مهرة في عرين الأسود

الجزء الرابع

ريماس:صارلي يومين وماكو اي رد من الشركة ولو اني بداخلي جنت ادري راح يرفضوني لان جان واضح كلش المدير ممتقبلني،شسوي هذا هم حظي...
سلوى:ها ريماس اشو البارحة مجبتي الشهرية...
ريماس:صفنت عليهة وبداخلي كلت الناس تصبح بالاول،خالة ماعندي هسة بلكت الكي شغلة و....
قاطعتني متنرفزة قابل الشغل يدك بابج هذا الشارع مليان محلات و...
ريماس:خالة اني درست وتعبت ع نفسي ما اريد بعد اشتغل بمحل ملابس لو هذني الشغلات....
دخل ابوية خير..خير...ليش اصواتكم طالعة..??
سلوى:بتك منطتني هالشهر بحجة ماكو شغل وتستنكف بعد تشتغل بمول ...
حجت وراحت..
اجة ابوية:بابا ريماس انتي تدرين احنا يادوب وية رواتبنة ملحكين ع طلباتكم...
ريماس:بابا ياطلبات اشو مصرفي كله اني شايلته حتى اكثر الاحيان اكلي برة...
ابوية:بصياح انتي شنو تعيريني غصب عنج تشتغلين وتذبين مصرف بالبيت موزين جبتج يمي وخلصتج وغيرت حياتي وحياة اطفالي علمودج...
ريماس:اسمع حجي ابوية وضحكت والدموع تجري لا حقك بهذلت نفسك وجهالك ومرتك واني هيج طز بية مو ???ع العموم لا تعب نفسك بعد ولاتشيل هم ان شاءالله بس الكة وظيفة اطلع منا واريحك...عفته وصعدت لغرفتي وظليت ابجي معقولة ذولة اهل امي مو بحالي ملتهية برجلهة وجهالهة حتى متكلف نفسه ترفع تليفون وتسأل وابوية هسة يعيرني بهاليومين الي منطيته بيه فلوس قطع افكاري صوت التليفون باوعت رقم ما اعرفه فتحت الخط::الووو
المتصل:الووو..ريماس احمد وياية..
ريماس:اي نعم منو حضرتج???
المتصل:وياج شركة الفارس للمقاولات احب ابلغج تم اختيارج وتكدرين من باجر تباشرين دوامج...اذا حابة
ريماس:تخبلت من الفرحة اكمز...اي..اي..نعم ..اكيد باجر ان شاءالله ع الموعد..شكرا..شكرا..مع السلامة ذبيت التليفون وظليت اكمز من الفرحة نسيت حتى كلام ابوية ونسيت كلشي..فتحت الكنتور اشوف شلبس باجر اول يوم دوام ضجت ماعندي شي مرتب خابرت صديقاتي مكالمة جماعية واتفقنة نطلع العصر...
صار العصر وبلغت والدي بالوظيفة الجديدة وسأل شكد الراتب وشوكت...
ريماس:الله كريم ادوام واشوف،طلعت جانوا البنات ينتظروني بالباب جايين بسيارة وحدة طبعا احنة 4صديقات سرنة واحد الطبة الطلعة كلشي سوة...
سرور:والله انتي بطرانة العالم تتخرج ترتاح تطلع تتونس تسافر وانتي كاتلة روحج ع التعب...
ريماس:الله يخليج خليني ساكتة همة البارحة لان عبر وقت الشهرية كلبوا الدنيا وطلع ابوية مبهذل نفسه وجهالة علمودي مو متدرون جابني من الشارع...
سارة:لاتضوجين ياعمري لبسيهم،هاااا يابنات نسيت اكلكم اني وحبيبي سيروان طالعين جولة حول العالم بعد اسبوع...
طبعا هي مسيحية وفري كلش اهلهة كلهم بالخارج...
فترينة واسوكنة كلنة وخطية البنات ساعدوني وكل وحدة اخذتلي قاط كامل وياه الحذاء والجنطة رهمتهن وياه...
______________________________________
ثاني يوم كعدت كلي حماس فستان اسود قصير جوة الركبة بشبر وفوكاه سترة وفوكاه سترة حمرة الاردان للعكس مو كاملة وشعري رفعتهة وسويتة باڤ ونزلت كذلتي وخصل كلش رفيعة والمكياج كالعادة بسيط والحمرة كلش خفيفة باوعت ع روحي كلش حلوة جريت نفس وطلعت...
جتني سرور و وصلتني بسيارتهة...
وصلت للشركة وبوجهي لغرفة رئيس قسم الموظفين واستقبلني:انسة ريماس اليوم المدير راح يجتمع وياكم بعد نص ساعة تفضلي وياية اعرفج ع مكتبج...
ريماس:دخلت لمكتبي فدشي حلو ومرتب كلش حبيته والمدير تركني وطلع وكلي خلي بالج يم التليفون حتى نبلغج بالاجتماع...
ريماس:ان شاءالله استاذ شكرا مرة ثانية...ظليت افتر بالمكتب وكعدت خلف الكتب ممصدكة معقولة حققت حلمي واحتليت مكتب بشركة الفارس،قاطع تفكيري صوت...
سامان:واني اكول ليش الشركة منورة اثاري الست ريماس مشرفة...
ريماس:ضحكت بخجل شكرا استاذ سامان هذا من ذوقك...
سامان:ياريت لو تلغين كلمة استاذ...
ريماس:لا استاذ شلون يصير...دنضحك ونسولف فات الاستاذ فارس من يم مكتبي اني سكتت مو خوف لكن احترام اله...مهما كان هو المدير...طلع الاستاذ سامان ودخل هو علية..
فارس:اعتقد هنا شركة ومكان عمل مو مكان للتعارف او الدردشة...
ريماس:تخبلت من حجة هيج ردت اجاوبه لبسني وطلع النوب ظليت افور...
دخلنة الاجتماع واجتمعوا بينة فارس وسامان حجوا بخصوص طريقة الشغل وطبعا كل شوية ييباوع علية وواحسة يقصدني بالكلام كلش غثني وتم تقسيم الموظفين الجدد من ضمنهم اني،جنت اني وياية 5ولد و 3بنات،وتحقق حلمي وصرت مهندسة بشركة الفارس اصمم مشاريع وادرسهة ع ارض الواقع يعني صار الي رأي وحجاية مسموعة....
والحمدللة الاستاذ فارس صارت علاقتي بيه حلوة صح عصبي وجاد وميشاقى ابد بس مو مثل قبل شاد وياية اني كلش احبه واحترمة يعني كمدير لاغير جان كل همي شغلي وبس هو كل حياتي لا افكر بحب وعلاقات وهالخرابيط....