مون هم هنا حتى قريبة
ع مكان شغلكم،،،
نرمين:اي اكييييييد،،
ريماس:خالة والله ما اعرف شلون اجازيكم وكفتكم
وياية الاخ موكفهة لاخته ولا ام ودنكت حصرتني الدمعة،،،
ام نرمين:حبيبتي ليش تكولين هيج انتي هم بنتي
انتي حسبة نرمين بس اعقل هههههههههههه ،،،،
ريماس:اني بس بالاسم عندي ام واب بس ابد محسيت
بيهم كلمن لاهي بحياته بس محد فكر بيه،،،،
نرمين:كافي ياعمري انسي خلص انتي هم عيشي وانسي
عندج احد بس هااااا ماعداية اني وماما،،،،
ريماس:ضحكت اكييييييييد،،،،
احيانا الحياة تاخذ منعطفا اخر ممكن ان تأخذ مسار
السعادة او بالعكس،لكن يتبقى علينا ان نجاريها مهما
كانت وضعيتنا لانها الحياة التي كتبت علينا سوى شئنا
ام ابينا....