مهرة في عرين الأسود

الجزء السابع

التاريخ: ٠٤‏/٠٦‏/٢٠١٨

#مهرة في عرين الاسود
الجزء السابع...
مرت الايام وخالد كام يجيني للشركة ونكعد نسولف عن الزواج وهيج امور شخصيته حلوة واريحي يشاقى ويسولف وية زميلاتي بس بحدود وبأدب صرت اتقبله وزاد اعجابي بيه وكمت احس احساس حلوة من اكعد واحجي وياه ونطلع سوة.....
مرة جان عدنة اجتماع حسيت الاستاذ فارس مزعوج مني نبرة صوته من يحجي وياية تختلف بعدين كلت لا اكيد مو هيج قابل شعندي وياه....
المهم خلص الاجتماع....
فارس:ريماس ممكن دقيقة قبل لطلعين???
ريماس:اكيد استاذ فارس تفضل....
فارس:ممكن تكعدين عندي موضوع وياج????
ريماس:اكيد،كعدت تفضل استاذ ...
فارس:شوفي ريماس قبل كلشي تعرفين معزتج عندي انتي من اكفئ المهندسين بالشركة رغم صغر سنج،والي راح اكوله الج صدكي من باب احترامي لشخصج لاغير،اتمنى متاخذين كلامي وياج بغير قصد...
ريماس:اشكرك استاذ شهادتك هاي اعتز بيهة وان شاءالله ما افهمك غلط بس شغلت بالي خير استاذ صاير شي بشغلي???او....قاطعني..
فارس:لا...لا ابد كلامي وياج ابد ماله علاقة بالشغل كلامي خارج اطار الشغل...شوفي ريماس انتي خطيتي خطوة جبيرة بحياتج الا وهي الزواج بس للاسف معرفتي تختارين،ممكن اعرف انتي شتعرفين عن خالد???شغله،سفرياته الكثيرة،اهله،ع ما اعتقد لحد هسة ممقابلة احد من اهله صح???
ريماس:ظليت صافنة،استاذ مع كامل احترامي الك بس ممسموح لاي شخص يدخل بحياتي انت مديري ع عيني وراسي تحاسبني داخل الشركة فقط وبشي يخص عملي فقط اما حياتي الخاصة وحياتي برة الشركة خط احمر....
فارس:عصبت حيل ما اعرف شلون افهمهة وهي هم حقهة متعرفه زين وهو ما شاءالله اسلوبه،المهم عصبت بوجه وحاولت افهمهة بس ماكو هي هم عصبت واستأذنت مني وطلعت من المكتب ظلت نار توج بداخلي شلون لازم احميهة من هذا القذر ولازم ابعدهة عن حياته بأي ثمن،زين لحضة اني ليش مهتم لهالدرجة بيهة وطبهة طوب ان قنعت او لا لابد يجي يوم تعرفه ع حقيقته.....
طبعا راح تسألون ليش هيج حجيت وية ريماس والسبب الي خلاني احجي عن خالد بهذي الطريقة راح احجيلكم هسة.......
طبعا عن طريق الصدفة عرفت بشغل خالد الي مثل ميكولون خلف الستارة الي هي المقاولة طلع انسان وصخ وشغله كله وية عصابات وكذا اكيد تتذكرون رائد الي هربني من السجن صح عفت ذاك الشغل القديم والوصخ بس ظليت ع اتصال وياه لان هو الوحيد الي ساعدني وخلاني اوكف ع حيلي وحتى من ردت اترك الشغل ممانع بالعكس ساعدني وغطة عني هواية مرة جنة كاعدين بمطعم ودنسولف شفت خالد كبالي ع ميز وياه ناس مبين طلعة( بزنز)كام هو وسلم عليه والي فاجأني سلم ع رائد وراح لمكانه وبديت اسئل رائد شلون ومنين عرفته....
رائد:وانت ليش هلكد مهتم بيه????تريد تعرف ماضي بس لا تريد تناسبه????بأستهزاء...
فارس:اي يجوز ليش لا....ومنا بدة الحجي يطلع المسكين عباله صدك اريد اناسبه...
رائد:دنجب لك انت عفت الدنيا كلهة وجيت ع هذا،لك بابا هذا اصلا ممعروفين اهله وكل بنية تشوفهة وياه هاي مو من اهله ترى قسم منهن صاحباته وقسم منهن يعيد ترميمهن من جدة وجديد وع اساس لو اخته لو من اقاربه ويزوجه لشخص عنده مصلحة وياه...
فارس:ظليت صافن ريماس بيا جحيم داخلة هاي اذا صارت زوجته اكيد راح يجرجره لشغله الوصخ....
رائد:سمعت عنه خاطب وع وجه زواج...الله يساعد الي راح تاخذهة ولو تلكيهة نفس الزبالة...
فارس:انتفضت لاتجيب طاريهة....رأسا غيرت صوتي،اقصد هي موظفة بشركتي واصلا تعرف عليهة اثناء تنفيذ مشروع هو طالبه،واصلا هي حتى حرامات بيه...
رائد:ممكن اعرف ليش هيج محروك دمك عليهة???
فارس:ارتبكت بسؤاله،لا بس هي بنية حبابة ومؤدبة وبنت ناس وخالد ميلق بيهة...
رائد:جريت نفس الجكارة ونفخته،بس اكو شي بوجهك يكول غير هذا الكلام....
فارس:لا يتخيلك بس لو شايف البنية جان كلت صدك حسافة بيهذا هيج وحدة....
رائد:ماشي راح امشيهة وهي الايام راح تثبت موقفك تجاه هاي البنية،بس ها دير بالك تحتك بيه ترى هذا واصل وايده تطول كلشي اخذ حذرك منه...
فارس:بيني وبين نفسي قررت لازم اوصل هاي المعلومات لريماس بأي ثمن.....

---