نهوة_بحر

البارت الاول

بقلم الكاتبة_اسيرة الماضي..
.
.
.

السلام وعليكم..اعرفكم بنفسي اني الشيخ بحر ابن غضبان ال
شيخ عشيرة ال.............،ولدت وكبرت بيت شيوخ ورثت عن اهلي وجدي السلطة والعصبية جدي سماني بحر لان عيوني مثل لون البحر ازرك طووخ..علمود هاي سماني بهذا الاسم.
ابوي متوفي واني صرت الشيخ بدالة صارت عركة بين ولد عمي منو يستلم الشيخ بس جدي كالهم محد يصير غير بحر ولاني الحفيد الاول...جدي توفى قبل 5سنين جان الملهم بحياتي جنت اشوف ابوي وامي دائما يتعاركون والسبب امي هي تكره عمامي وتريد تعزل بس ابوي لان الجبير جان ميقبل من جنت اشوفه تسوي مشاكل كرة الحياه من وراهة وكرهت شكو مرة عل وجه الكاع...امي ميته والبيت هذا بيت جدي الله يرحمه كاعدين بي اني وجديتي واخواني...احنه 3اخوان و2خوات الجبير اني وراي يجي اخوي ناضم مزوج بت عمي علوان وعندة اربع جهال...انوب تجي اختي اميرة مزوجه اخو سهاد(مرت اخوي ناضم وبت عمي علوان)...وعدة 5جهال..وراهة يجي اخوي مصطفى عمرة 27سنه متخرج من كليه الحقوق بس مامزوج....واخر العنقود سمر اختي الصغيرة والي مربية عل ايدي من اتوفى ابوي وامي جراء حادث وهم بطريقهم للروحة لبغداد ماتو واني تكفلت بامور البيت واخواني....

السلام وعليكم حجيه..

الحجية..ها هلة يمه بحر يمه يوم اشوفنك عريس وشايل سبع جهال...

بحر..شكم مرة لازم اعيد زواج مازوج خلي بالي مرتاح احسن

الحجية مجدة..يمه لازم تزوج و يصير عندك جهال يشولونك بكبرتك صار عمرك 32سنه وانت بعدك مامزوج.

بحر.ماريد ازوج كافي تلحون.

مصطفى...عليش متعصب اني ازوج مو احسن.

بحر..اني جم مرة كتلك مو طب سلم جكد ابقا اعلم بيك يعني

مصطفى...هسة متكلي انت شبيك عصبي.

بحر..ولك انجب احسلك.

الحجية مجدة..يا يمه بحر شبيك تتكاوش ويا اخوك من الصباحيات عزفه يريد يزوج احسن منك..

مصطفى..فديتج بيبي بس انتي تفتهميني.

الحجية مجدة..اكول ابشر منو تريد اخطبة الك بس اشر وكول والة وهي يمك..

مصطفى..يمعودة شبيج مجودة جنت اشاقة وياج..

الحجية مجدة..ماتكوم من وجهي لا بارك الله بيك ولك تضحك علية يا منعول السالفه.

مصطفى..كولشي ولا تزعل جوجة..

بحر..ولك مصطفي تأدب شنو جوجة احترمه لا بالقن..

مجدة..يووو شبيك ويا الولد..

بحر..حجية هذا ميجي الا بالعين الحمرة ياللله فيمالاا.

الحجية مجدة..وين يمه اسماللة كمل اكلك.

بحر.لا حجية شبعت يالله اودعناكم.