مهرة في عرين الأسود

الجزء الأول

عندما ينزرع الغرور والتكبر في نفس الانسان ومعها مزيج القسوة والعنف تصبح الروح البشرية خارجة عن السيطرة وتحكم بنفسها العالم دون الاهتمام بما الحقتهة من اضرار بمن حولها....
هذه الروح البشرية ترغب بمزيد ومزيد من العنف والقسوة للتفريغ عن كم الالم بداخلها،سنتكلم عن تلك الروح البشرية التي عانت ما عانت لتصل الى هذه المرحلة من الظلم والقسوة.....
مرحبا اني اسمي فارس عمري حاليا30سنة اني رجل اعمال املك شركة مقاولات خاصة بيه في شمال العراق بدهوك عايش وحدي بدون اهلي ماعندي ثقة بأي بشر بس بنفسي وشخص واحد هو صديق الطفولة اسمه سامان...
مواصفاتي:اسمر طويل ضخم صاحب عضلات وامارس الرياضة والعب حديد والملاكمة، عصبي كلش وقاسي واهتم لنفسي وبس ميهمني غير شي المهم ارضي نفسي واشبع غروري وكبريائي عندي طبرة بحاجبي اثر اصابة قديمة،عندي 5خوات اكبر مني كلهم مزوجات واخ واحد اصغر مني بسنتين،صح امي خلفت خمس بنات وبالاخير يلة صرنة احنة الولد مع ذالك جان والدي ميتحيز للولد بالعكس يحب خواتي كلش عده احنة كلنة نفس المعزة..
وهسة بعد ما عرفتوني خل نرجع كم سنة ليورة من جان عمري 21سنة...
ام فارس:يلة يمة كوم راح تتأخر ع دوامك...
فارس:صباح الخير حبيبة كلبي...
ام فارس:يسعد صباحك حبيبي،يلة راح انزل احضرلك الريوك بين متغسل وتبدل.
فارس:ماشي يمة.
ابو فارس:هلا بهالصباح الحلو..
فارس:هههههه احجي حجي شعندك ورة هالكلمات الحلووة???
ابو فارس:لك ملعون يعني اني مصلحجي???
فارس:لا حجي حشاك...
ام فارس:ملخص الحجي ابوك يريد يفاتحك بموضوع الشغل..
فارس:ياشغل يابة??
ابو فارس:شوف ابني اني هالايام داتعب بالشغل هواية وهذا اخوك بعده صغير ما اكدر اعتمد عليه فكلت..
فارس:بدون متكمل الي تريده وتأمر بيه اني حاضر..
ام فارس:الله يرضى عليك يمة ويطيب خاطرك مثل مطيبت خاطرنة...
ابو فارس:الله يوفقك وليدي ويرضى عليك ان شاءالله من تخلص دوامك مرلي للمكتب واعلمك ع الشغل حتى انت تلزمه واني اساعدك..
فارس:صار يابة تأمر،كملت ريوكي وسلمت عليهم وطلعت جانت عندي سيارة خاصة بيه هدية من والدي من نجحت بمعدل من السادس،طبعا اني مرحلة رابعة واخيرة هندسة معماري ع تخصص والدي لهذا قررت الزم شغل الوالد و اطوره...
سامان:لك هلا بالضلع اشو تأخرت ثار نص ساعة مسموط بالشمس???
فارس:لك ازدحام الشوارع تخنك،شلونك وية المادة هم كول ممسيطر وملحكت اقرة...
سامان:يضحك ويكله،كأنك في قلبي...
فارس:دظل..ظل..هيج لحدما السنة تروح عليك بس اريد اعرف شغلة شلون جبت هالمعدل ودخلت هندسة???
سامان:لك عبالك الكل مثلك مكينة مال قراية،متتعب لك اني لحد هسة تعب السادس بيه..ضحكنة وطبينة للقاعة سوة،هذا الحجي جان ب2008،جانت اكو بنية دائما تتعرضلي كأنما اني البنية وهي الشاب بجرئتهة و وكفته كبالي هي جانت حلوة بمعنى الكلمة ومن عائلة غنية الجامعة بأكملهة تركض وراها وجانت تذبلي حجي تريد علاقة ومن هالسوالف بس اني جنت كلش اضوج منهة لان مرخصة نفسهة وماعدهة حشيمة لنفسهة لمن تعرض ع ولدعلاقة جانت كل يوم تجي بسيارة شكل ولبس شكل و بعدين عرفت ان هي بت مسؤول لهنا تجنبتهة كلش بس هي ظلت تلح جانت تخابرني ودز مسجات واني اطنش ومرة من المرات جنت كاعدة وية الشباب هي طبت بنصنة جرتني من ايدي وكومتني باستني وكلتلي كل عام وانت بخير حبيبي ونطتني هدية موبايل وراحت جانه حديث بوكته سلايد جان ونوكية فدشي توب
الولد كله حقدت علية وسمعوني حجي ع تستشرف بروسنة وانت راكض وراها ع الهدايا اني ضجت كلش رحت عليهة جانت كاعدة وية البنات جريتهة و رزلتهة رزالة تسوة عمرهة
فارس:انتي شنو متستحين ما عدج اخلاق تركضين وراية شكو وشمرت التليفون عليهة باعي لج من اليوم ورايح ديري بالج تعترضين طريقي خليتي اليسوة والميسوة يجيب طاريي
وعفتهة ومشيت وهي ظلت تهدد وتصيح الا اندمك واخليك تتوسل ومن هالحجي اني مهتميت...
مرت الايام عادي طبيعي ماكو شي وجنت اشوفهة للبنية وهي عادي تباوع وتندار...
مصار شي جديد بهاي الفترة سوينة حفل التخرج وخلصنة واستلمنة النتائج وجبت تقدير ممتاز و سوينة حفلة ثانية جبيرة بالحامعة واجتي البنية وهم عرضت علية فرصة اخيرة نكون ع علاقة والي اريده تلبي حتى لو فراش اني لعبت نفسي منهة ورزلتهة بس هالمرة الكلام كان كلش ثكيل وتركتهة...
ورة التخرج مباشرة الشغل لزمته وابوية جان يجي بين فترة وفترة بس ظل يتابعني واني اخذ رأيه بالشغل وكذا...
ورة التخرج بشهرين جنت راجع من الشغل ظهرية سبحت بين ما والدتي حضرت الغدة منشوف الا طبوا مداهمة احنة تخبلنة...
تقدم واحد من الضباط وباوع علية وع اخوية منو منكم فارس اني باوعت بوجه اهلي وبلعت ريكي...
فارس:نعم تفضل اني فارس شنو الموضوع??
همة رأسا دفعوني ع الحايط وكلبجوا ايدي واخذوني طبعا جانت2008فترة طائفية ع خطف وقتل وسلب وكلشي جانت من السنوات المأساوية وجنة من نسمع واحد اعتقلوه نقري عليه السلام المهم...
جروني وذبوني بهمر وخطية اشوف اهلي تخبلوا وراية امي وكعت بالكاع منظرهم وجع كلبي كلش،وبعدنة عن البيت واباوع بالوجوه هسة صار لازم افكر بروحي شنو الي راح يصير شنو مصيري...
مرات ايام وليالي اني بالسجن وما اعرف شنو التهمة وبالي يم اهلي واشكال تعذيب شفت كتل وجوع وعطش ع نتل بالكهرباء بحيث جنت اصيح وادعي رب العالمين يموتني كتل بكيبل مال كهرباء،بحيث كمت ما احس ع روحي كم يوم صارلي او الدنيا ليل لو نهار...
مت ايام وليالي واشهر واني ع التعذيب بحيث كمت ما ادير بال من يطبون علية صار التعذيب حاله حال الوجبات الغذائية لا ويمكن اكثر بعد كمت اتيه ليلي من نهاري وكلما يمر يوم احقد ع نرجس واهله اكثر...
طبعا نرجس هي نفس البنية الي جانت تتعرضلي بالجامعة ورة فترة من تخرجنة هي مسوية علاقة وية واحد وراد يزوجهة وابوهة رفض قرروا ينهزمون وهي باكت خزنت ابوهة وذهب امهة ورة فترة الزموا بس الولد غادر بيهة معتدي عليهة وبايك كل الذهب والفلوس وشمرهة باب اهلهة هي خافت تكول انهزمت ملكت غيري وذبت بلاها علية عود اني خاطفهة ومسوي بيهة كل الي سواه صاحبهة هذا الحجي طبعا المحقق رائد حجاه الي من دخل يحقق وياية ورة6اشهر من سجني...
مرت الايام وبيوم جانوا مطلعينة بحديقة السجن واني معجبني اطلع فرجعت لغرفة الي مسجونين بيهة وتمددت ماحسيت غير ثنين جيتو علية واحد سد حلكي والثاني صار فوكاية عرفت شنو الي يريدوه وبدوا مثل الحيوانات تريد تفترسني حسيت نفسي بنية وراح تفقد شرفهة،اني هم ولد وذولة وسخين راح يوسخوني واني هم الي شرف حسيت الشغلة كبرت وراح يصير الي يريدوه مدري منين جتني القوة ودفرتهم حيل ودفعتهم واحد فوك اللاخ وضريت اضرب بيهم بدون وعي الي ان حسيت المحقق رائد يسحبني واني مجلب بيهم...
شمرني بالكاع وراح عليهم والسجناء التموا اندار علية وكلي لك شسويت ماتوا...
هنا اجاني احساس بالفرح وان اني سويت شي جبير..
فارس:بصوت عالي اي طبهم مرض وانداريت ع الكل هذا مصير كل الي يندك بفارس فاهمين...
وراها كالعادة انضربت وانسجنت انفرادي بس المحقق رائد كالعادة ساعدني حسيت اكو شي وراه لان ممعقولة عايش بهيج مكان قذر وعنده ضمير كلت يلة هي تبين بعدين..
مرت الايام والاشهر وهاي صارلي سنة وشهرين،اجاني المحقق رائد وكلي جبتلك اخبار عن اهلك...
فارس:طرت من الفرح بداخلي من جاب طاري اهلي مشتاقلهم،اي سيدي بشر شنوووو اخبارهم???
رائد:دنكت راسي وكتله طلعوا للخارج...
فارس:شنوووو طلعوا????
رائد:باع هاي اوراق ابوك تركلك البيت والمكتب ماله كله بإسمك....
فارس:حسيت بخيبة امل شسوي بالفلوس والبيت اني اريد اهل يوكفون وياية...زين انت مو كلت اني مريت عليهم وحجيت كل الصار وان همة يدرون اني مظلوم???
رائد:صح كل هذا كلته الهم بس اجاهم تهديد وخافوا ع اخوك وحتى خواتك كلهم طلعوا للخارج واستقروا بدبي حسب كلام ابوك هو كال فارس من يطلع يعرف وين يلكانة...
فارس:ضحكت ضحكة وكلت هاي هي يلة شسوي..
طبعا صرت انسان ثاني،انسان حاقد ع الدنيا ومتروس غل وحقد ع كل البشر وانولدت بداخلي قسوة جان سفر اهلي وشلون تخلوا عني كانت بالنسبة الي( الشعرة الي قصمت ظهر البعير)بحيث لو يذبحون كدامي بشر ميرفلي جفن عليه وقررت اصير غير شخصية وغير انسان،جسمي جان عادي طبيعي لا عضلات ولاشي فبديت العب رياضة وابني جسمي وبدة كل الي وياية ينتبهون علية وصرت اتعارك واضرب الكل وكلمن يجرأ يلفظ اسمي،صاروا يسموني السفاح، الى ان يوم من الايام دخل علية واحد ضخم كلش وحجة بصوت يرعد:كوم يا السفاح شرفنة بطولك،ويضحك،
فارس:هو انت زبالة ششرف منك...بعدني ممكمل ضربني ع وجهي والدماية كامت تخر وسحلني سحل وصلنة لغرفة ظلمة وبيهة ضوة خافت وجانت حارة تخنك،سمعت هذا الضخم حجة وية واحد تعال كمل وياه مابيه حيل اروح انام
تقدم علية شخص لابس مدني والسلاح بخصره ونطاني بطل مي وخاولي:هاك غسل وجهك واشرب مي
باوعت علية شفته المحقق رائد:ممكن سؤال???
المحقق:اكيد تفضل...
فارس:اني ليش هنا??ممليتوا يومية نفس القوانة???
المحقق:شوف اني ممكن اساعدك واهزمك،،بس....
فارس:بس شنوووو??كول???
المحقق:اشرله بيده تكلفك..يقصد فلوس
فارس:عرفت طمع بالاملاك الي تركهة ابوية،ضحكت كتلة الفلوس كلهة جوة ايدك...
المحقق: ومنو كلك اني رايد فلوس ،عندي شغل الك تنفذهة وهذا راح يكون ثمن خروجك...
فارس:احجي اسمعك...
المحقق:اني لا محقق ولاشي اني مدني بس مسلح تابع لشخص جبير لا دولة ولا قانون يوكف بعينه وعنده حساب يريد يصفي وية نفس الشخص الي دخلك هنا...
فارس:لحظة..لحظة..زين شلون دخلت وشلون امن بيك الضابط وتركني وياك?
رائد:شوف انت تعرف اسمي رائد وبس واما بالنسبة لدخواي هو بهوية مزيفة والضابط المسؤؤل يدري بكلشي وناطيه ثمن سكوته واكثر وبعدين انت تعرف كلش زين وضع البلد ماكو لاقانون ولاشي الي يملك فلوس اكثر هو الي يمشي اللعب،هسة عوفك من كل هذا،تفوت ويانة بالشغلة لو عاجبك الوضع هنا???
فارس:غير اعرف شنو المطلوب مني حتى اقرر...
رائد:ماشي،المطلوب منك ان تسطوا بيت الي دخلك هنا السيد كامل وتخطف بنته نرجس...
فارس:وشلون اكدر اسوي هذا الشي هاي الشغلة يرادلهة واحد مجربهة مو هيج...
رائد:لكلشي بداية وكلشي اله اول تجربة...احنة اكيد راح نساعدك ونأمنلك كلشي...
فارس:ظليت صافن ع رائد كلبت الشغلة تخوف وبيهة مجازفة بس بنفس الوكت اني بقائي هنا والنهاية وحدة هي الموت اذا هنا واذا برة والاهم من كل هذا الانتقام لازم انتقم وهاي فرصة اجت يمي وما اردهة...جريت نفس وزفرتهة ماشي اني موافق ..
رائد:يلة لعد كوم السيارة بالباب...
فارس:هسة شلون والحراس والشرطة???
رائد:ضحك بصوت عالي،لك انت صدك فطير وع نياتك،كوم بابا كوم....
فارس:اخذني ومشينة لخارج لغرفة جان الضابط الي جابني موجود مدد ع سرير ابو نفر وكله هاااا فرجت???
رائد باوع عليه وضحك وغمزله هاك هاي حلاوة سكوتك...

---